ياصدق من سماه بالناس دبوس

[فواز الغسلان]

لا بـاعـك الـلــي بـالـعـرب كان شاري=اعـرف تــرى الـلي راح يالـقرم كابوس
اكـــثـــر رفــــاقـــات الخـــلايــق طــواري=والا عـلــى ربــح ومـطـامـيــع وفـلـوس
ويـازيــن مــن بــانــت عـلــــيـــه المـواري=ولا عيشته داخل حـياتك تقل سـوس
كـم واحــدٍ لاجـلـك يـدوس الخـطـاري=وهـو يوم ياتي من هل الظلم مدسوس
يــاتــي لــخــلـــق الــلـــــه بـلــيــــا بــواري=ويـاصــدق مـن ســمــاه يـانــاس دبـوس
ومـسـكــن جــراثـيــم الـمــرض بالمجــاري=واصـبح بـوسط الـمـجـتـمع تقل فـيروس
صــارت مـعــيــشــتـهـا مـعـيـشــة جــواري=دامـه تـحــت نـجــس الـقواطير مغروس
ومـن كان هــــمــــه بــس ربــح ومـصــــاري=يكـمــل حـيـــاتــه بـيـن مـعـزى وجـاموس
والجــوع مـاعـــاب الــوحــوش الـضــواري=لا جـــاه وقـــتٍ فـــي بـلاويــــه مـنــحــوس
الـعــــيــــب بــدروب الـــردى والــــعـــواري=ودخـلـة بـيـوت اهل الندى تقل نـادوس
ورزق الخــــلايــق فــي مـقـــاديــر بـــاري=ماهــي نـتـــايــج حـرب فـارس ومـفروس
كــم واحـــدٍ حــــيــــلـه يــفــــك الـســـواري=والـفـقـــر صــاح بـمــنــزلـه تـقـل نـاقـوس
وغـيره صـفــط بالـبــاب بـنـــز وســفــاري=وهـو مايـفـرق بـيــن الاشـوام والـروس
ولا يـامـن الـتــاجــر طـعــون الشـبـاري=لا قــام يـمـشــي بالـعــرب تقل طاووس
والـلـــي مـن الـــدنـيـــا يــذوق الـعـــزاري=يرجع يســوي بـالـبــحــر حـفـل وعروس
تـجـــــارنـــا فــوق الــــبـــواخـــر تـمـــــاري=وتدعي حـرم بـطـرس وريجــن وراموس
حـتــى يـقـــال الـحـــفـــل مـرعــب ونـــاري=والشاي بــه ثـلــج ومـقـاسـات وطـقوس
ماهـــمـــهـــم طــفـــلٍ مـن الـفــقـــر عــــاري=محــدن شـرى لـه قـبـل الاعـياد ملبوس
والـيـــــا صـــــدر لاجــلـــه قـــرارٍ وزاري=حطوا شروطه من ورى حــد طرطوس
وعــز الـفـــتـــى مـابـــه ظــنـــون ومـداري=والـصـبــر تـحــت الـهـون مافـيــه ناموس
وش مـقــعــدك تـذرى عـلـيـــك الـــذواري=ومن الـغـثـى لـيـلـك تـقــل لـيل مضروس
عــالــج هــمــومــك فــي بــراد الـمـسـاري=تـطــرد عــن الـخــافــق ثـمـانـين هاجوس
تـاطــى طــوالــيــــع الـمــطـــر والـخـبـاري=وباللـيــل تـجــلـــس فــي دعـاثـير وطعوس
مــع صــاحــــبٍ يـشــبـــه فـهــيـــد الـفـــواري=وبـه مـن خـلف طـبـع وكـرامات وعكوس
ولــد الـفـــــقـــيـــري بـالـــنـدى مـايـــداري=يطـلـق خـفــوقٍ بـيــن الاظـــلاع محـبــوس
والا ابــوعــــيــسى لا جــرت لـك جــواري=طـبــعــه عـلــى طـيــب الاجـاويـد مدبوس
طـيــبــه خــذى مـن طـيــب سـاسـه محاري=وطـيـب الـتـمـيـمــي بـين الاجيال مدروس
بـالـمــرجـــلـه شــادوا جــســــور وكبـاري=وعـنـد الــدجـى لــربــوعـهـــم تـقــل فـانوس
لا يـابــعــــد رفـــــقــة كـبـــيــــر الـعـتـاري=وبالـطـيــب ثــورٍ بالـلـــواهـيــب مـشـمـوس
مـع مـثـلـهـم تـطـــرد فــروق الـحـــبـاري=ارداهــم الـلــي بالـنـــدى تـقـل قاموس
عـن دوجـتـك بالـلـيـل بـيـــن الـحـــواري=وتطـــيـح بـالـلـــي مـهــــلـــك مـــال ونـفـوس
قــصـــــدك تـمـــاري لابـســــات الـخــزاري=وتـصبح تـقـل ضــبٍ على الــدرب مدعـوس

[جلال ابراهيم الصبيح]

كم واحدٍ لاجلـك يـدوس الخطـاري

وهو يوم ياتي من هل الظلم مدسوس

الله الله

صح لسانك واعتلى شانك يا سيدي الشاعر (فواز)

قصيدة جزلة بجزالة كاتبها أمتعتنا بإبداعك.....يعطيك

ألف عافية سيدي....وصح لسانك ملايين......دمت بخير.


عاشق دمشق

[منيع]

كل واحده من اشعارك تقول الزود عندي
لافض فوك
دمت بخير
تحياتي لكم

[عبدالعزيز العقيدي]

الشاعر فواز العسلان
هلا وغلا
وصح السانك
قصيدة جزلة من راس جزل
تحياتي لك

[ناصر عبيد الهواوي]

لله درك يافواز على هالرائعة
في معناها ومبناها لاعدمناك يالغسلان
الله لا يهينك وبيض الله وجهك

[الطائر المهاجر]

لا باعك اللي بالعـرب كـان شـاري=اعرف ترى اللي راح يالقرم كابـوس
اكثـر رفاقـات الخلايـق طــواري=والا على ربـح ومطاميـع وفلـوس

بيتين هيضتني ولهذا انا اقول (ويمكن اكملها مجاراة)
لابعت شخصٍ كنت في يوم شاري=فلا تجيب له طاري ولو كان هاجوس
دامك عرفته بالنفاق متواري =وش لك ببو وجهين عاثي كما السوس

لله درك يالراوي
دائما جزل ولا تأتي إلا بالسمين

صح لسانك وفكرك
ولا هنت
تحياتي الطيبة

[سناعيس]

فواز الغسلان
صح لسانك وبيض الله وجهك
قصيدة من ذهب
لاهنت

تحياتي

[الـزلـزال]

فواز الغسلان
قصيده رائعه ومتقنه
من شاعر جزل ومتميز في كل مايقدمه
مبدع ورائع ومتقن شاعرنا
رعاك الله وحماك
صح لسانك ملايين ملايين
ولك فائق تحياتي وتقديري

[الطامي]

الغسلان
صح السانك ملايين
جزلة ووافيه
لاهنت اخي

[داعي الشوق]

صح لسآآآآآآنك مليووووووووووووون