ليتك تصنفني من اعداد الاغراب

[شوقي العامري]

صح لسانك

ولك تحياتي

[نجم الإبداع]

ابو انس

انت مبدع

وانا اعتذر عن تاخري بالرد

فعلا القصيده ذات طابع فريد

لاهنت

فائق الاحترام

[احمد المرعشي]

حفطك الباري اخوي الغالي



بيض الله وجهك وصح السانك


تحيتي ...........وتقديري............ .. لك

[حوريه]

أبو أنس

أسجل أعجابي وتقديري

لما نثرته أناملكم بي سطوركم الرااااقيه

دمت وسلمت ...

حوريه1

[عبدالله بن عسكر]

المشاركة الأصلية كتبت بواسطة أبوأنس

ليتك تصنفني من اعداد الاغراب=اللي لهم هرجك منمق ومعسول
وش خانة الاحباب لاجو ورا الباب=وان كنت اشك اني حبيب(ن)ومقبول
دام القريب يحال دونه بحجّاب=وعنه الدروب مقفّله باكبر قفول
فانا الغريب ولو لبس خز وثياب=في داخلي غربة مشاعر ومدلول
تغيرت عندي مفاهيم وحساب=وتلخبطت عندي معايير وعقول
كنت اعرف البسمه بهاسحرالالباب=من سحرهاتغسل صدىالقلب ويزول
الا بقاموسك غدا الضحك جلاّب=يفتح نوافذ للنكد شرحها يطول
واذا التقيت بطلتك والكدر ذاب=واستاسع الخاطر تصير انت مذهول
ويصعب عليك انك تهلّي بترحاب= وتستكثر البسمه وانا اقول يحّول
ياسيدي يامهجتي يغلا الاحباب=صحيح احبك واعشقك منك معلول
وافرح بشوفك واهتني بك ولا اهاب=الا من الجرح الذي منك مجهول
وانتا سهامك صوبنا نِصْلْ وحراب=مسمومة(ن)تِدْعي الهدف حيل مشلول
وان كان لجروح الجسد طب واعشاب=ترا الكرامه جرحها ماله حلول
حتّى ولو انّه تلايم فلاطاب=جوفه صديد ولو نشف دوم مبلول
جرح يتنقّض من صغيرات الاسباب=والعاقل اللي يحسب الفعل والقول
وانا ترا ماني مهمّش بلا اصحاب=ولاني من اللي يفرح اليا لمح زول
ولاني من اللي عقله صغير لعّاب=لاهبّت النسمه تحركت مخبول
اعرف مكاني واحسب حساب الاجناب=واكف رجلي عن متاهات ووحول
وان كنت تجهلني فذا بعض ما غاب= ليك تعاملني غريب(ن) على طول

ابو انس ابحث عن قراءة كل جميل

ووجدت هذي المشاعر الجميله

اعجز عن مابداخلي
تقبل اعتذاري

تحياتي

[الجابر]

في كل قصيده لكـ

نقرأ نوعاً مختلفاً من الابداع

و في كل شطرٍ شعري

ترسم خيالاً مميزاً تملأهُ الصور الجميله

صح لسانكـ

ويسلموا على ماخطته اناملكـ

ننتظر جديدكـ

وتقبل تحياتي

صح لسانك ولاهنت اخوي
كلمات رااائعة بكل معانيها

قصيدة تحمل احساس صادق

صح لسانك وعاش راسك

دمت بخير

رائعة كما عهدنا

حضور عذب

دمت بعز