عجزت احط عن الغنادير مجلاز

[فواز الغسلان]

ياللي هزمت اشعار شـمر وعناز=ابشر بغلقات الحروف النواشـيز
من شاعر(ن)يعـطـي وياخذ بالارماز=ويفرح بقاف اللي نوى القاف تعـجيـز
لاهاض جاشه بالـمـثـل يـفـرز افراز=ماهي حروف(ن)مع صـحون المطازيز
مايحجـزه عـن غـلـق الامـثـال حـجاز=والصدر مـايـحــتــاج صـوفـه وتـقـريز
لـو بـازت صـدور الـشـواعــيـر مـا بـاز=تـاتـي حـروفـه للـضـمـايـر مـدازيـز
ترى الـخزايز له مـغـازي وخـزاز=والعـجـز ماتـشبه عـيون الجراميز
ماهي حروف اللي للاشعار خـباز=والـقـرمـزي نعـطيه قاف الـقـرامـيـز
ارسلت قافي فيه حواء وحنـبـاز=تصبح عروقك من حروفه مفازيز
تقلب بكم قلبة مـشرف بـنـواز=مالك علـيـها يالسنافي مـهاويز
يـنـوز قـلبي مـع هـوى الـشـعـر لا ناز=ومن قال انا جـنـكـيـز يلقى جناكـيـز
في عندلن تلبـس مـقـانع وقـفـاز=تعطيك في طرد الغنادير تحـفيز
وعـجزت احــط عن الـغـنـادير مجلاز=يمنع همومن ذقت منها اللعاويز
دام العذارى هي سبب جرح فواز=تسري رماحه للـضـمـاير مجاويز
وتلعب على الخافق تقل لعب جـنـباز=وان طبت جاني تالي الليل تعـويز
هاجوس اهل صنعاء وروما والاهواز=يشفط معاليقي بروس البراويز
اوجس لهيب الجوف شيحن على قاز=واليا طفت جتني رماحه مكازيز
حاولت اجوز وطيف الاحباب ماجاز=قلبي يضيع بناعمات البزابيز
وجاها كلام اللي للاجواد هـماز=واغلق بوجهي واسعات الدراويز
طاوع هروج اللي للاعراض نباز=وحكمه صدر من دون شاهد وتمييز
والعذر عنا خافي مثل الالغاز=ومحدن يسافر دون شاره وتفـييز
مرفوض من شيخ المشايخ وابـن باز=والظلم ماله عند الاجواد تعزيز
واصبح وصاله داخلن درب الاعجاز=امشي بدربي دون خطه وتركيز
قلبي لوصل ام الـتـنـانير معتاز=لاشك من دونه قفول ومجاليز
ولو كان طبعي مع هل الغدر منحاز=خليت حاجات الضماير مناجيز
جسمه سحرني في رهيفات الاجناز=وصدرن تتكه ناعمات البلاليز
تشكي غـثى ردفن مع المشي هزاز=يودع خرز ثوبه وراها مناقيز
شالت خفوقن قام يمشي بعكاز=وتجدع ورى فواز عشرة فواويز
ان سولفت قالت حـلا الهرج بأيجـاز=تنطق حروفه زاهياتن مطاريز
لا شفت زول الزين للسوق مجتاز=صارت عيوني فـي عيونه مغاريز
كن النواظر من غـنـادير شيراز=وعن لاهب الجوزاء سكن بالدهاليز
عين اشقرن من شوفة الصيد نزاز=بكفوف شيخن من ثقال المراويز
ماضاع وسط العمر للمـال كناز=يمناه تـغـني له نفوسن معاويز
والعطر فايح واردن عـنـد قـزاز=لا فاح زادت بالخفوق المراميز
جسمه عطوه بلجنة الزين مـمتاز=ولا ضاحكت غيره بكثر المغاميز
حبه خرز وسط الضماير بـمخراز=وخـلا نوافذنا لغيره مـقـازيز
داره بعـيـد ولاتقارب وتـنـهـاز=وحظي عثورن ضاري بالمقاميز
يطرد فرح قلبـي بشيـنات الابواز=ويبحث لغيظي خافيات المهاميز
ويسقين من غيظ الليالي بالاكـواز=وان ضقت زاد الغيظ خمسة قلاويز
وصار الخفوق لطاير الغبن مغزاز=من جور طعناتن بجوفي مراكيز
متى يولي في سريعات الابـناز=وتنهض عظـامـن طايحاتن معاجيز
ويفـوز قـلـبـن باول العـمر ما فاز=وافرح بـقـرب اللي نهوده مباريز
اتبع بروق الوسم والـمـزن رزاز=عن مجـلـس(ن)فيه القلوب المخاويز

[سعيد الصاعدي]

الاخ الفاضل / فواز الغسلان
صح لسانك لاهنت
نص شعري راقي .
من شاعر متمكن
غاية في الجمال والابداع وقافية اجمل
تحياتي
أخــــــــوك
س / ص

[الـزلـزال]

فواز الغسلان


نقف عاجزين أمام هذة القصيده

وأمام قافيتها


لله درك ثم لله درك


ليس بغريب عليك هذا الأبداع

وليس بوسعنا في هذة اللحظه سوى الوقوف لك والتصفيق

صح لسانك ملايين ملايين


تقبل فائق تحياتي

[عذب القوافي]

صح لسانك أخي فواز

سررت بمروري على رائعتك يالغالي

مودتي

[داعي الشوق]

يالشاعر فواز الغســـلان

وصح لسانك أيها الرائــــــــــع

[صوت الإحساس]

عملاااااق الله اكبر


لله درك كبير والله



صح لسانك

مليااار
قاف ومعنى

[عايض المقاطي]

ههههه



والله لا أملك الا أن أرفع لك الشماغ







إعجبا وإحتراما وتقديرا














دمت ودام هذا الإبداع يالغسلان

[الخنساء]

صح لسانك اخى الشاعر فواز

لاهان راسك قصيدة رائعة

سلمت وسلم شعرك

دمت بخير

[حي الضمير]

شاعرنا الرائع فواز الف صح لسااااانك
كعادتك يامميز دائما مبدع بنصوصك

[فواز الغسلان]

المشاركة الأصلية كتبت بواسطة سعيد الصاعدي

الاخ الفاضل / فواز الغسلان
صح لسانك لاهنت
نص شعري راقي .
من شاعر متمكن
غاية في الجمال والابداع وقافية اجمل
تحياتي
أخــــــــوك
س / ص

اخوي سعيد الصاعدي00

اشكرك جزيل الشكر على مرورك وتعليقك النبيل

تحياتي العطره00