العمل واالهمله

[الطامي]

غفلة نسعى بالدنيا
وفجأه
رن الهاتف
من هو
انه المدير الأداري
ارجع للعمل
او الأستقاله حالاً
((( ياألله ))) خبر مثل الصاعقه
بعد الراحه تعود تعمل
بين من كنت رئيسهم يصبحون رؤسائك
((( كم ضائقة دوماً يضيق بها الفتى = ذرعا وعند الله منها المخرج )))
((( ضاقت فلم استحكمت حلقاتها = فرجت وكنا يضنها لاتفرج))
واليكم تفاصيل ماحصل بالقصيده :-

والله ان اعلمك ويش حصل فيني = ياسعادة صاحبي ولد عبد الله
جاني الهاتف بعلمٍ ماهو زيني = قالو عود واشتغل مثل خلق الله
والا تاتينا استقالتك ذلحيني = وقفت هملتك قلت العوض بالله
قلت عطني ريسك يالمسيكيني = وقلت هاذا منكم قال لا والله
اختلفت وموتري شطح ايميني = واقلبه يسره وانا حالتي لله
والضغط منهار وتلج الأذنيني= والعظام الميته والقوي الله
والله اللي جل شانه يهديني = بعد ضاقت بانفراجٍ بفضل الله
قلت هاذي مالها كون ثنتيني = ركعتينٍ بعدها باستعن بالله
اثر فيها يالنشاما فلاحيني = راحت الخاطر ونصرٍ بعون الله
يوم جيته طيب الصيت المعيني = قال هانت وانت ماجور بأذن الله
كان حنا مانفعناك ذلحيني = وانتم اللي علمكم والنعم والله
وتعرف القانون يضرب على ايميني = غير حن بمحاوله واتكل بالله
خدمتك طالت وعمرك بخمسيني = وان نقص وان زاد محسوب بامرالله
جعل يسلم من تصدى لها بحيني = لين هانت محنتي والشكر لله
الله اللي سخره لي يماشيني = والدعا من واحد طالبٍ الله
خابرٍ لي واحده دوم ترجيني = دايمٍ لي بالدعا وتطلب من الله
جعلها الجنه على ماعملت فيني = من صغري الا ذالحين ياألله

[ســُلاف]

بين من كنت رئيسهم يصبحون رؤسائك

اعلمه الرماية كل يوم
فلما اشتد ساعده رماني
حال الدنيا يوم لك ويوم عليك

والله اللـي جـل شانـه يهقينـي
بعد ضاقـت بانفـراجٍ بعـون الله
قلت هـاذي مالهـا كـون ثنتينـي
ركعتيـن بعـدهـا باستـعـن بالله
ونعم بالله من لجأ له لن يخذله
الله يديك الصحة والعافية الدنيا مازال بها طيبين مثلك
صح لسانك يالمري ويسعد صباحك

[الطامي]

سلاف
كنت اتوقع انك اول من يرد
وفعلا هذا حصل
شكرا لكي ولمروك ولاهنتي اختي
والله يجنبنا واياك شرور من بهم شر
ويحفظك الله

[النهج المختلف]

المشاركة الأصلية كتبت بواسطة منصور المري

يوم جيته طيب الصيت المعيني = قال هانت وانت منصور بأذن الله
كان حنا مانفعناك ذلحيني = وانتم اللي علمكم والنعم والله
وتعرف القانون يضرب على ايميني = غير حن بمحاوله واتكل بالله

منصور المري
صح ألسانك ..أبيات رائعة

مقدمة جميلة بجمال صاحبها

وأنت إنشالله منصور

تحياتي لك وعجابي بك يزيد دائماً

[يوسف بن صالح]

منصور المري

صح لسانك ولاهنت

قصيدة قمة .. جميل هذا الايقاع المنفرد

ومن المؤكد ان الركعتين سيكون لها أثر ايجابي كبير في حياة اي شخص



لاعدمناك ..

[عذب القوافي]

الشاعر الجميل أبغى أهمس في أذنيك ولايسمعنا أحد

((مابها مرتاح))


وصح لسانك عددنجوم السماء

تقديري ,,,,,,

[الطامي]

فواز بن قعيد
شكرا لمرورك ولاهنت ياغالي

[الطامي]

يوسف بن صالح
يسعدني مرورك لاهنت
وشكرا لك

[الطائر المهاجر]

بين من كنت رئيسهم يصبحون رؤسائك

من غاب عن عنزه جابت تيس

هذي حال الدنيا
ولا فيه اقذر من انتقام الجبان
اذا لقى له فرصه
صح لسانك ولا هان راسك
والصبر طيب
دمت بخير
تحياتي الطيبة

[الطامي]

المشاركة الأصلية كتبت بواسطة الطائر المهاجر

بين من كنت رئيسهم يصبحون رؤسائك

من غاب عن عنزه جابت تيس

هذي حال الدنيا
ولا فيه اقذر من انتقام الجبان
اذا لقى له فرصه
صح لسانك ولا هان راسك
والصبر طيب
دمت بخير
تحياتي الطيبة

ههههههههههههههههههههه
ههههههههههههههههههههههههه
من غاب عن عنزه جابت تيس
مثل جديد وحديد
شكرا لمرورك ولاهنت عيني