كشكول ابومياس

[ابومياس]

المشاركة الأصلية كتبت بواسطة السفيرة

صراحه سالفة التطعيم رهيبه اخوي ابو مياس هههههههههههه

متابعه iii

يعطيك العافيه ....تحياتي

الاخت الكريمة السفيرة

ياهلا فيك اختي

اسعدني تواجدك

دمتي بخير

[ابومياس]

مذكرات طفل


الحلقة السابعة


مساكم سعيد

يحدثنا صاحبنا ويقول: في اجازة الصيف عندما نجحت من الصف

الثالث الى الصف الرابع زارتنا خالتي وخالي وكانت تحبني ولي

مكانة عنها كبيرة المهم كعادتنا عندما يقدم الينا ضيف نذبح له

ونكرمه وعندما وصل موعد نومي المعتاد الذي هو بعد صلاة العشاء

مباشرة وبحكم ان عندنا مناسبة فطبيعي سوف يتاخر العشاء

بانتظار اهالي القرية الذي يجتمعون جميعا باي مناسبة

ولايتخلف منهم الا من كان خارج القرية في سفر او مريض

انا غلبني النوم ونمت في الحوش الكبير على الفراش المعد لخالتي

وشاهدتني خالتي وسالت خوواتي هل تعشاء 0000

قالوا لا قالت اخذت تهاوش وذهبت الى قدر العشاء

وكان اللحم ناضج فاخذت بعض اللحم والمرق

وجتني وانا نايم وصحتني وانا عين مفتحة وعين مغمضة

كل ياوليدي لاتنام وانت ماتعشيت المهم اكلت

وانا مادري بنفسي وخبركم لافيه كهربا ولاشي ماغير فانوس يالله تشوف فيه

اثر خالتي من كثر حرصها الله يجزاها عنا خير الجزاء كبرت اللقمة

والله وتنشب بحلقي وانقطع نفسي ويالله يالله تطلع بعد

جهد جهيد وارجاع ما اكلت 0 وبعدها ما ادري انا نمت من النعاس او فقدت الوعي

مادريت بنفسي الا الصبح والعالم يفطرون قبل طلوع الشمس وانا ميت من الجووع 0

اخذتني خالتي معها الى البر وكانوا ساكنين في بيت شعر بالنفود

وهناك بير يذهبون يوميا اليها لجلب الماء بشراع بالدلو0

وكان هناك شجر سدر وفيه ثمر لذيذ كطعم الكرز ولونه مثل لون الكرز

ويوميا نذهب اليه ونقطف منه وناكل بس اللي نكد علي

كان بجنبهم جيرانهم وعندهم كلب اذا شافني بدا ينبح وكنت اخاف منه

ودائما تراني اذا ذهبت الى جيرانهم امشي صاروخ ماتشوف الا غباري 0

جلست عندهم بعض الاجازة تقريبا شهرين وعدت الى قريتي وانا مغبر 0


( يتبع )

[شموخ سدير]

متابعه لك واعذرني على القصور

بس صدقني ارجع للصفحات اللي قبل عشان اقرا

يعني مافيه جزء يفوتني

[ابومياس]

المشاركة الأصلية كتبت بواسطة شموخ سدير

متابعه لك واعذرني على القصور

بس صدقني ارجع للصفحات اللي قبل عشان اقرا

يعني مافيه جزء يفوتني

ماجا منك قصور ياشموخ

وانا سعيد بمرورك ومتابعتك

دمتي بخير

[عذبة الطباع]

جلست عندهم بعض الاجازة تقريبا شهرين وعدت الى قريتي وانا مغبر 0
هههههههههههههههههههههههههههههه هههههههههههههههههههههههه
احلى شي صار له بصراحه قصه مشوقه
متابعيييييييييييييييين

[ابومياس]

