لقيت الليالي ما تساعد على الراحه(بالصوت)

[الطائر المهاجر]

لقيـت الليالـي ماتساعـد علـى الراحـهكثـيـر الهـمـوم تـزيـد قـلـبـه بلاضـيـهـا

ولو تبتسم تقلب على القلـب وجراحـهبطعنـات خـرسـا مــا تـلاقـي مداويـهـا

اويـلاه مـن يـدري القـدر قبـل يجتاحـهويـاخـذ حسـابـه كــود يـمـنـع بـلاويـهـا

ولكـن هـو المكتـوب بالغيـب والـواحـهعليـنـا قبـولـه لـــو نـعـيـش بمآسـيـهـا

ولو طال بك همّك ترى الصبـر مفتاحـهيجيـك الفـرج لحظـات مانتـاب محريهـا

تعلمت مـن وقتـي بعمقـه وضحضاحـهبأنـي مـثـل مــن بالمكاشـيـت هاويـهـا

يطارد ورى الغزلان فـي البـرّ والواحـهيبـي صيدهـن والنفـس تتـبـع شهاويـهـا

لقى نفسه المصيود فـي قمـة افراحـهوهـو ينـظـر الـغـزلان تـرعـى مفاليـهـا

وغــزالٍ تبـسّـم لــه وبالـهـرج مـزّاحـهتـهـاديــه مـايـهـتـم دامــــه يـراعـيـهـا

تبـي منـه ينسـى الهـم يفـرد لمسباحـهواذا مـن سلـى تفرسـه بانيـاب تخفيهـا

"خوينه" تخون اللي وثـق دوم باصباحـهونسى الليل ودموعٍ مـع الحـزن يبكيهـا

على من رحل في يوم ملفوف بوشاحهعزيـز وقـريـب بلحـظـةٍ كــان خافيـهـا

ولا حسّـب حسابـه ولا يــوم مطيـاحـهيظـنّـه مـخـلّـد لاهـــيٍ فـــي غنـاويـهـا

وقدامـه اعمالـه ومــا كـتـب بالـواحـهعلـى قـدر فعلـه تنتهـي بــه خطاويـهـا

فابونـا نـزل لــلأرض باسـبـاب تفّـاحـهأجل وش مصير اللي معاصيـه يشريهـا

فلا تنخـدع بالوقـت تبحـث عـن ارباحـهعلى حساب دينك وانـت تـدري تواليهـا

[صعبة المنال]

صح لساااانك

جزلة

صعوووب

[نفحات حساسة]

صح الله لسانك يالشاعر
ولا عدمت
تحياتى..