ظبيتن شارده

[احمد الجريفاني]

يوم قررت اهجر الحب وابعد واصوم=نقضت لي جروحي ظبية(ن)شارده
قلت للصبر تفزع لي وقال معزوم=عقبه ايقنت حوض الموت انا وارده
التهقوي ماهو سلمي وعنه محشوم=من وقع في شبكهن ربنا قارده
بايع البرد مايدفيه لفح السموم=با الشتا وين يلفي لاصبحت صارده
كيف منهوب في داري تقل وسط قوم !=ضاع سيفي لقيته عسبة(ن)جارده
قمة الغبن لو تذبح ولا لك خصوم=ذابحك راح ياكلها وهي بارده
نم مع جروح نجل ان كان طاوعك نوم=خل شيطان شعرك يشتكي مارده
مانت قادر تنام ولانت قادر تقوم=ولانت قادر على الحبوه ولو يارده
ما خبرت الظبا يا ناس تلبس هدوم=ولا سمعنا عنود لشعرها فارده
الظبي لو يذير ما براسه هموم=البلا والجلا مدفون في طارده
قايد الريم لو يخطي يقال محشوم=وطارد الريم يلحق ظبية(ن)شارده

[الطائر المهاجر]

بوح رائع من شاعر رائع
صح لسانك مليون
لاهنت ولاهان مغليك
تحياتي العطره

[صعبة المنال]

الله الله على الابدااااااع

دووم مميز يا احمد

صح لساااانك ونبضك

صعووووب

[منيع]

ياسلام عليك
ابداع وتجديد وتميز
بارك الله فيكم
تحياتي وتقديري

[احمد حامد الزايدي]

الله الله

/

مبدع أخي الكريم

صح السانك يالقرم

لك شكري وتقديري

[حمود جارالله المزيني]

ابو فراس
كلمات رائعة كالعادة
اشكرك على الابداع

[ام العمده]

صح لسانك واعتلا شانك

لاهنت على هذه الشامخه



دمت بخير

[عدنان كريزم]

صح لسانك يالذيب ولا هنت



تحيتي

[سعيد الصاعدي]

الاخ الفاضل / احمد الجريفاني
صح لسانك لاهنت
نص شعري رائع جداااااااا
من شاعر جزل
تسلم ويسلم فكرك يالغالي
تحياتي
أخــــوك
س / ص

[داعي الشوق]

و صح لساآآنك يالشاعر الرائع

احمد الجريفاني