يـــا ســدرة الغــربي !!

[شجون القصيد]

متواضعه اتمنى ان ترتقي لذائقتكم

السدره اللي تحتويني عن السيل = وان اقبل العاصوف لذت بحماها
ماكنت اخاف الحر والبرد والليل = ولاهمني سود الحظوظ ورداها
عديتها ذخر الليال المقابيل = ياكيف كنت افخر بها واتباها ؟
وان ضاق صدري قمت اسوغ التراتيل = في ظلها وانعم بريحة شذاها
ويروح وقتي ماحسبت البهاذيل = اهنا بشوفتها واهيم بغلاها
اسقيتها دمي وعطرتها هيل = وطعّمتها شهدٍ مزود حلاها
ونادمتها بالشعر ياعين ياليل = ورشفت حتى الموت صافي هواها
وهي سقتني من غلاها فناجيل = اليوم مدري ليه بين غثاها
تغيرت ماعاد يحلا لها سهيل = ولاعاد تعجبها شجون وعطاها
صارت كما الحنظل ولو يشرب النيل = الطعم علقم والمرار يغشاها
ياسدرة الغربي وحلو التعاليل = وش غير الايام جانا شقاها
وين الوعد ليه الجفا والغرابيل = من يحمي القمري اذا الليل جاها
وان هزها العاصوف وارعّد بها ويل = وين الملاذ اذا تبارق سماها
انا لي الله يوم زادت على الميل = هو العليم بجهرها وبخفاها
قولوا لها ماعاد في خافقي حيل = فرقاه مهره والفؤاد امتطاها
اليوم شمت وطافحٍ عندي الكيل = يحرم عليا ظلها مع جناها

[الطامي]

شجووووووووووون
صح السانك ملايين
ابداع متجدد دائماً
جزلة وطيبة وهادفه لاف فوكي اختي
شكرا لشششششششششششششششش

[عبدالعزيز البليهد]

تشرفت بأن اكون اول المصافحين لهذه الرائعه

صح لسانك وسلم بنانك على هذا الابداع

ماعليش سبقني الطامي وان شاء الله مردوده

[منيع]

ابيات ولااروع
بارك الله فيكم
تحياتي وتقديري

[الطائر المهاجر]

كتبتي فأبدعتي واجزلتي
صح لسانك ولا هنت
تحياتي الطيبة

[فارس القوافي]

هلا بك ياشجون

مساء الخير

نص عاطفي جميل

صح لسانك

لاهنت


يعطيك العافية

دمت بخير

[نجم الإبداع]

ارحبي ياشجون

وصح لسانك على المصافحه الجزله

شاعره متمكنه

لاهنتي

تقبلي مروري

وتقديري

[ترانيم المطر]

هلا بك ياشجون

مساء الخير

نص عاطفي جميل

صح لسانك

لاهنت


يعطيك العافية

دمت بود

[الخنساء]

المشاركة الأصلية كتبت بواسطة شجون القصيد

متواضعه اتمنى ان ترتقي لذائقتكم

السدره اللي تحتويني عن السيل = وان اقبل العاصوف لذت بحماها
ماكنت اخاف الحر والبرد والليل = ولاهمني سود الحظوظ ورداها
عديتها ذخر الليال المقابيل = ياكيف كنت افخر بها واتباها ؟
وان ضاق صدري قمت اسوغ التراتيل = في ظلها وانعم بريحة شذاها
ويروح وقتي ماحسبت البهاذيل = اهنا بشوفتها واهيم بغلاها
اسقيتها دمي وعطرتها هيل = وطعّمتها شهدٍ مزود حلاها
ونادمتها بالشعر ياعين ياليل = ورشفت حتى الموت صافي هواها
وهي سقتني من غلاها فناجيل = اليوم مدري ليه بين غثاها
تغيرت ماعاد يحلا لها سهيل = ولاعاد تعجبها شجون وعطاها
صارت كما الحنظل ولو يشرب النيل = الطعم علقم والمرار يغشاها
ياسدرة الغربي وحلو التعاليل = وش غير الايام جانا شقاها
وين الوعد ليه الجفا والغرابيل = من يحمي القمري اذا الليل جاها
وان هزها العاصوف وارعّد بها ويل = وين الملاذ اذا تبارق سماها
انا لي الله يوم زادت على الميل = هو العليم بجهرها وبخفاها
قولوا لها ماعاد في خافقي حيل = فراق مهره والفؤاد امتطاها
اليوم شمت وطافحٍ عندي الكيل = يحرم عليا ظلها مع جناها

صخ لسانك مليون ولايفكون

جزلة من شاعرة جزلة

سلمتى ودام حرفك

[سلطان العطاوي]

الله الله

صح لسانك مدد

حضور رائع
لا عدم ولا خلا....