على ويـــن المسـافــه .// عـذر الغيــاب

[عبدالمجيدالعنزي]

حنا العطش وامالنـــا تشحذ الغيم= وابحلامنا فوق السحاب انــتعــــلا
دام الضما شاهد على الياس والضــيم = ليه القلوب الي نبيهــا تغــــلا..؟؟

على وين المسافه ياالطريق الموحش المهــجور = مشيت ولا لقيت الي عليه اشكي معاناتي
بديت اسـتــثــقـل الخطوه واحس بعتمة الديجور= غــفا صبح السما والريح من بين اضلعي عـــاتي
على عكازي الهالك ادور للمسافه نور= رغم عنف الصحاري للأمل جريت خطواتي
احس ان الوجيه شباح ..... وقلوب الوجيـــه قبـــور= تحاصرني ملامحها وعجزت اطوي مسافاتي
صدحت بصوت زفرات الألم ياحلمي الميسور= وداعك جرح مايبرى ولايستوعب اسكاتي
اذاماللجفا حيره انا ليه اتبعك مجبور= واذا ماهمك اشتاتي !!!.......من اللي يجمع اشتاتي
تعال وشفني مشيًب على باب الرجــا مقهور= تعبت انخاك عن وجــه الضلام ودمع ضيقاتي
تعذرلي عن غيابك واقول ان الوفي معـــذور= اعيش بعذر متهالك ..ولاحيرة متاهاتي
اشوفك ناوي تقفي وانا مابين باب وسور= سهرتك لين ماعافت عيوني طيش نظراتي
احبك كثر مالجة ضلوعي من غياب وجور = احبك كثر ماكان الجفا يستوحشه ذاتي
احبك يابعد جرح الغريب التايه المذعور = احبك كثر مااحتجتك..... كثر نزفي ولوعاتي
احبك كثر ماكنت بغرامك ياالغلا مغرور= احبك من بدا عمــري معك لاخر محطاتي
حبيبي ماقدرت انطق غلاك ولا وصفت شعور= عجزت ااوصف كبر قدر الغلا من رعشة اشفاتي

ان دمع المنتــظر ماللصبر قيمـــه = وان طاح قدر الوفا ماللغلا داعـــي

[عذب القوافي]

الجزل / عبدالمجيد العنزي

صح لسانك مليون

نص وافي وعوايدك الجزااال يالغالي

تقديري ,,,,,

[ناصر ملاقي المسطح]

حنا العطش وامالنا تشحـذ الغيـم
وابحلامنا فوق السحـاب انتعـلا


هكذا هو الشعر
صح لساااانك

[سعود العضياني]

صح السانك وبيض الله وجهك

نص جزل من رأس جزل

لله درك

ودمت ولاهنت

[عبدالعزيز ابراهيم المنصور]

رائع رائع
ألف ألف شكر على هذه القصيدة
لافض فوك
دمت بخير

[الـزلـزال]

عبدالمجيد العنزي
بوح في قمة العذوبه والجمال والجزاله
من شاعر متمكن ورائع في كل مايقدمه
أبدعت شاعرنا ولنا أمتعت
رعاك الله وأدام لنا حرفك
صح لسانك ملايين ملايين
ولك فائق تحياتي وتقديري

[حمود السكراني]

عبدالمجيد العنزي لله درك على هذا الجمال


وهذا الإبداع وهذه الروعة سلم بوحك مليار


يحق مبدع ياعبدالمجيد

[إبتهال الجنوب]

بسم الله الرحمن الرحيم

موفق بإذن الله ...

لك مني أجمل تحية .