جــــس نبـــــض

[فارس القوافي]

وش حاله اللي نساني بين أصحابه = لا ما ذكرني ولا صبّح ولا مسّـا
قولوا له انّي ذرفت الدمع بسبابه = قولوا له اشلون صبّر قلبه وقسّا
من امس غايب ولا جا صوب احبابه = مدري نسى العهد والاّ العهد به لسّى
الباب صكّه وانا واقف على بابه = ماحسّ كسر الخواطر ليه ما حسّا
قال انتظرني وطوّل حيل بغيابه = شكّيت بنّه يقيس النبض ويجسّا
يبي يشوف الغلا واللي تهقوا به = ويشوف حبّ ٍ بناه وداخلي رسّا
ادري بحبّه وانا اقرب من اقرابه = لو دسّ حبّي ترا والله ما دسّا
يبين حبّي بعينه لو كتم ما به = اقرا عيونه واشوف الشوق وآعسّا
لكنّ غايب وكثروا حوله اصحابه = لا ماذكرني ولا صبّح ولا مسّا

[منيع]

كان الله في عونك
ابدعت واطربت
شكرا لك ولقلبك المتيم
تحياتي لكم

[فارس القوافي]

ههههههههههههه

هلا بك يامنيع

يشرفني حظورك والله يالغالي

صح بدنك

لاهنت


اشكرك


دمت بخير

[الطائر المهاجر]

سلمت وصح لسانك وفكرك
واعتلى شأنك
نص رائع من شاعر رائع
لاهنت
دمت بخبر

[داعي الشوق]

سلمت وصح لسانك وفكرك

واعتلا شأنك

نص رائع من شاعر رائع

لاهنت

دمت بخير

[عبدالله الشويمان]

الله الله يا اخ خالد

نص رائع وقافيه أروع..

صح السانك الين ترضى

دمت بخير وصحه وسلامه

[نجم الإبداع]

صح لسانك ياخالد

مصافحه رائعه وقافيه اروع

لاهنت

تقبل مروري

وتقديري

[نفحات حساسة]

صح السانك..ولاهنت
جزله من راس جزل,,سلمت وسلم فكرك
تحياتى لك وتقديرى..

[مبروك بن ماضي]

شاعرنا القدير/ فارس القوافي

صح لسانك وعلا شانك

قصيده عانقت السحاب بروعتها . .

دمت بهذا الحضور وهذه الشاعريه.

تقبل فائق التقدير والاحترام

[عذب القوافي]

الجزل / فارس القوافي

صح لسانك نص وافي لله درك يالغالي

تقديري ,,,,,