عبر عن حالتك النفسيه ببيت من الشعر

[الطائر المهاجر]

الناس وان كبرت تغير بالأخلاق = بعد الفقر تلقاه بالحيل مغرور

[بارقةأمل]

ياكم تمنيـت السعـادة بدنيـاي

وشفت السعادة تبتعـد ماتبينـي

اشكي لربي خالق الخلق شكواي

عساه يسعد مابقى مـن سنينـي

اخفي عن الجلاس همي وبلواي

واضحك ولكن دمعتي وسط عيني

[الطائر المهاجر]

حنا قي قسم الشعر الفكاهي

ياكم اكلت ولا كفى اكل يمناي= وبدلت باليسرى وبلعت الحنيني
اناظر التبسي واقول الفرج جاي= يمكن يجينا الجح وابدا بيميني
واذا بقي شي ادسه بمخباي = من دون مايدري البخيل الفطيني

[منيع]

جيت الحبيب وضارب الجوع حده=قلت الطعام وقال وجهي يكفي
يالعنبودارك حلاياك قرده=مادام انا جوعان الزاد شفي

[الطائر المهاجر]

كذا صح يا منيع
اطربنا بهذا النوع من الشعر

جنبي منيع ومد للصحن يده = وبدا المفطح بين قطعٍ ولفي
اناظر الشيول ولا شن يحده = وقام يتبادح فالصحن مايكفي

[احساس أنثى]

نـــــــعــــــــيـــــــب زماننا والعيب فينا ***** ومالزماننا عيـــــــــــــــــب سوانا

فكـــرت مرّه اســـــرق البنــك واعتاش ------ وصممت من قلبي انفذ قراري

وجهزت نفسي في مسدس ورشاش ------ ثم استعديت لجميــع الطواري

لكـــن قبل لا اســـــرق البنك وانحاش ------ احترت بين المركـزي والتجاري

[منيع]

الجوع كافر لارحم يوم جده=خل عنك ماللعشق وياه شفي
لوالمهاجر باح وياه سده=ماتسمع الا قول ويلاه هرفي

[بارقةأمل]

دقة نغمة رساله وقلت يالله عسى خير

وانا ثلاث ايام محدن ذكرني

فتحتها بلهفه من الفرح بطير

واقول ياحظي من اللي افتكرني

اثره الجوال يرسل فواتير

هو الوحيد اللي ابد ماهجرني

[الطائر المهاجر]

ايه كذا تمام يا ام زياد
استمروا
وبالنسبة لأبيات اميرة الليل لحمود البغيلي
فانا ناوي اكملها ، مثلما رديت على قصيدته
الغرب يضربنا بغاز وصواريخ
واما انا ومنيع رايح نستمر
فهنا مجال للإبتسامه