حادي العيس..!

[سلطان العطاوي]

مني العذر ومنكم القبول


بدون أي تنقيح

البارحه ثارت هواجيس الفكر والفكر ثار = وأنا اعرف افكاري ليا قامت تهيج أهجوسها
كنت أول الدعوى مخليها على الخط انتظار = لين الليالي قربت مني وشفت أدروسها
ود أني اكون أفضل العالم على قول وقرار = وأخذ عن الأمه غثاها لين ترفع روسها
شاعر ويطربني حديث الموج من فوق البحار = واصخر الشرد الصعيبه زين وابرى قوسها
عندي عليها مثل تصخير الصعاب من المهار = لو جت بميدان القصيد العذب بان ارموسها
شفت الزمان يدور والعالم مع الموجه تدار = والأم بقعا ركزت فينا جميع اكبوسها
برد الليال البيض ما خفف مناويش النهار = الله يكافينا من الدنيا وبعض اطقوسها
يا كثر ما جيت اشحذ الهمه من الناس الكبار = مير الأوادم من يصخرها ويفهم لوسها
الناس مات أحساسها ماعاد تنغث وتغار = والا أن نفسي تختلف ماهيب مثل نفوسها
قلنا لحادي العيس عيسك لو طلع منها غبار= ما توصل الناس المحيله ما لقوه عسوسها
لا صارت الهقوه معلقة بديس أم الحوار = لو شكلها مقبول .. شوف الدم وسط ديوسها
الماء وفوحناها فوق النار بس الديك طار = وياكثر ما طارت ديوك القوم واخطا موسها
دام أول الفتنه سوالف فأول الشعله شرار = الله يسلم حارس الديره قبل محروسها
اللي يقولون التظاهر حق ما فينا ظهار = حق التظاهر نبذ للفتنه وحامل فوسها
وحنا بخير وحكمنا عادل ودولتنا منار = وقايد حكومتنا يقدس دارنا ويبوسها
وحنا نحبه ونتقدم دون ميقافه نهار = تخالف الأرياء وعافسها وطى معفوسها
وأنتم نواياكم خبيثه يا قصيرين العمار = ومثور الفتنه ندوسه والضعوف ندوسها
والطايفيه مشكلة والحقد يا أهل الحقد نار = تخلف عقول الناس وأسعدها مثل متعوسها
حنا بني آدم وحواء والتعصب ما يثار = الا على الكفار والماجوس مع ماجوسها
الله مطهر أمنا من كل منقود وبوار = عفيفة العرض الشريفه عرضها ولبوسها
زوجة رسول الله لها حق الدفاع بكل دار = لين اليهود تعرف حق الله ونمحى سوسها
كانوا هل الغرب اكثرية حرب واضرار وشجار = واليوم صار الشرق عابثها يخوض بكوسها
لكن ورغم الوضع وأنواع التشتت والدمار = لا تفرح الروس بتيجتها وتنسى روسها
لو مات أبن لادن كبار القوم تنهض بالصغار = وتصارع الفتنه وتدحرها وتعلن بؤسها
ولو حادي العيس اخطرت عيسه وضيعها الغبار = تلقى لها عساس في امتنا يدل ارسوسها

[احمد القاسم]

صح لسانك واعتلى شانك

نص جميل فاخر

ابدعت وامتعت

لاهنت

[الطائر المهاجر]

كتبت فأبدعت واجزلت
صح لسانك ولا هنت
تحياتي الطيبة

[عبدالله الشويمان]

صح السانك يا اخ سلطان.ز

نص فاخر وجزل الصياغه معنى ومبنى ولاهو غريب من شاعر مثلك.

لا هنت لا هنت

[عبدالعزيز الرقابي]

نص في قمة الابداع
صح لسانك ياسلطان
كفيت ووفيت وبيض الله وجهك

تقبل مروري المتواضع

[سناعيس]

الله الله
ياسلام عليك ياسلطان
قصيدة جزله من شاعر جزل
صح لسانك مليون
ولاهنت

تحياتي

[عمر ال شيبي]

صح لسانك

والله يهدي من ذكرت للحق

[بدر العيد]

الماء وفوحناها فوق النار بـس الديـك طـاروياكثر ما طارت ديوك القوم واخطـا موسهـا
دام أول الفتنه سوالف فـأول الشعلـه شـرارالله يسلـم حـارس الديـره قبـل محروسهـا


صح لسانك

[فارس القوافي]

سلطان

اررررررررررررحب

عز الله انك سردت القصة من ساسها لراسها

صح لسانك مليووون يالذيب ولا يسدوووون

يعطيك الف عافية

دمت بخير

[كظيم]

سلطـان العطـاوي
ياعينــي عليــك
صـح لسـانك وفكرك
قصيده جزلـه وشامخــه
ابدعت في نظمهـا وحبكهـا
لله درك
تقبلني وتقبل مروري المتواضع لاهنت
ودي وتقديري