جـتـنـي تقـول اشـتـاق ( كيبـورديـه )

[دايود صالح الخلف]

السـلام عليـكم ورحمـه الله وبركـاته

اسعد الله اوقآتـكم جميـعـا بكـل خيــر


البارح كتبت قصيـدتيــن ( ولأول مره بيـوم اكتب قصيدتيـن )

لأنه كـان مطلـوب منـي قصـايـد بأحد المنتديـات

وجميعـهم كيبـورديـات ...!!

فـ هذي القصيـــدهـ الأولـى

واتمنــا انها تنــال علـى بعضـا من رضـاكم والقبـــول

جتـني تقـول اشتـاق يا قـرة العيـــن=اشتقــت لــك يا سيـد كــل الشبــابــي
جيتـك وبـيــدي كـل ورد البسـاتيــن=واطلـب عسـاك اليـوم تنسـى غيابي
قلـت العذر يا هـاجـره للـمحـبـيــــن=وشلـون ابنســى كـل جرح وعـذابي
أول تـرى كنــتـي عنـود المـزايـيــن=يـوم إن طيـفــك دايـــم ٍ ما يغـــابــي
واول ترى كنـتي زهـور ورياحيـن=هديـّــة ٍ للـي جـروحــه عـطـــابــــي
واول وصوفـك كامـل ٍ فيهم الزيـن=سحــابـة ٍ للــي تمـنـــأ السحــــابــي
واول لـفـكـري دايـم ٍ لـه تـزوريـن=مثـل النجـوم اللي عـددهــا غـدى بي
واول اشوف إنك لقـلـبي تــوديــــن=طــب ٍ ليـا زادت جـروحـي سرى بي
إنـتي هجـرتيـني بسبـة حسـوديـن=صـدّقـتي اللي كـان وده مصــابــي
واتغيـّـر اللي كنـتـي إنتـي تقـوليـن=لا واحسـايـف كــل حكيـــك سـرابـي
روحـي لمنهـو كان ظمـن العذوليـن=لا ترتجيـني خـاطـري منـك طـابــي
خـوذي ورودك وابعـدي عنـي الحيـن=هــذا الكـلام اللـي لـهـجـرك جـوابـي

وسلآمتـــكم

والمعــذره على القصـــور

[زهرة اللوتس]

داوود صالح الخلف
سلمت وصح نبضك
جزلة من شاعر جزل
مصافحة راقية
من شاعر متمكن
لاهنت وبيض الله وجهك

تحياتي
وتقديري

زهره

[دايود صالح الخلف]

المشاركة الأصلية كتبت بواسطة زهرة اللوتس

داوود صالح الخلف
سلمت وصح نبضك
جزلة من شاعر جزل
مصافحة راقية
من شاعر متمكن
لاهنت وبيض الله وجهك

تحياتي
وتقديري

زهره

زهرة اللوتس /

حياك الله سيدتي الفاضله
وسلمتي من كل شر
والرقي بحظورك بلا شك
لاشنتي ووجهك ابيض إن شاء الله

تحيتي لك

[ابومياس]

صح لسانك يابو خلف
نص جزل من شاعر جزل

احييك على هذه الكيبوردية الجميلة



دمت بخير

[عبدالعزيز الرقابي]

ياسلام عليك ياخلف .. الله الله على روعة الأبداااع ..

أول ترى كنتي عنـود المزاييـن
يوم إن طيفك دايم ٍ مـا يغابـي
واول ترى كنتي زهور ورياحيـن
هديّة ٍ للـي جروحـه عطابـي
واول وصوفك كامل ٍ فيهم الزين
سحابـة ٍ للـي تمنـأ السحابـي

تناسق وتكامل وجمال .. صح لسانك ياداوود على هذه الفاتنه المزدانه بروعتك ..

إعجابي..

[مبارك أبوظهير]

داوود الخلف




صح قلبك وفكرك ... أبدعت لاهنت



إعجابي .. غلاااااااااي




م ن

[حوريه]

جيتك وبيدي كل ورد البساتين
واطلب عساك اليوم تنسى غيابي

**

قلت العذر يا هاجره للمحبيـن
وشلون ابنسى كل جرح وعذابي

****

خوذي ورودك وابعدي عني الحين
هذا الكلام اللي لهجرك جوابـي

***
شاعرنا.../ داااود الخلف

نبض منفرد .. طاغي الجمااال

كتبت بأجل الإحاسيس....

فتوشحت ملاحمة الكثير من الحزن

لكنه توهج بالعذوبه المعهوده منك

صح نبضك وإحساااسك

دااود نحن في انتظار القصيده الثانيه

دااام حرفك ولا عدمنااك

[سناعيس]

داوود الخلف
لاشك بأنك شاعر متمكن
وباستطاعتك ان تكتب اكثر من قصيدتين في اليوم الواحد
ولا استطيع الا ان أقول ماقصرت وصح لسانك ولله درك
تحياتي

[داعي الشوق]

يا سلام عليك يا داوود

جزاله في المعنى و جمال في الكلمة

رائعة من شاعر رائع

صح لساآآآآنك مدد بلا عدد

تحيتي لك مع التقدير

،،،،،،،،،،،

[محمد عبدالله البدراني]

داوود ماشاءالله عليك شعر على طلب اجل


ماقول الا صح السانك




تحيتي