وبانـت الـعـازه عسى الله مايـعـيـزه

[فواز الغسلان]

يوم طارت طايرتنا من مطـاره=كم عـزيـزٍ فـوقـهـا فـارق عـزيزه
كنت اظن العمر مايترك مساره=أثر ساعات الهناء دايـم وجـيزه
ويوم دارت بالمدارج واستداره=وابتدى يظهر من السرعه هزيزه
رغم تكييفه غشت كبدي حراره=وخفت صمام الحشى يـنـقـز قفـيـزه
دمعة الفرقى بـمـوق العين حاره=وبانت العازه عسى الله مايعيزه
وصار قلبي يشتكي لاهوب ناره=وأثر حب الريم في روحي غريزه
وسالت دموعي من العين بغزاره=ودمعة المغبون بين الـنـاس مـيزه
والـلـه ان الـروح مـاهــذا قـراره=والرحـيـل عـن الغلا مانستـجـيزه
بس مقعاد الـغـثـى والله خساره=وانت ما تملك بوسط الناس بـيـزه
وسط جوفي خافقٍ يبي الصداره=وعـزة الـمـجـلاس للـعـاقـل ركيزه
ياكسبت اطراف عزي عن جداره=وبالـمـهـونـه ما نـبـي يـانـاس جيزه
خـوف قلبي لا بـغـى يـرجـع لداره=ما يـلاقــي رقـم تأشـيـره وفـيــزه

[الطائر المهاجر]

بس مقعاد الغثى والله خسـاره
وانت ما تملك بوسط الناس بيزه

خابرك غواص تغطس في مهاره
تجلب انقى در ما تشكي عويزه

سلمت وصح لسانك وفكرك
نص رائع من شاعر رائع
لاهنت
دمت بخبر

[عذب القوافي]

الجزل / فواز الغسلان

صح لسانك

وافية من وافي

لله درك يالغالي

تقديري ,,,,,

[فواز الغسلان]

المشاركة الأصلية كتبت بواسطة الطائر المهاجر

بس مقعاد الغثى والله خسـاره
وانت ما تملك بوسط الناس بيزه

خابرك غواص تغطس في مهاره
تجلب انقى در ما تشكي عويزه

سلمت وصح لسانك وفكرك
نص رائع من شاعر رائع
لاهنت
دمت بخبر

هلا وغلا يادكتور واتشرف بتفاعلك المحبب

تحياتي لك

[منيع]

دائما انت رائع قلبا وغالبا
تحياتي لكم

[الطامي]

الغسلان
صح السانك ملايين
جزلة وطيبة لافض فوك اخي
كلمات معبرة مما في القلب وبوح جارح
الله يعينك
شكرا لك

[داعي الشوق]

صح لسانك يالشاعر فواز الغسلان

شاعر كبير

و صاحب إبداع مميز

قصيدة جزلة يا فواز

و قافيتها كايفه يالقرم

صح لسانك

مع التحية لك

[ابومياس]

اهلا وسهلا بهذا الحرف الشجي
والمعنى الجزل
والاسلوب الراقي
هنا مقطوعة جمال اصيل من الشعر الاصيل
الذي قلما نجده
يحق لهذا المتصفح الزيارة
يحق لنا الاستمتاع بما حواه من جمال شعري
شاعرنا القدير
لا املك امام هذا النص الفاخر
الا ان اقول
صح لسانك بيض الله جهك وعاش راسك لاعدمتك
دمت بخير

[همس الورد]

صح لسااااانك مليون

و صح بدنك

بووووووووووح في غاية الروعه

تحيتي و تقديري

[مبروك بن ماضي]

الاخ الفاضل الشاعر / الراوي بن غسلان
ما أجمل الوقوف على عتبات كلماتك
صح لسانك .. فقد أستمتعت بكل حروفها
تقبل تحياتي وتقديري
أخوك / بن ماضي