لن كان به شاعر؟؟؟

[نجم الإبداع]

النوم طار ومابقى لي سوى القاف=واهل المشاعر بعظهم ماينامون
لن كان به شاعر يجيني بالانصاف=يمون لاجتني حروفه وانا امون

[شجون القصيد]

صح لسانك نجم

بس وراه ماقلت شاعره وين الانصاف ههههههههه

ليت قلبي قوي

[نجم الإبداع]

[

quote=شجون القصيد;768609]صح لسانك نجم

بس وراه ماقلت شاعره وين الانصاف ههههههههه

ليت قلبي قوي[/quote]

ارحبي ياشجون

والمجال مفتوح وشاعر يشمل الاناث والذكور

جمدي قلبك شوي هههههههههه

وماعندك الا العافيه

[شجون القصيد]

البحر يبغى له عن الماي مجداف .... وانا مجاديفي من الهون بالهون

قالو جبانه قلت والقلب خواف .... وانتم على الشعار بالسهم ترمون

[نجم الإبداع]

البحر فيه الدر وانواع الاصداف=وانتي مجاديفك ذهب صافي اللون
مانتي جبانه مير خوّفك الارجاف=وسهومنا ماتجرح الي يودون

[شجون القصيد]

ادري تحايلني وانا اذكرك سياااف ... وانا شريت السيف ماهو بمسنون

يانجم خليها على السطح تنشاف ... الغوص قبلي روح اللي يعرفون

[نجم الإبداع]

انتي علامك خايفه حول الاطراف=والسيف في غمده عن الغيد مصيون
حنا على وضح النقاء بين صفصاف=والي هلك لاشك من قول ملعون

[شجون القصيد]

بمـحاورات الشات والكــل حـذاف ... عرفــت انا موسى ومعروف فرعون

عزمت له نفسي وردت بي خلاف ... ماطاوعت تمشي على اللي يقولون

[ابراهيم المهنا]

.

.

صحّت ألسنكم

مشاء الله / قاف / وطاروق رائع / ومعاني

متابع

.
.

[نجم الإبداع]

الشات يبغى له من البنك صراف=والا تروحي عند من هم يزكون
مالي من ام جميل وام التعطاف=والمال ماخلد في الخلق قارون