فُريخ القُبّره

[نجم الإبداع]

يالله طلبتك ياعظيم الشان يارب العباد=ياخالق الرجال من طينه وسويت المره
ميزتنا بالعقل وارسلت الرسل لاجل الرشاد=واهديتنا للحق وانشيت السحاب الممطره
في محكم التنزيل بينت الطريقه والمعاد =وقلت يابن ادم عليك الصبر واحذر مالشره
بينت بالقرآن لاهل العقل حكمك والمراد=وانذرت من خالف تعاليمك بنار امزمجره
فرقت مابين الذكر واوفيت للانثى الوداد=وحرم على الجنسين تقليد الصفات المنكره
ليس الذكر انثى ولا الانثى ذكر ياهل السداد=كلن لما صنف بخلقه والحقوق اميسره
يارب في عصر التميع صار بالفكر ارتداد=واحد يقلد ميس والثاني مشى في مخطره
والبنت في تقليدها الذكران سلعه بالمزاد=تلبس ملابس زيد وان جاها مناصح تزجره
هذا كلام الصدق في وقتن توشح بالسواد=ماتعرف الرجال والحرمه تقول مجنزره
يامتبّع لابليس خاف الله وكبك مالعناد = ارجع لرشدك قبل ياجي يوم دينك تخسره
والا فخلك بانفصامك والتمرغ بالرماد= بعت الرجوله لاجل تهذي يافريخ القُبّره

[مبروك بن ماضي]

الاخ الفاضل الشاعر / فلاح بن منشار
لله درك من شاعر متمكن
لطالما أستمتعنا بجمال حرفك وروعة أسلوبك
دامت شاعريتك بهذا الابداع وهذة الجزاله
سجل اعجابي وتفضل بقبول تحياتي
أخوك / بن مـــــــــاضي

[نجم الإبداع]

المشاركة الأصلية كتبت بواسطة مبروك بن ماضي

الاخ الفاضل الشاعر / فلاح بن منشار
لله درك من شاعر متمكن
لطالما أستمتعنا بجمال حرفك وروعة أسلوبك
دامت شاعريتك بهذا الابداع وهذة الجزاله
سجل اعجابي وتفضل بقبول تحياتي
أخوك / بن مـــــــــاضي

ارحب مابروك

صح قلبك

وجزيل الشكر لمرورك الكريم


لاعدمتك

[داعي الشوق]

يا سلام عليك ،

صح لسانك يالشاعر فلاح

ما قصرت ولا جاء قصور

قصيدة تخاطب مجتمع

والمعاني قويه ،

صح لسانك مع التحية لك

،،،،،،،،

[الطائر المهاجر]

فرقت مابين الذكر واوفيت للانثـى الـوداد
وحرم على الجنسين تقليد الصفات المنكره
ليس الذكر انثى ولا الانثى ذكر ياهل السداد
كلن لما صنف بخلقه والحقـوق اميسـره


الله عليك يابو محمد
صاروخ ارض جو وفوري
لعله يوقظ من لايزال نائما

صح لسانك مدد بلا عدد
وفقك الله
مع أطيب تحياتي

[سعيد الصاعدي]

لاخ الفاضل / فلاح بن منشار
صح لسانك لاهنت
قصيده جزله من شاعر جزل تسلم ويسلم فكرك
وكل عام وانت بخير
تحياتي
أخــــــــــوك
س / ص

[الـزلـزال]

فرقت مابين الذكر واوفيت للانثـى الـوداد=وحرم على الجنسين تقليد الصفات المنكره
ليس الذكر انثى ولا الانثى ذكر ياهل السداد=كلن لما صنف بخلقه والحقـوق اميسـره

فلاح بن منشار


أتوقع بأن في البيتين السابقه الشي الكثير

ومن تمعن فيها سيعي الحقيقه كامله


شاعريتك دائمآ ممتعه وجذابه


صح لسانك ملايين ملايين


لك أرق تحيه

[عبدالعزيز العمار]

الغالي فلاح بن منشار :

صح لسانك وجاد بيانك على هالجزله الطيبه ..

قصيدة رائعة بروعة حضورك لاهنت ..

تقبل اجمل تحيه ...

[سناعيس]

صح لسانك يابو محمد
نص جزل
لاهنت
وبيض الله وجهك

تحياتي

[عذب القوافي]

أبومحمد رائع بكل حالاتك

صح لسانك نص عالي من شاعر ٍ متمكن لله درك يالغالي

وكل عام وأنت الشعر

تقديري