ياحمود براق الدجى صار له ضوح

[فواز الغسلان]

ياحمود براق الدجى صار له ضوح=يجلى هموم اللي تململ وضاقي
غيمه تساوق يشبه الرسم باللوح=وسيله بدار الزين زاد انـدفـاقي
وسميةٍ يلعب بها كل مـمـلوح=من خوفها ماجاه حتى الشلاقي
كم شيخ قــومٍ دونها طاح مسدوح=وكلٍ جـفـل من خوف قـطـع التراقي
يفرح بها قلبٍ من الزين مذبوح=من يوم ضاعت بالحبيب المهاقي
دخلت لاجله حفرةٍ تهلـك الروح=بـارضٍ بـيــاحٍ ما تجيه السواقي
ماسار فيها ناجع البدو وسروح=ولا داج فيها لابسين الطواقي
ساقت حلوفه مامشت لاجل مصلوح=وايمان مايطري عليها الفراقي
وامسيت في حبه شـفــوق ومشفوح=ووطيت نـارٍ جـمرها مايطاقي
وعاشت بفكري دايـمٍ وين مااروح=كن الضماير من وراها تـسـاقي
غديت من دمعي مع الناس مفضوح=ياتـقـل لـه مـن فـوق خــدي سباقي
من عقب ماني عند الاجواد ممدوح=هربت عنهم في طويل المراقي
وزودٍ على الـدمع الـذي طاح مسفوح=نومي غدى منها على عظم ساقي
صارت لابن شعلان من طاح مجروح=يشفط من الضيقه سبيل العراقي
وعـقـبـه جزى قلب الوفى هجر ونزوح=ولا جـاء مـنـي للـزيـن غـدر وشقاقي
اقفت وانا حالي مثل نايح الدوح=ولا تاصل الـمـجـمـول حـتـى البراقي
نار الـمـحـبه مالها وصف وشروح=نـاره تـزيــد بـهــاجـســي واشتـيـاقي
واليوم ماشافت على الدرب مربوح=وعــادت تـســوق ظـعــونـهـا والـنـيـاقي
يمكن تظـن انـي على الدرب مطروح=او ان قــلـــب اللي فــقــــدهـــا يـعــــاقــي
وشنوح ترجع عقب فـرقــاك وشنوح=والا بـوقـت الـضـيـق تـبــي الـمتاقي
بنيت باحلام الهوى قصر وصروح=ولاكنت احسب هروج حبك نفاقي
من عقب ما باب الوناسات مفتوح=حطيت لي قفلٍ شديد الغلاقي
ودام الـهـوى عـنـدك فـراغـات ومزوح=الـيــوم ريـقــــك عــلــقـــــمٍ ما يــذاقــي
ومن هـاتـفـي رقـمك من العام ممسوح=وعن رجعتي سقـنـا ثلاث الطـلاقي
والله عقب جرحك فلا انـتــه بمسموح=وشلون اسامح من غدر بي وباقي

[منيع]

ياسلام عليك
ماتجيب الا الجزلات وهذي عوايدك
كل الشكر والتقدير لكم
تحياتي

[مبروك بن ماضي]

الاخ الفاضل الشاعر / فواز الغسلان
قصيده في غاية الروعه
صح نبضك وبوحك
ولاعدمناك

[عذب القوافي]

الأخ الشاعر / فواز الغسلان

صح لسانك

مليون ولايوفون

نص جزل من جزل

تقديري ,,,,

[الطامي]

الغسلان
صح السانك ملايين
جزلة وهادفه لافض فوك
شكرا لك

[صعبة المنال]

ومن هاتفي رقمك من العام ممسوح
وعن رجعتي سقنا ثـلاث الطلاقـي
والله عقب جرحك فلا انته بمسموح
وشلون اسامح من غدر بي وباقـي


قوية

سلمت وصح لسااانك

[داعي الشوق]

	ابن غسلان ، الشاعر الفنان صح لسانك مليووون ... شاعر مميز لك أسلوبك الخاص الصعب الذي لا يجيده سواك صح لسانك مدد بلا عدد إعجابي و احترامي لك ،،،،،،،،،،،،،،،،،،،،،

[فواز الغسلان]

المشاركة الأصلية كتبت بواسطة منيع

ياسلام عليك
ماتجيب الا الجزلات وهذي عوايدك
كل الشكر والتقدير لكم
تحياتي

الاخ الشاعر منيع اشكرك على مرورك النبيل

ودي وتقديري

[فواز الغسلان]

المشاركة الأصلية كتبت بواسطة مبروك بن ماضي

الاخ الفاضل الشاعر / فواز الغسلان
قصيده في غاية الروعه
صح نبضك وبوحك
ولاعدمناك

الشاعر الغالي ابن ماضي كل الشكر لك

لاهنت يالذيب

[فواز الغسلان]

المشاركة الأصلية كتبت بواسطة عذب القوافي

الأخ الشاعر / فواز الغسلان

صح لسانك

مليون ولايوفون

نص جزل من جزل

تقديري ,,,,

الاخ الشاعر ابن خزيم تشرفت بك وبمرورك العذب

ودي وتقديري