اقدم لكم ثاني قصيده قلتها قبل 35 عاما

[الطامي]

حقيقة انا قلت القصيده في شخص لأعرفه الان ،،، الا انها تحكي عن ردا شخص ما
وقد عثرت عليها في المحفوظات لدي بالمكتبه المنزليه
اقدمها لكم بعد تنقيحها وتعديل بعض الأشطر وحذف البعض لعدم صلاحيتها للنشر :-

اول كلامي بادي بذكر الله = بسم الله الرحمن في كل بادي
البارحه عيني تجافت من الكرى = عيا يجي للعين زين الرقادي
اشوف دنيانا علينا تغيرت = وساعات للدنيا طراة وكادي
دنيا عسى ربي يكافي شرورها = ماكل من جا في ذا الدنيا بغادي
قد الثعل يركض مراكيض الاسد = وهو الذي متحضن للشدادي
وان صوت والمصوت بريبه = تنافذ ارجوله ولا القلب هادي
واليوم تلاقون الفقير مع الغني = والحمد لله نعمة بزديادي
جرى علي من مدة ايام قصه = تشيب اللي ناشي بالمهادي
مرة علي في ظرف يوم وليله = تسعين يوما عادها لازيادي
اسير فيها كل يوم وليله = ولاهمني شوفة كثير العبادي
حاجتني الدنيا حسيبي عليها = وجيت اللي احسبه مضنة فوادي
جيت الرفيق اللي عزيز عليه = واحسبنا مثل مفرج والمهادي
يوم ان درى اني مقبل صد مني = لاسأل عني ولاهو بنشادي
وهو لابداله حاجة جاك خاضع = كنه ضمان القيض حاديه حادي
دنياك هاذي ناسها بالمصالح = عادات عند الناس ذا شي عادي
باوصيك ياللي لك حاجة تقتضيها = قلَط فيتامينك على كل بادي
ينهض له المجلس اذا جاه مقبل = وكنه على كرسي الاماره يقادي
ولادق باب مسكَرٍ بطلو له = هامور مامثله جلس بانفرادي
وان كان ماهذا معك لاتعنى = مرفوض كلَك لاترج العبادي
المال يجعل دوم للوجه طوله = يرفع مقام اللي اساسه سمادي
وياعزتي للي امواله قليله = وقام يتشبه بالهوامير غادي
امبختر نفسه ولاهوب داري = ضيع حياته كلها بالنفادي
وما قول كل الناس تشبه بعضها = اصابعك ماهي سوى ياسنادي
محشوم مما اقول رجل صميدع = كريم سبلا وفارس بالطرادي
يفرح الا من شاف هشالة الخلا = ويخلِص الحجه ولو بالعتادي
والختم صلى الله على خير البشر = ماهل وبل الغيث بارض حشادي

[داعي الشوق]

صح لسانك يا بو محمد
جزله و شاعر جزل

لاهنت علي اطلاعنا لقديمك

و قديمك نديمك

و صح لسانك مدد

[الطائر المهاجر]

دنياك هاذي ناسهـا بالمصالـح=عادات عند الناس ذا شي عادي

اذا هذا قبل 35 عام ، اجل وشلون ذالحين
صح لسانك الف
ولاهنت
تحياتي

[منيع]

جزل ومبدع
تسلم ياالطامي
تحياتي

[عبدالله السويلم]

صح لسانك

جزله من راس جزل

هذي وهي ثاني قصيده

تحياتي لك

[حرف وشعر]

نص من الشعر الأصيل ،، أعجبنى يالطامى

[سعيد عوده الحويطي]

صح لسانك يالمري ابيات رايعه وجميله وانا والله اني اعتبر القصايد القديمه ثروه تعيدك للماضي الجميل بكل مافيه. تحياتي لك

[الدريبي]

صح لسانك وقلبك
مليون ولا يكفون على هذه الرائعه
تقديري واحترامي

[عبدالله الشويمان]

صح لسانك يابومحمد

هلاليةٍ طيبه.

لا هنت لا هنت

[الطامي]

داعي
صح بدنك
وشكرا لمروك
لاهنت