كنت احسب إنّ الحب وهم المحبين (بالصوت)

[الطائر المهاجر]

كنت احسب إنّ الحب وهم المحبين= واثره حقيقه ثابته بالدليله
من يوم فز القلب والعين بالعين = لما لمحت البدر اشرق بليله
ريم حسين الدل يمشي على هوين= صوب سهامه مادرى إني قتيله
لاني غريرٍ يجهل الشين والزين = ولانيب غصنٍ كل شئ يميله
صحيح احب الفل والزهر والتين = واحب اناظر للورود الجميله
لكن ثقيل وشايلٍ حمل ثقلين = عقل ورزانه في دروب الفضيله
حتى لمحته في الوسط بين ثنتين= شيخ الدلع والغنج مابه مثيله
من نظرته ضيعت مدري انا وين= ومن بسمته اشعل بقلبي فتيله
قربت حوله دون مااشعر بمترين= وهو يطالع بي يبيني اجي له
وهمس سمعته بينها وبين الادنين= يقرب وفيه الآه زفره هزيله
وكرتٍ تسلل فيه رقم وعناوين = خذته ولو نفسي تعيي تشيله
دقيت رقمه بعد ما مر يومين = ثمن قطعته خايف من الفشيله
وجاوب بعد برهه نشدني انا مين= قلت القتيل اللي عرضتي سبيله
ضحكت وقالت بمنتهى اللطف واللين = انا الضحيه عندي اكبر دليله
من يوم شفتك شفت من لاق للعين= اللي تمنيته ولا بي بديله
احلم وافكر به يجي لو بعد حين = والحظ جابك لي بلحظه جميله
لا تحسبني جاهله فيك يالشين = لو ابتعدنا من سنين طويله
اتابع اخبارك ولو كنت في الصين = واكتم شعوري ما ابين قليله
ان كان تذكرني وانا وانت طفلين = مع بعضنا نلعب بذيك الخميله
كنت تغار ولو رماني من الطين = اية احد تضربه وتهد حيله
وانا استمع كني بحلمٍ من سنين= وشلون جمّعنا القدر بعد ميله

[الغريب]

والله منت بهين

صح لسانك

ماشاء الله

[منيع]

ياقيس زمانه
هونها اشوي عزالله انك قلبت المواجع
اركد يارجل ترى عندك ناس قلوبها على كف عفريت
المشرف العام
عذرا للدردشه اعلاه ونجي للجد
انت انسان رومانسي تلتقط المواقف وتسجلها شعرا فيه طرافه ولباقه وفن

[الريم]

ريم حسين الدل يمشي على هويـنصوب سهامه مـادرى إنـي قتيلـه
لاني غريرٍ يجهل الشيـن والزيـنولانيب غصـنٍ كـل شـئ يميلـه


رااااائعه ابدعت مشرفنا مشا الله

صح لسانك ودمت على هذا الابداع

مشرفي .. الـ عــام ..


كـتـبـتَ ..


فـ .. أبـدعــت ...


وأجـــدْت !!


صـ لسـانـكـ ـح ..


مــدد .. بـ .. لا .. عــدد ..


دمــتَ .. كمـا .. أنــت ..


بـ انتظـار .. الـ مـزيـد ..


رائــدي ..

..

[الطائر المهاجر]

"تلتقط المواقف وتسجلها شعرا "
انا اخلق الموقف أولاً ، ثم اتقمص شخصية البطل ، فتكون مثل هذه النتيجة
التي قد يصعب التفريق فيها بين الخيال والحقيقة

[الأمـــل]

خيال جميل وقصيدة أجمل
دمت بجمال

صح لسانك يايبه

عزالله ذبحتنا ماعاد أقدر والله شوي شوي

[نسناس الهوى]

ان كان تذكرني وانا وانت طفليـن
مع بعضنا نلعـب بذيـك الخميلـه

يشهد الله ان لها وقع في قلبي .. اجدت اختلاق الموقف .. وتأدية دور البطل
ايها البطل .. صح لسانك وسلم قلبك على هالرائعة

[الشريف الشرّقي]

ريم حسين الدل يمشي على هويـن***صوب ((سهامه))مادرى إنـي قتيلـه

علمني بس وش نوع سهامه ؟!
إذا زراعية رحت فيها .. وإذا صناعية ابشر بالخير " بترتد " عليه

صح لسانك .