زعفران الحب

[احمد رده الحارثي]

.

.

.

.


للتواصل مع قلوبكم النقيه

يا بنت صبي دلة اشواقك بفنجال الوداد=وحطي عليها زعفران الحب .. واسقيني غلا
اسقي عطش قلبي وصالك.. قبل يذبحني البعاد=قلبي من هموم الهجر والصد والبعد امتلا
صفحة حياتي ورّديها صرت ما اطيق السواد=اما كذا يا بنت ذوبيني غلا .. والا فلا
يا بنت صار الحزن يسكنّي .. وصار الهم زاد=اما ابتلاني الحزن .. والا صار فيـّه مبتلا
الحزن يسكني بلاد وكن ما غيري بلاد=اطلبْه يتركني ويرحل .. كني آقله هلا
يا وقت ليه تحطم اعصابي ..وانا ماني جماد=يا وقت .. ليه تبيْح باسراري على روس الملا
ياوقت حاولت استميلك .. واثري انفخ في رماد=حتى الحلا يا وقت - من سبّتك - ما اذوقه حلا
اتعبتني يا وقت .. واتعبت الدفاتر والمداد=لا الحبر نسّاني الهموم ..ولا القصيد .. وْلا ولا
علمت قلبي من خطايه يستفيد .. ولا استفاد=والحمل زاد .. وقلبي المسكين وش يتحملا
السالفه طالت .. وانا خرمان دله – والمراد -=قومي وصبي دلة الاشواق .. واسقيني غلا

.

.

[الطائر المهاجر]

صح لسانك واعتلى شأنك
نص رائع من شاعر رائع
لاهنت يالغالي
تقديري واحترامي

[منيع]

ابيات ولااروع
بارك الله فيكم
تحياتي وتقديري

[عبدالله مذكر العقيلي]

رائعه من شاعر رائع

صح لسانك

ولاهان راسك


تحيتي

[نجم الإبداع]

ارحب يااحمد

وصح لسانك على المصافحه الجزله

لاهنت ياشاعر

لاهنت

تقبل مروري

وتقديري

[ترانيم المطر]

صح لسانك واعتلى شأنك
نص رائع من شاعر رائع
لاهنت لا هنت
تقبل من التحيه أغلاها
ودمت بود

[سناعيس]

صح لسانك يالحارثي
وبيض الله وجهك
قصيدة جزله من شاعر جزل
لاهنت


تحياتي

[زهرة اللوتس]

رائعه من شاعر رائع

صح لسانك

ولاهان راسك


تحيتي

[نفحات حساسة]

صح السانك,,اخوى احمد
ولاهنت..نص رائع
سلمت وسلم فكرك..
تحياتى لك..

[مبروك بن ماضي]

الاخ الفاضل الشاعر / احمد رده الحارثي
حضور يروي الذائقه..وحروف راقيه
ابدعت وامتعت بهذه الدره الرائعه بكل المقاييس
صح لسانك واعتلى شانك
لك تحياتي وتقديري ،