خاب اليهودي مثل ماخاب عشقي

[نجم الإبداع]

ويل العرب من فكر لانوْر على الدون=اللي من امريكا مع الناس فرقي
اللي يشوف ان اليهود املكو الكون =وجيوشهم فوق المخاليق طرقي
من حل لاسرائيل الاقصى وشارون =ومن باع رام الله وغزه لسرقي
قل ابن عشقي صاحب اموال قارون=انه يشوف الحق باطل ومورقي
ان حل لاهل الشام دعم ابن غليون =وش حرمه يوم القوانين خرقي
ليته بدل ماخاف جيش ابن قريون =فكر بنار الله على ويل حرقي
لكن دام اصله من طروش سيحون=ماهمنا فالطرش من كل عرقي
ارض العرب والقدس ماهي لصهيون=خاب اليهودي مثل ماخاب عشقي
من قوة القسام صاروخ مسنون =خلا اليهود اتشوف رعدن وبرقي
وطو الرؤوس وبطلو ياتباهون =حتى نتن ياهو على الجرح يرقي
لولا الجهاد وخيبة اللي يرائون=ماكان فوق الارض للدين زرقي
قل للمثبط مثل ماغرْق فرعون =يغرق نتن ياهو وبشار غرقي

[الطائر المهاجر]

منهو عشقي؟
صح لسانك
لكن تراها طبخه
تحياتي

[نجم الإبداع]

المشاركة الأصلية كتبت بواسطة الطائر المهاجر

منهو عشقي؟
صح لسانك
لكن تراها طبخه
تحياتي

ارحب يابو عبدالله صح بدنك

هذا طال عمرك الدكتور انور عشقي مدير دراسات الشرق الاوسط

استظافه مذيع البي بي سي عربي

وهو يحرم مد غزه بالسلاح ويحلل امداد المقاومه في الشام

بحج اتفاقي كامب ديفد اللتي لم تلتزم بها

اسرائيل ومن شايعها

لااعرف مع اي صف يقف

هذا الطرش

شكرا لشرف مرورك

لاعدمتك

[الراقي]

بيض الله وجهك , لاهنت يالقرم, جزله من راس جزل, مليون صح لسانك ومايكفون

[عبدالمحسن الرحمه]

صح السانك شاعرنا القدير جزله من فكر جزل

[هترل]

الله يعز الاسلام والمسلمين ويذل اليهود والمشركين

صح لسانك يابو محمد مدد
شاعر مبدع

تحياتي وتقديري

[داعي الشوق]

لــولا الجـهـاد وخيـبـة الـلـي يـرائــون
.. ما كان فـــوق الارض لـلـديـن زرقــــي

-------

صح لساانك و معناك و مجناك يا نجم الابداع

قصيده في ثناياها اسئله كثيره ابدعت في صياغتها كعادتك ،،

صح لسانك مدد

[الصابر]

لاهنت وصح قلبك
على هذا النص المميز
تقديري واحترامي

[سااامر]

صح الله لساااااانك يابو منشار

مع صعوبة القافيه وكذالك موضوع القصيده

لكن اجدت صياغتها بفن وفلسفه

لاهنت

[الطامي]

ارض العرب والقدس ماهـي لصهيـون
خـاب اليهـودي مـثـل مـاخـاب عشـقـي
مـــن قـــوة الـقـسـام صـــاروخ مـسـنـون
خــلا الـيـهـود اتـشــوف رعـــدن وبـرقــي
وطــــو الــــرؤوس وبـطـلــو يـاتـبـاهــون
حـتـى نـتـن يـاهـو عـلـى الـجـرح يـرقـي

فلاح
ابدعت بالتصوير الحقيقي
صح السانك ملايين
لاهنت