تاج الرزانه

[داعي الشوق]

طيبة وجزلة من راس طيب

صح لسانك ولا هنت يالشاعر مناحي

تحيتي لك مع التقدير

،،،،،،،،،،،،،،،،،،

[الـزلـزال]

مناحي العوفي
قصيده مميزه في معانيها وفي حروفها
من شاعر رائع ومتميز فيما قدمه
أبدعت شاعرنا ولنا أمتعت
رعاك الله
صح لسانك ملايين ملايين
ولك فائق تحياتي وتقديري

[الخنساء]

المشاركة الأصلية كتبت بواسطة مناحي العوفي

[]اتمنى ان تجد من الجميع الرضاء والقبول هذ القصيده المتوضع

الزمن ياصاحبي صعبٍ ضمانه = علقمه غطى على تينه وتوته
تهت في ناسه وفي سيرة زمانه= تيهت الغواص لاخطا جيلبوته
وسـط بحرٍ زايدٍ فـــي عنـفوانه =وعن نجاته حاصره موجه وحوته
والكلام المختصر في ترجمانه = يوم شعري خصك انته في بيوته
اشهدٍ ان اللي ملك تـــاج الرزانه = مايبيله نعت واضح في نعوته
رافعٍ ربي مع اهل الطيب شانه= ماختلف لو الزمن يخلف وقوته
من خلقه الله مكانه هو مكانه = ثابتِ وصله معزز له ثبوته
مانحه ربي عن الهزله حصانه = ومع بخوت الناس عاليتٍ بخوته
وطيبة الرجال من طيب البطانه = لو مايجد ثمن شربه وقوته
وعكسه اللي عشرته تساوي ثمانه= وعزمه اضعف من خيوط العنكبوته
خايبٍ باليه ربـــي باسـتـكانه = ان هرج ولا بعد طول سكوته
بينٍ لوحاول يخفي بيـــانه= في سجلات الرداء تقراء كروته
به نفاق وبه فسوق وبه عفانه= وبالكرم محدٍ سمع صيته وصوته
كل <ضولٍ > يشعبله حصانه = والمجالس كل حزه ماتفوته
مطلقٍ في غيبة المسلم السانه =يالله تبشر هل الدنيا بموته
وبالختام الوقت كايد في ضمانه = وتجارب مدرسه والعقل نوته

=

صح لسانك مليون ولايكفون
قصيدة جزلة من شاعر جزل
سلمت ودام حرفك

[زهرة اللوتس]

الشاعر مناحي العوفي
سلمت وصح لسانك
جزلة من شاعر جزل
لاهنت
تحياتي لك


زهرة

[فارس القوافي]

حياك الله يامناحي

صح لسانك

جزالة وفكر وتمكّن

لاهنت

يعطيك العافية


دمت بخير

[نفحات حساسة]

مطلقٍ في غيبـة المسلـم السانـهيالله تبشـر هـل الدنيـا بموتـه

وبالختام الوقت كايد فـي ضمانـهوتجارب مدرسـه والعقـل نوتـه

الله عليك..
صح السانك يالقرم..ولاهنت
نص رائع..سلم فكرك
تحياتى لك..

[مناحي العوفي]

الف شكر لكل من تصفح قصيدتي وكسبت رضاه وعجابه
ومنهم المشرف العام الذي ياسألني عن عدم تفاعلي ونا اسأله ماهو التفاعل المطلوب مني؟؟؟؟؟؟

[الطائر المهاجر]

هلا بك
هذي رسالة لبعض من لايرد على غيره
فقط ينزل قصيدته ويبي الناس يردون عليه وهو مايرد على قصائدهم
يعني مهوب انت المعني بها لأن عشمي انك لن تكون مثلهم
لاهنت
تحياتي

[نجم الإبداع]

ارحب يامناحي

وصح لسانك على المصافحه الجزله

لاهنت

تقبل مروري

وتقديري

[سناعيس]

صح لسانك يالعوفي
ولله درك على هذه الجزله
قصيدة قمه
لاهنت

تحياتي