ياعناد لابانت جروح المعاليق

[فواز الغسلان]

ياعـنـاد لا بـانـت جـــروح المعـالـيـقوشفت الـذي يكـره جلـوس الرفاقـه

او جالس(ن)فـي نابـيـات الشواهـيـقمـن هاجس(ن)بالصـدر زاد احتـراقـه

افهم ترى المسكين ضمـن المغاريـقمن صاحب(ن)يجـرح بلطـف ولباقـه

وهذي صفات جروح رمـش الغرانيـقالـلـي الـيـا صــاب المعالـيـق عـاقـه

ياعنـاد ترسـل لــه رماح(ن)مـزاريـقوتسـرق خفـوقـي بالمحـبـه سـراقـه

لا هـو نجـى مـن محرجـات التواهيـقولا هـو مـن اللـي يـوم راعــاه ذاقــه

جريـح عيـن الريـم وسـط المشاريـقتحت المزون اللي سريع(ن) مساقـه

ترعى الفياض اللـي زهـت بالزماليـقولا طالعـت ظـلـه يـزيـد اصطفـاقـه

وتجفـل اليـا ضـاح السمـاء بالبواريـقوتطلـق مـع الوديـان ساق(ن)دقاقـه

من خوف نار(ن)في كفوف التفافيقولاينفعـه عـقـب الصـوايـب شهـاقـه

تزبن عـن القنـاص عـرض المطابيـقمثـل السهـم بالريـح عقـب انطـلاقـه

والا الـهــدد لا جلـغـفـوه الـسـواويـقمــع جلعد(ن)يـقـدم مـواتـر سبـاقـه

جيب(ن)مـن الاربـاع ماهـو تلاصـيـقيومي بعـرض الطعـس مثـل العلاقـه

فوقـه شجاع(ن)ضاري(ن)للطواريـقله مـع فنـون السيـر عـزم وطفاقـه

لا فـات ثـار النـاس صيحـه وتصفيـقويـزود لـطـوال الطـعـوس اشتيـاقـه

عقب السهـل دلا يحـده علـى الضيـقوخـلا الحصـى تحـتـه يــزود اعتـلاقـه

تصميـم عقل(ن)حـاز كـل التوافـيـقوعدى علـى الجمـرك برقـم وبطاقـه

مـن عقـب تكميـلـه بـكـل التلاحـيـقواصبح طلوع الطعس مثـل انصلاقـه

مــا شــد عــازات المكيـنـه تلافـيـقوالا وفـــاء ديــــان تـيـس(ن)ونـاقـه

وشراه رجل(ن)من رجال(ن)مطاليقاللـي خـذى طيـب المـواتـر عشـاقـه

يقطـع طواريـق الـجـروف المغالـيـقتحـت السحـاب اللـي يـزود اندفـاقـه

يطرب مزاج اهل القلـوب العواشيـقالـلـي الـيـا شـافـت مـزايــاه راقـــه

يدنيـك حـول اللـي زهـت بالمخانـيـقاللـي كوتـنـي فــي مـطـارق حـلاقـه

شافـت عروقـي بالضمايـر مشافيـقوصـار الجـزاء منـهـا لهـايـب فـراقـه

ماجـاء علـى بالـي تـخـون المواثـيـقوان الـهـوى تظـهـر مــواري نـفـاقـه

لمـا شربـت الـزاج مـع فكـة الـريـقوبانـت طبـوع الزيـن لعـب وحمـاقـه

كـيـف الـبـلاد الـلـي تـلـم المخالـيـقوساعتـه فـي نـاظـر العـيـن ضـاقـه

وامسيت كل الوقت هجس وتخافيـقفي خافق(ن)يشكي مساطـي فلاقـه

قلب(ن)شكى من حاميات المحاريـقيرثـي غــرام الـلـي بالاحـبـاب بـاقـه

واليوم انـا لهـروج الانجـاس مااطيـقوعـنــاد يكفـيـنـي دروب الـصـداقــه

[مبروك بن ماضي]

اخوي المبدع :
الشاعر والراوي/ فواز الغسلان
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري

أخوك / بن ماضي

[الخنساء]

المشاركة الأصلية كتبت بواسطة فواز الغسلان

صح لسانك واعتلا شانك

بوح رائع لاهنت

ودمت بخير

[عذب القوافي]

الجزل فوار الغسلان

تكتب الشعر ليبقى

صح لسانك

نص وافي من وافي

مودتي

[دايود صالح الخلف]

ياعناد لا بانت جـروح المعاليـق
وشفت الذي يكره جلوس الرفاقـه
او جالس(ن)في نابيات الشواهيـق
من هاجس(ن)بالصدر زاد احتراقـه
افهم ترى المسكين ضمن المغاريق
من صاحب(ن)يجرح بلطف ولباقـه

القديـر الاستـاذ : فواز الغســلان

مبـدع ماشاء اللـه عليـك

ولا هي غريبه على شخصــ مثـلـك

صح الله لسانك ولا هنــت

لك ودي واحتـرامي

[بارق السيف]

الله عليك يا شاعرنا

تدفق شعري مع جزالة قول

صح لسانك

ولا هو مستغرب يجي منك هالإبداع

تحياتي لك

[سعيد الصاعدي]

الاخ الفاضل / فواز الغسلان
صح لسانك لاهنت
نص شعري جزل
من شاعر جزل
تسلم ويسلم فكرك يالغالي
تحياتي
أخــــــــوك
س / ص

[الــذاهبه]

الغسلان

ابدعت لاهنت اخوي

صح لسانك ملايين

[ناصر عبيد الهواوي]

الشاعر فواز الغسلان لله در هالقريحة التي لم تزل تتحفنا بهذة الروائع الحلوة لولا انها
تهيضنا وانا اعتقد ان الكثيرين حدثاء عهد بمراههههه متأخرة
صح لسانك وسلم جنانك ورفقا باخوانك

[الـزلـزال]

فواز الغسلان

شاعر جزل ومتمكن غالينا

ومهما قلنا فيك لن يوفيك


لبوحك مسار مختلف محاط بالجزاله والتمكن وقوة الصياغه


صح لسانك ملايين ملايين


تقبل فائق تحياتي