( باودعك يالرز ) >>> نص فكاهي :)

[مبروك بن ماضي]

قرأت بالأمس موضوع الاخت الفاضلة الاستاذة / أم زياد 00 نائبة المشرف العام
تحت العنوان التالي :
خبرعاجل بعد إرتفاع أسعار الأرزقل لنا أرخص وأطيب أرز تعرفه@@
والرابط المرفق :
http://www.fatahilah.com/showthread.php?t=15046
وكذلك : مجلس الشورى يعرب عن أسفه لغلاءالأسعار ويتهم التجار بالجشع
الوارد في صحيفة الرياض ( الرياض الاقتصادي) الرابط التالي
http://www.alriyadh.com/2007/09/04/article277270.html

ومن هنا جات هذة القصيدة الشبة ( فكاهية) باودعك يالرز وبعدين بالنسبة لي احسن
لان عندي مرض السكر وبالتالي فكه من الرز نهايئاً 0 وللعلم فان أزمة الغلا عالميه وليست في
قطر واحد ولاسيما في زمن العولمه 00 واترككم مع النص 0

حسبي على التجار طاروا بالاسعار= والله يـعـيـنـك عالغــلاء يالـمـواطن
مافـيه سـلعة ما غـدى سـعرها نـار= وكْن الصــدف أيـضاً معاهم تـواطن
عودة مدارس بعد عطله واسفار= وشهرٍ فضيلْ /إبرْتب الشهر احاطن
ثـلاثةْ أشـياء خلـن (الجـيـب) يـنهار= ويـاعــونـة الله 0من لهالحال فـاطن
لولا شـرور العـولـمه كان ماصار = هـذا الغــلاء كله في الآرض قـاطن
عمت بلاويها الـدول هي والاقـطار = مهـما من آثــار الـتـضـخم حْـتاطن
جُل الـدول مرتـبطه إبصرف دولار = إن كان زادن في الـنمـو او تـباطن
ولما هـبط0 كم سـبـب هْـبوطه آثار = مهما المصارف حول سعره تعاطن
وباودعــك يالـرز وانـسـاك واخـتار = غـــيـرك بديـل آخــر معه باتواطن

أخوكم ومحبكم / بن ماضي

[هندي العتيبي]

الاخ / مبروك ابن ماضي


اسعار الغلاء خلة القريحه الشعريه تغلي وتبوح بهاذه القصيده الفوكاهيه


والله يعطيك العافيه

[يوسف الشقران]

العنوان والظاهر فكاهي

ولكن والقضايا الى طرحتها محزنه

والله يعين اللي على قد الحال

ــــــــ

قصيده اجتماعيه رائعه يابن ماضي

ابدعت بحق


سلمت وسلم فكرك

تحيتي

[ماجد المهدي]

صح لسانك يا ابو ماضي

ابيات رائعة والله يعينا على رفع اسعار السلع

قافيه جميلة

تحياتي لك

ماجد المهدي

[عبدالرحمن الصباح]

صح السانك اخوي مبروك بن ماضي قصيده اجتماعيه رائعه

[الأموره]

ثلاثةْ أشياء خلن (الجيب) ينهـار

هههههههه

صح لسانك ملايين

سلم بوحك و دام نبضك ،،

الف شكر لك عالمرور الحلو ،،

نورت الصفحه ،،

[منيع]

ابيات معبره
شكرا لهذا الحس الرزي
تحياتي

[عيد بن سعدون]

مبروك بن ماضي

شاعر الزمان في ترجمة المواقف

موهبه شعريه لا تضاها

محيط الشعر وبيداء الابداع وسماء التألق

لا ادري ماذا اقول عن شاعر مثلك

تعجز حروفي وتضمحل مفرداتي اما شموخ شعرك

مودتي وتقديري

اخوك
عيد بن سعدون

[مبارك أبوظهير]

بن ماضي



وقصيده تعالج وضع الغلاء



لاهنت .. لاهنت



غلاااااااااااااااااي



م ن

روعه والله
تسلم ايديك