(( ضاعت هويتنا ))

[حي الضمير]

صح لسانك شاعرنا الرائع الكثيري
قصيده رائعه تلامس واقع الامه
وابدعت في صياغتها يامميز
أجزل التحايا والاحترام

[احمد الكثيري]

ابو سالم هلابك مليون وشكرا لك على هذا النص الجميل
والرائع هنا نثرت الروعه والجمال وكان التميز عنوانك
لك تقديري

[ام العمده]

صح لسانك واعتلاااا شانك

لاهان راسك

ابدعت بهذه الشامخه

دمت بخير

[الخنساء]

المشاركة الأصلية كتبت بواسطة غيثان الكثيري

(( ضعنا ))

أنا شد الأمة شعوب وسلاطين = هيا نعيد أمجادنا والبطولات
تاريخنا ناصع وعندي البراهين = والكل يشهد بادي الأمر غزوات
بدر وأحد والفتح وأمجاد حطين = وأبطالها باقين للحين بالذات
حتى وصلنا مغرب الأرض والصين = ونسيّر العالم برمز وإشارات
من ينصر الله ينصره لو بعد حين = وحنا تخاذلنا على مجد قد فات
ضاعت هويتنا وضعنا من سنين = ومات الضمير وعزة النفس هيهات
كل العرب شعب وحكومات لاهين = تشتتو مابين جوع وديانات
حتى نسينا قيمة العلم والدين = وقمنا نجاريهم بحكم السياسات
من بعد ماكنا على جال نهرين = نهر العلوم ونهر صنع الحضارات
سرنا على الهامش قريب وبعيدين = نشجب ونستنكر ونرفع شعارات
لعب على أعصاب الضعوف المساكين = أهل العقول الضايعة بين نزوات
نبغا نقول أحنا هنا أو مهمين = وحنا ولاحاجة مجرد علامات !!؟؟
ياهيه ياعالم كفايه على مين ؟ = اللي تشوفونه مجرد هتافات
أول قضايانا العراق وفلسطين = والخافي أعظم . بس قلّة خيارات
أما معي أو ضد مابين حلين = نصبح بهم ونقضي الليل آهات
حسره على مجد(ن) توارى عن العين = والحاظر اللي مابقى به مسرات
والا على مستقبل أجيالنا . وين ؟ = طريقهم مظلم ومليان كبوات !!

وسلامة قلوبكم ...............

صح لسانك واعتلا شانك
قصيدة مؤثرة رااائعة
من شاعر جزل متمكن

[الـزلـزال]

غيثان الكثيري
قصيدة مميزه وهادفه
من شاعر رائع ومتميز فيما قدمه لنا
أبدعت شاعرنا وأمتعت
رعاك الله
صح لسانك ملايين ملايين
ولك فائق تحياتي وتقديري

[منيع]

تستحق العودة والمتابعه
شكرا لكم
تحياتي

[حي الضمير]

بالفعل قصيده رائعه تستحق الرفع

[سلطان العطاوي]

الله الله

يا سلآآآآآآآآآآآآآآآآآآم
صح لسانك وأعتلا شانك
قصيده رائعه بروعة حضورك
لا خــلا ولا عدم

[حوريه]

صح لسانك مليون ولا يكفون

نص فاق حدود الأبداع

من شاعر مبدع

الله يعز الأسلام والمسلمين

وصح قلبك ياأحمد

ودام حرفك

.

.

[نفحات حساسة]

الله عليك..
وصح السانك واعتلى شانك
ولاهنت..سلمت ودام حرفك
تحياتى لك..