رح الله لايردك

[محمد بن عمار]

المشاركة الأصلية كتبت بواسطة بيطار

شكرا لإمتاعنا بإبداعك
لاهنت
تحياتي

لاهان غاليك اخوي بيطار
وهلا وغلا بحضورك

[محمد بن عمار]

المشاركة الأصلية كتبت بواسطة عبدالعزيز سعد بن عمار

محمد بن عمار والموعد الجميل مع الشعر

لله درك يابن العم وصح لسانك وفكرك وكلك

دائما ً مبدع وممتع في طرحك الجزل والمميز

تقبل مروري وخالص تحياتي

ابن العم هلا وغلا بحضورك
لاهنت ولاهان غاليك
تحيتي وتقديري لتواصلك

[الفرهود]

صح لسانك مدد
ولا هان راسك
رائعة من رائع
تقبل حضوري وتحياتي

[محمد بن عمار]

المشاركة الأصلية كتبت بواسطة الطائر المهاجر

أنا كل مـا طلبـت الله ، يـردك ، زدت فـي بعـادك
رح الله لايـردك بمـكـن إنــه ماستـجـاب دعــاي
عبدالمحسن بن سعيد
أنا كل ماطلبت الله يجيبك زدتني ببعااااد
رح الله لايردك يمكن الدعوات مقلوووووبه

الطائر المهاجر
فانا مهما اقرّب منك اعيـش القهـر والانكـاد
"رح الله لايـردك" دعـوةٍ تاصلـك مقلـوبـه
بدل ما يبعدك عني يـردك لـو غويـت بْعـاد
لتعرف وش غلاك بقلب حطـك يـوم مندوبـه

الظاهر فيه تقارب في الشخصيات والأفكار

صح لسانك
ولا هنت
تحياتي

الآن مشغل ٍ نفسك على إيش ...!
أول ما تشوف قصيدة لي تستنجد
بالشيخ قوقل وتطحنون ساعتين أو
أكثر وآخرتها على لاشيء ،
بعد هالحوسه تقول تقارب في
الشخصيات والأفكار ؟

[الطائر المهاجر]

وليش منزعج؟
اذا قلنا فيها تقارب في الأفكار ...تزعل!!

[عبير الورد]

المشاركة الأصلية كتبت بواسطة محمد بن عمار

السلام عليكم .
عندما مايتوقف مسار التواصل
نشعر بأن دولاب الزمن كله متوقف
ولم تعُد هناك رغبة في رؤية من نحب
فمرةً أدعوله ومرةً أدعوعليه ،
جديدنا لهذا اليوم ،


رح الله لايردك

أنا كل ما طلبت الله ، يردك ، زدت في بعادك = رح الله لايردك بمكن إنه ماستجاب دعاي
بذلت رخيص ٍ وغالي سعيت أبحث عن إسعادك = تعبت وما تكلّل في نجاحه ، بحثي ومسعاي
قضيت العمر في شّفك ورهن رضاك ومرادك = متى ماغبت أجاوب نايح الورقا بكثر نعاي
على هونك بعد عمري ، بقلب ٍ ذاب بودادك = تمهّل كان ناوي يالغلا هجراني وقطعاي
ملازمني خيالك وأنت ، يهنا ، عينك رقادك = يمر الليل سهران ومنامي قعدة ٍ وإكعاي
عجب إنيّ قتيلك أمس ، صرت اليوم جلاّدك = بدأ مارد هواك بداخلي يستبشر برجعاي
أنا فعلاً تمشّكلت .! بهواك ، ونظرة حيادك = عقب ماناخت ركاب الغلا بك في حما مرعاي
تحمّلت الشقا والبعد وضبط النفس وإجهادك = أخالف هاتف أشواقي متى ما كرر إستدعاي
ومدام إن السبب أصبح ، نتيجة زايد عنادك = فأنا قلبي سمح من عشرة اللي مايبي جمعاي

مودتي لشموخكم

محمد بن عمار

صح لساااانك ملايين
سلمت وسلم منطوقك الجزل
ربي يعطيك العافية

[الراقي]

صح بوحك ودام هطولك العذب لك كل الود والتقدير

[محمد بن عمار]

المشاركة الأصلية كتبت بواسطة عمر ال شيبي

ملازمنـي خيالـك وأنـت ، يهنـا ، عينـك رقـادك

يمـر اللـيـل سـهـران ومنـامـي قـعـدة ٍ وإكـعـاي

صح لسانك لا هنت مشارب حاميه يا قلبي بن عمار

وش هي اكعاي-- طال عمرك

اخوي عمر صح قلبك وفكرك
ولاهنت ولاهان غاليك ،

[المجتهد]

امتعتنا بهذه الرائعه
صح لسانك
ولاهنت
تحية وتقدير

[حوريه]

قضيت العمر في شّفـك ورهـن رضـاك ومـرادك
متـى ماغبـت أجـاوب نايـح الورقـا بكثـر نعـاي
علـى هونـك بعـد عمـري ، بقلـب ٍ ذاب بــودادك
تمهّـل كــان نــاوي يالـغـلا هجـرانـي وقطـعـاي
ملازمنـي خيالـك وأنـت ، يهنـا ، عينـك رقـادك
يمـر اللـيـل سـهـران ومنـامـي قـعـدة ٍ وإكـعـاي

محمد بن عمار
دائما مبدع ومتع
صح قلبك مدد لاعدد
نقديري