~الـــرحـــــيـــــــل ~ { عناق أوّل}

[داعي الشوق]

ياهلا بالشعر و يا هلا بالابداع

و ياهلا بك اخي ابراهيم

عناق دسم و عذب

صح لسانك ملايين

سعداء بحضورك و هذا العناق المميز

في قصيدة عاطره

صح لسانك يالشاعر

مع تقديري لك

و يا هلا بك و مرحبا

[نفحات حساسة]

صح السانك اخوووى
ولاهنت..مصافحه رائعه
يعطيك العافيه
تحياتى لك..

[صعبة المنال]

حرف يجربنا على الانصات

صح لسانك وحرفك

صعوووب

[شجون القصيد]

الله الله .... لله درك .... وتسلم يمينك يابو ضاري

ما أروعه من هطول هذا الذي أتحفتنا به

أينما وجهت حرابك فهي في مذبح

حتى في لحظات الوداع الاخير

استاذي ابراهيم اسعدتني رؤيتك هنا

لاحرمنا الله ابداعك


وكل عام وانت بخير ...



تحياتي

[الخنساء]

المشاركة الأصلية كتبت بواسطة ابراهيم المهنا

.

.

السلام عليكم ورحمة الله وبركاته

وكل عام وانتم بخير
.

.

الرحيل اللي خذا روحي / تسميّنه وداع .! =لا تسميـنه وداع وقدم عينك مصرعي
لوّحت يمناك بالتوديع واتعبتي الذراع= كنّ تلوحيك صعوط الموت والصمت النعي
لوحّي لي وارسمي وشمك على صدر الشجاع= طعنتين (ن) جعلها فدوة يمينك ودّعي
آه يا طعم الطعون اللي بكفّينك وساع= وان لمحتي دمْع عيني لا يردك مدمعي
صبري اللي ما جمعته كود لـ / أوقات النزاع= وأن طلبتي روح صبّك قلت لك يا مشجعي
شاعرك يوم التحفك الطيش واختارك ضياع= كيف ابذخرعن عيونك ياحياتي مركعي
لوّحي لي وان خذا جرح النهاية بتساع= دمّي المسفوح لا ياخذك عنّي / واسمعي :
والله إنّي يا الملاك الطهْر يالين النخاع=عاشقك من وعي روح الروح لين اللا وعي
يمكن انّي راضع(ن)عشقك وانا سن الرضاع= ويمكن أنّك يوم تكويني وانامضغة معي
ويمكن انّي يوم اعَـشْقك فوق حدّ المستطاع= أدري انّك مرّة(ن) فالعمر واسعى لك سعي
وادري انّي جيتك اسعى من صراع اليا صراع= وخانت الدنيا طموحاتي وعضيت اصبعي
وادري انّي قمت اسوي لك من البسمه قناع= واجمع الضحكات لعيونك واخفّي موجعي
وادري أنّي لو رويتك شوف وارويتك سماع =ضامي(ن) لك والعيون اتجوع وتحنّ اضلعي
والله أني يوم اصخّر لك مفاريد اليراع =ما تصنّعتك غرام / ولاكذبت / ولا ادّعي
جيت لك طهر الغرام وصافي النية شراع =واحتضنتي دفّة الخفّاق واطلقت اشرعي
والله أنّي ما بغيتك شيّ من عرض المتاع= كيف اخون الزهرة اللي ربّعت من منبعي
وآآه يا آخر لقاء/ ما دام ما فيه اجتماع= استبيحي ما تشائي و انثريني واجمعي
اجمعيني واحفري لي من تحت ماطاك باع= وارفعي كفّيك للرحمن وابكي وادّعي
يغفر الله زلّة المجنون يوم اسرف وطاع=هقوة(ن) خانت شتات العمر من بين أذرعي
ذا رحيلي أوْ رحيلك لو تقولين الوداع =لا تسمينه وداع وقدم عينك مصرعي ..!!

.

.

.

صح لسانك واعتلا شانك

قصيدة جزلة من شاعر متمكن

تترجم الالم والمعاناة لاهنت

ومرحبا بك بيننا

سلمت ودام حرفك

[حوريه]

الشاعر ابراهيم

اصعب لحظات العمر.. لحظات الوداع

ابدعت وبدعت في ما نثرت هنااا

معانقه جدا رائعه رغم مابها من آلم وحزن

صح قلبك .....

ودام حرفك ...

وكل عام وانت بخير

0000

[فارس]

جزلة من جزل
صح لسانك
واعتلى شانك
ولاهنت
احترامي

[بنت العز]

سلمت ولاهنت
يعطيك العافيه
تحياتي

[ترانيم المطر]

وصح لسانك على المصافحه الجزله

وهطول اول ولا اجمل

لاهنت

وكل عام وانت بخير

[همس الورد]

صح لساانك مليوووووون

و صح بدنك

بوح رائع

تحيتي