انا وشعري مثل مسلط وغشام

[نشمي المويعزي]

الله من همٍ بقلبي من العام=وسط الحشى بين الضلوع النحيله
همٍ بحجمه مايقارن بالاهرام=بس الغريبه كيف قلبي يشيله
هز الخفوق ودمر بيوت الاحلام=تدمير الابراج الثنين الطويله
وأنا لو إني ماني إنسان عزام=مليت من شيل الحمول الثقيله
لكني احمل ماحمل محمل الشام=واصبر واجابه والصعيب ارتكي له
واكبر همومي ماقعد عندي وقام=واطلق شنب في ذمتي ماشتكي له
اليا شكيت اشكي على رب الآنام=وليا رقيت ارقى براس الطويله
وإن ضاق صدري والعبت في الاوهام=سريتها من فوق راع الجزيله
خصاً ليا صارت هواجيسي حيام=على خفوقٍ ياكثر ماتجي له
ركبت فرد كالحٍ كنه عصام=ونواجذه لوحاته المستطيله
سواه وابدع فيه عباد الاصنام=سواه بأمريكاء وجابه وكيله
يبهج صدر رجلٍ من الهم منضام=وإلا مديله مالكم في مديله
مايشتغل به غيرسلطان وسام=وإلا سعد جدلان راع الجزيله
وإلا آبن زويبن ولافي ومن عام=في غب بحر الشعر واظهر حصيله
وليا استوى بالخط وإلهامي إلهام=والشعر ولّع بالمحاني فتيله
سبحت بحرٍ ماسبح فيه عوام=واخترت من جزل الشعر عن هزيله
شعرٍ يسليني عن هموم الايام=ويداوي جروح الزمان العليله
أنا وشعري مثل مسلط وغشام=عشرة عمر بين الخليل وخليله
كم ليلةٍ سهرته الليل مانام=اسهر معه مابين ليله وليله
رفيق دربي لاغدى دربي اقسام=من وين مارحل صوب دربي رحيله
لاجاه مرسولي حضر عندي شمام=وإلا يرحب لادرى إني بجيله
لني ليا جيته أمن مكر الاقزام=ناسٍ تحاول في غيابي تزيله
وأنا مثبت له على صدري وسام=ووسامه وسام الشرف والفضيله
ماهو بشعرٍ خمسة أيام مادام=شعري يخلد للعقول النبيله
حتى بعد لا لفوا الجسم في خام=شعري يعيش وميتته مستحيله

نشمي حامد المويعزي

[الـزلـزال]

نشمي المويعزي

نص شعري مميز ومتقن وجزل
من شاعر تعودنا منه تقديم كل مميز وجزل
أبدعت وأمتعت شاعرنا الراقي رعاك الله
دمت بخير ودام لنا حرفك الراقي
صح لسانك ملايين ملايين
ولك فائق تحياتي وتقديري

[عبدالله الشويمان]

صح لسانك يا اخ نشمي

قلت فابدعت وامتعت

دمت بخير ولا هنت

[داعي الشوق]

صح لسانك مليوووووووووون يا بو حامد

قصيدة جزلة و وافيه يالشاعر

ومافيك حيله

و صح لسانك مدد

ولاهنت

*****************

[منيع]

ياسلام عليك
مبدع ومميز
شكرا لكم
تحياتي

[فارس القوافي]

الله الله يانشمي

صح لسانك مليوووووووووون ولا يسدووووووون

يعطيك العافية

دمت بخير

[طوفـــان]

الله يعطيك العافية

قصيدة طيبة ورائعة ...

[الطامي]

الموسزعي
صح السانك ملايين
ومجار من الهم وتالغم
رائعة جدا
لاهنت اخي

[حوريه]

قصيده رائعه من رائع وشاعر متمكن من الشعر
صح قلبك ودام حرفك .....
ودمت بكل خير ......
0
0

[عبير الورد]

المشاركة الأصلية كتبت بواسطة نشمي المويعزي

الله من همٍ بقلبي من العام=وسط الحشى بين الضلوع النحيله
همٍ بحجمه مايقارن بالاهرام=بس الغريبه كيف قلبي يشيله
هز الخفوق ودمر بيوت الاحلام=تدمير الابراج الثنين الطويله
وأنا لو إني ماني إنسان عزام=مليت من شيل الحمول الثقيله
لكني احمل ماحمل محمل الشام=واصبر واجابه والصعيب ارتكي له
واكبر همومي ماقعد عندي وقام=واطلق شنب في ذمتي ماشتكي له
اليا شكيت اشكي على رب الآنام=وليا رقيت ارقى براس الطويله
وإن ضاق صدري والعبت في الاوهام=سريتها من فوق راع الجزيله
خصاً ليا صارت هواجيسي حيام=على خفوقٍ ياكثر ماتجي له
ركبت فرد كالحٍ كنه عصام=ونواجذه لوحاته المستطيله
سواه وابدع فيه عباد الاصنام=سواه بأمريكاء وجابه وكيله
يبهج صدر رجلٍ من الهم منضام=وإلا مديله مالكم في مديله
مايشتغل به غيرسلطان وسام=وإلا سعد جدلان راع الجزيله
وإلا آبن زويبن ولافي ومن عام=في غب بحر الشعر واظهر حصيله
وليا استوى بالخط وإلهامي إلهام=والشعر ولّع بالمحاني فتيله
سبحت بحرٍ ماسبح فيه عوام=واخترت من جزل الشعر عن هزيله
شعرٍ يسليني عن هموم الايام=ويداوي جروح الزمان العليله
أنا وشعري مثل مسلط وغشام=عشرة عمر بين الخليل وخليله
كم ليلةٍ سهرته الليل مانام=اسهر معه مابين ليله وليله
رفيق دربي لاغدى دربي اقسام=من وين مارحل صوب دربي رحيله
لاجاه مرسولي حضر عندي شمام=وإلا يرحب لادرى إني بجيله
لني ليا جيته أمن مكر الاقزام=ناسٍ تحاول في غيابي تزيله
وأنا مثبت له على صدري وسام=ووسامه وسام الشرف والفضيله
ماهو بشعرٍ خمسة أيام مادام=شعري يخلد للعقول النبيله
حتى بعد لا لفوا الجسم في خام=شعري يعيش وميتته مستحيله

نشمي حامد المويعزي

ماشاء الله تبارك الله

صح لساااااانك ملايين

سلمت وسلم منطوقك الجزل


ربي يعطيك العافية