مسابقة صورة وتعليق 3

بعد التحيه

هذي الدنيا تزول مهما طال بهالمقر=سرع دورات السّنين كانّها حلمٍ شحيح
يوم شفتك ياشموخ تشتكي ضيم وقهر=ظاهرٍ فيك الكبر وكل مامنّك جريح
صرتي ذكرى ماضيه وكل مافيك اندثر=مابقى شيٍ يدل غيرجدرٍ وبـ يطيح
اذكرالماضي واشوف دمع عيني انتثر=يوم انا فيك انتهل وبـ مثانيك استريح

ودمتم

إيه إفخري يامنبـّع العلم والديـــن=عـِـد المزون وعِـد ماالوَرق ناحت
يكفيك شيـّـدتي عـقـول المـيــامين=لوكان جدرانك من الوقت طاحت
لولاك بعد الله....فالجهـل باقــين=يـااللّي بــنـورك راية العـِـلم لاحــت

يعطيك العافيه ياابومياس


لاهنتم جميعا ً ...

[الطائر المهاجر]

الحنين اللي يسوق الرِجل لايام الطفوله = ساقني ابحث عن الآثار في المبنى القديم
مدرسه كانت تخرج جيل ناضجٍ بالرجوله= شاعرٍ أو كان عالم في مجالاته فهيم
بيت طين وكل زمان له رجال ومنه دوله = والبقاء لله وحده ما على الدنيا مقيم

[سناعيس]

	إشتقت للماضي وبكيت لأجله=يوم السنين الغابره تبتسم لي أيام من عمري سريعه وعجله=راحت ومعها إختفى كل شكلي ياما بجوفي درست كل جمله=وياما بوسطي إجتهد كل طفلي أنا أشهد اني ماضي ينأسف له=وشكرا لعين هلت الدمع لأجلي

[داعي الشوق]

من يوم ما شعشعت وبانت الصوره = اللى علت بإسم ابو مياس عنوانى
بيت من الطين والجدران مدموره = يوم شافه الطيرقال البيت أفغاني
حيث المريكى يعيث بكل معموره = ما ظنها مدرسه لو قالوا اخواني

[ابومياس]

صح لسان الجميع

مشاركات تنم عن شاعرية

وقوة تعبير

[البيشي]

مشكور
على جهودك الطيبه
تحياتي

[منيع]

استمتعت بالقراءة
شكرا جزيلاً
تحياتي الطيبه