المشكله لا من غدا البعض يفتي

[الطائر المهاجر]

المشكله لا من غدا البعض يفتي = ويشوف نفسه فاهمٍ بالشريعه
والمشكل اكبر لابد بكل عنتي = ينهى عن امر ولازمٍ إتّك تطيعه
وان ما تطيعه ينقلب فوق تحتي= ماله امان فقلبته بك سريعه
من بعد منتَ ملجأ له بكبتي = وصدرٍ حنون لا جفته الوسيعه
يبيك طبل تسمعه طيب نعتي = ولا من ذكرت الحق حس الفجيعه
الكامل الله ما تبي أي ثبتي = كلٍ به عيوبه وحسن الطبيعه
واللي يبي التلميع في كل وقتي= يشعر بنقص وكل شئٍ يريعه
خل القتاوى منت ياصاح مفتي= وزود المثاليّه وهم لا تبيعه
تحرّم ولا تدري بجمعه وسبتي= مدري وش اهدافك ولا بالذريعه
درب الصراحه منهجي منه نبتي= ما نيب من يمشي بدرب الخديعه
وان ما بغيتاها ترى الدرب خبتي= انصه وفكّر بالأمر من جميعه
فالمقفي اقفي عنه ياسعد بختي= بحري وسيع والشواطي وسيعه

[الأموره]

فالمقفي اقفي عنه ياسعد بختـي
بحري وسيع والشواطي وسيعـه


الله يالمهاجر صح لسانك ملايين

معاني جميله

الف شكر لك

دمت برعاية الخالق