ياقدس لوتزهم(من ارشيفي)

[مسلم عواد العميري]

ياقدس لوتزهم على كل الاصـوات=مانسمعك ياقدس في جبر خاطـرك
اصبر علينا عندنا بعـض شغـلات=الى شبعنا رقص يمكـن نحـررك
والى قضينا مـن ستـار التفاهـات=يمكـن نفيـق المقبلـه ونتذكـرك
حنـا بلشنـا فـي كثيـر القنـوات=في يدي الريموت ناسي خواطـرك
مابين ماسنجر ومايـك مـع شـات=خلنـي اتسلـى لاتـدور وادورك
خمسين عام وحننا في اجتماعـات=حسبة ثلاث ايـام ناقـر واناقـرك
واخر مطاف السالفه سبع هوشـات=واطلع بمكتوبـي وتطلـع بدفتـرك
والى اصطلحنا مد يـدك سلامـات=وقّف بجنبي لاجل صور واصورك
مليار مسلم مثل حيـل الفراشـات=لوتجتمع غصب اليهودي يغـادرك
شارون تعبث في اعراض العفيفات=وصبرا وشتلا شواهـد مجـازرك
امنتهـا منـا ولاخفـت صـولات=تلعب على كيفك تصـدر اوامـرك
تقتل وتجرف من جديـد البنايـات=الله بمـا يختـار عـنـا يـدبـرك
الله يجيـب اللـي يـرد المهابـات=وياطى بحذيانه على عرض صابرك
مسلم شديد الباس راعـي مـروات=ينزع رموش العين ويقص اظافرك
لابـد مايـومٍ نعيـد الحسـابـات=ونجيك ياقدس العروبـه نطهـرك

[عذب القوافي]

صح لسانك أخي أخي مسلم

نص وافي والله يفك عن إخواننا في غزة

الى شبعنا رقص يمكـن نحـررك
الى شبعنا رقص يمكـن نحـررك

أناأشهد يالغالي ,,,,,,

[ام العمده]

مسلم

صح لسانك واعتلا شانك

ابدعت

دمت بخير

[عبدالله الشويمان]

صح السانك اخوي مسلم

نص بطريقة كوميدية جميله

لا هنت لا هنت

[محمد عبدالله البدراني]

العزيز الغالي مسلم عواد العميري سلمه الله


مليون صح السانك وعلا شانك

لاعدمناك يامسلم


وبيض الله وجهك


والله يقبل منك

وانجيك ياقدس العروبه انطهرك

اللهم امين



لافض فاك


تحيتي

[زهرة اللوتس]

امنتهـا منـا ولاخفـت صـولات
تلعب على كيفك تصـدر اوامـرك

تقتل وتجرف من جديـد البنايـات
الله بمـا يختـار عـنـا يـدبـرك

الله يجيـب اللـي يـرد المهابـات
وياطى بحذيانه على عرض صابرك

مسلم شديد الباس راعـي مـروات
ينزع رموش العين ويقص اظافرك

لابـد مايـومٍ نعيـد الحسـابـات
ونجيك ياقدس العروبـه نطهـرك

الشاعر مسلم عواد العميري
سلمت وصح نبضك
جزلة من شاعر جزل

ولك اطيب
تحية

زهره

[داعي الشوق]

صح لسانك يالشاعر مسلم

صدقت والله

و الله يزينها من عنده ان شالله

سلمت و صح لسانك مع التحية لك

،،،،،،،،

الشاعر : مسلم العميري

تحياتي لقلمك الرائع

صح لسانك ...

وهاهو الزمن يطوي شريط الذاكره على مهازلنا

من الارشيف ..ولكن تعبر عن اليوم !! وسوف تعبر عن الغــد؟؟

إذا لم ينتهض المسلمون من كبوتهم ويصحون من غفوتهم

و لكن هيهات ... فمازال العزاء مستمراً ....

ولليهود بقية ...

وتقبل تحياتي

صح صح صح صح لسااانك

قصيده جزله من شااعر جزل

لا هنت

موج القصيد

[منيع]

ابيات رائعة ومعبرة
بارك الله فيك
تحياتي