قنــــــا عنتـــــــــــر\\غزا بحمْير على أوثان يعرب

[ماجد الزيد]

قنـا عنتـر علـى كفـه خفيـفـه=وتفعـل بالعـدا فعـول(ن) مخيفـه
يصبَّـح مـن يصبَّـح بالطـلايـع=ولا مـن غـار غاراتـه عنيـفـه
تهابه عبـس مـن قبلـي خزاعـه=كـذاك الـي بـه الغايـه شريفـه
وعنتـر صـار مسلـم والقصايـد=يوجهـا مــع المـلـة الحنيـفـه
غزا بحِمْيَرْ علـى اوثـان يعـرب=وهزَ هُبـل قبـل ياكـل رغيفـه 1
حشد ابناء معـد(ن) ويـا عـك(ن)=مع انمار(ن) على العـزا وزيفـه 2
رمى درعه (وكش شح)3 عن ضلوعه=وبانـت لـي نـوايـاه النظيـفـه
على قلبه وشـم سيـف(ن) وكعبـه=وعلـم بالجبابـر ضـرب سيـفـه
خضع له قيصر(ن) من قبل كسـرى=وابو رغال انتفظ من خوف طيفه
(عما الشوف البعيـد)4 ارتـد خايـب=كسيـر الجيـش مقفـي دون كيفـه
خبطْـه الليـث بليـوث الخـلافـه=وقـام السيـل يهـدر مـن نزيفـه
نزل عنتر علـى عنتـر وصـاروا=ظيوف وكـل ظيف(ن)معـه ظيفـه
ابـي حـل الرسالـه فـي رسالـه=مع اقفـاي الشتـاء ماهـو بصيفـه
لـك ابرقـت الرسايـل يالدليهـي=عواصيف(ن) عراصيف(ن)صليفـه
ومثلـك يكشـف اسـرار القصايـد=قنـا عنتـر علـى عنتـر خفيفـه

1-حمير هم شعب حمير الحطانيين -هُبل صنم احضره عمرو بن لحي الى مكة وهو اول من ادخل الشرك لجزيرة العرب (روي عن رسول الله صلى الله عليه وسلم انه راى عمرو بن لحي يجر امعائه في جهنم )
2-معد وعك وانمار هم أبناء عدنان (واما عن انمار ففي كونه من ابناء عدنان قولان)لامانة العلم وجب الابلاغ
3-كشَّح عن ضلوعه اي كشفها
4-عما الشوف البعيد بمعنى قريب الشوف وليس البعيد صفة الشخص بل صفة نظرة وفي هذا المعنى اسم لشخص

[الطائر المهاجر]

يعني مافيك فايده يالحطيئة ، لفيت على التعليمات بهذا الإسلوب
الظاهر ان الهجاء في دمك لايمكن تخليه ، عسانا ما نطيح في لسانك
وعنتـر صـار مسلـم والقصـايـد
يوجهـا مــع المـلـة الحنيـفـه
نزل عنتـر علـى عنتـر وصـاروا
ضيوف وكـل ضيف(ن)معـه ضيفـه

هالرمزية تذكرني بواحد يقال انه خبل في الرياض قبل اكثر
من 45 عام كان يجي على باب المسجد وبالخط العريض يكتب X وبعدها
يكتب : حاء حي ، حلها يابن سلوم

صح لسانك وفكرك
وترى التعليمات ايضا تمنع وضع روابط لمواقع اخرى
لا هان راسك
تحياتي الطيبة

[ابومياس]

تسلم يابو حمد

قصيدة رائعة

على ماتحمله من اسرار ومعناها ببطن قائلها

وعلى قولة ابو عبدالله انت مولود والهجاء يسري بعروق دمك

صح لسانك يابوحمد



دمت بخير

[جلال العتيبي]

ونعم والف نعم يالخالدي

وصح لسانك

[مبروك بن ماضي]

الاخ العزيز / ماجد حمد الزيد
لله درك على هذة الجزاله
نص عطر المتصفح بشذاه
ابيات قمه في الروعه والابداع
سلمت يداك شاعرنا القدير
ودمت بخيرحال
تقبل تحيااااتي ،

[سناعيس]

صح لسانك ياماجد
قصيدة جزله وفيها دلائل على ثقافتك
بس عاد نبي رد الدليهي وش قال
بيض الله وجهك
تحياتي

الغالى
لله درك
وربى قصيده جزله من راس جزل
ومبدع

سا اخرج من هناء دون ان خدش جمال رايعتك
ولكن تاكد اني ساكرر العوده ربما لعطشي
لهذا البوح الراقي

لاهنت


تحيتى واحترامى
عقاب النهار

لله درك ،

* بيطااااااااااااااااااااااااااا ار وكفى *


صح لسانك مليااااااااااااااااااار

مع الاعجاااب

[يوسف الشقران]

يبدو انه فاتني الكثير من ابعاد هذه الرائعه

واعترف اني لم احط بماترمي اليه تماما

لكن شدني لها جمال تراكيبها وابداع صورها الرائع


صح لسانم مليوووووووون

تحيتي

[ماجد الزيد]

المشاركة الأصلية كتبت بواسطة الطائر المهاجر

يعني مافيك فايده يالحطيئة ، لفيت على التعليمات بهذا الإسلوب
الظاهر ان الهجاء في دمك لايمكن تخليه ، عسانا ما نطيح في لسانك
وعنتـر صـار مسلـم والقصـايـد
يوجهـا مــع المـلـة الحنيـفـه
نزل عنتـر علـى عنتـر وصـاروا
ضيوف وكـل ضيف(ن)معـه ضيفـه

هالرمزية تذكرني بواحد يقال انه خبل في الرياض قبل اكثر
من 45 عام كان يجي على باب المسجد وبالخط العريض يكتب X وبعدها
يكتب : حاء حي ، حلها يابن سلوم

صح لسانك وفكرك
وترى التعليمات ايضا تمنع وضع روابط لمواقع اخرى
لا هان راسك
تحياتي الطيبة

الطائر المهاجر صح بدنك واشكرك على المرور , ارجوا الا يكون في ذاكرتك المزيد من راعي المسجد
اما بالنسبة للقصيدة فليست بالهجائية ولا والله اني احب الهجاء فكل المسلم على المسلم حرام دمه وماله وعرضه وقد اشترى عمر رضي الله عنه اعراض المسلمين من الحطيئة باربعين الف درهم وانا قد احللت المسلمين واسئل الله الا اقف بين يديه لخصومة مع مسلم, والقصيدة على العكس تماما ولكل شخص رؤياه ويبقى المعنى في صدر شاعرها
اسعدني مرورك يابو عبدالله
(تقبل الود والاحترام)
اخوك ماجد الخالدي