المشاركة الأصلية كتبت بواسطة احلى الكلام

جلست عندهم بعض الاجازة تقريبا شهرين وعدت الى قريتي وانا مغبر 0
هههههههههههههههههههههههههههههه هههههههههههههههههههههههه
احلى شي صار له بصراحه قصه مشوقه
متابعيييييييييييييييين

ياهلا اختي احلى الكلام

سعيد بمتابعتكم

وشاكر لكم تواصلكم

دمتي بخير

[ابومياس]

مذكرات طفــل


الحلقة الثامنة


عدنا لكم من جديد لنتابع حديث صاحبنا فيقول :

بعد عودتي من منتجعات خوالي وقضاء برهة من الزمن بها

وتغيير اللون اقصد الجو 0 عدت الى قريتي وبها اكملت بقية الاجازة

وبعد الاجازة المدرسة << كاني جايب شي جديد

بدينا بالدراسة والان انا بالصف الرابع وفي هذا الصف بالذات حدثت قصة

بطولية لايقدم عليها الا الشجعان وقصة هذا الحدث هي :

كان عندنا في المدرسة اربع معلمين ثلاثة شبه مواظبين على الدوام اما الاخر

فننا لانراه الا نادرا يعني مثل مايقول المثل ( بالسنه حسنه ) وكان يدرسنا التاريخ والجغرافيا

وهناك معلم الله يذكره بالخير ويحسن اليه يضرب كل من لم يحفظ وبالذات الفقة

وفي يوم من الايام قلت لاحد زملائي وكان عددهم اثنان طبعا هذا عدد الفصل كله حنا ثلاثة

انا واخوي وواحد من القرية من الجماعة نبي نضرب المعلم مثل مايضربنا

قال اخوي خلاص الطالب اللي يضربه المعلم وهو مايضربه مو برجال

ونسيت ان اخوي دافور ويحفظ والضرب فيني وفي زميلنا الثاني

قلت خلاص المهم اتفقت انا وبالذات كان اتفاقي شبه عهد مع زميلي الثاني

خلا ص خلاص ضربناه ضربناه الله لايعوق 0

بدأت الحصة الاولى وكنا في فصل الشتاء ومطلعين طاولاتنا الثلاثة الى سور المدرسة بالشمس

على شان نتقي لسعة البرد في الفصل مافيه لاكهربا ولاغيرة

قال المعلم حفظتوا قلنا نعم قال لاخوي قم سمع لي شروط الصلاة وجاء اخوي الدافور

شروط الصلاة كذا وكذا وانا بنفسي اقول اخس يالجبان 0

ممتاز وانتم حافظين ايوه قم وقام زميلي الثاني هاه ماهي شرووط الصلاة

شروط الصلاة شروط الصلاة والله يوم جلس يخور قال له وماغص يمغص بطنك يالثور

ليش تقول انك حافظ وانت لوحٍ مسمر على جدار0 خلك واقف 0

والله وياقف مثل ماقال زي اللوح المسمر على الجدار

هاه وانت حفظت قلت لا قال لي لوا يلوي بطنك قم جب لي العصاء والله قام اخوي

ومن النذاله جاب له الخيزران 0 قلت انا في نفسي ضاربينك يالمدرس ضاربينك

قال لخويي افتح يدك والله الاثول وهو يفتح يده ويعطيه الساخن

وجاء دوري خوي ماضربه ولاشي قلت اكيد يبغاه اذا جاء يضربني يضربه

المهم كان واقف ماجلس لان المعلم ماقاله اجلس هاه افتح يدك فتحت يدي

والله يضربني العصاء الاول وخويي ماحرك شي والثاني والثالث والرابع والخامس والسادس

وبعدين كان ضرب زمان عدد زوجي مافيه فردي عدل بين اليدين

يوم خلص من ضربي كان عندي على الطاولة كتاب العلوم الدينية وكان بعده عني اقل من متر

والله وانا اعطيه الكتاب على وجهه واطالع لخويي يوم جلس الحيوان قلت توهقت يابو الشباب

يعني بس انت اللي مسوي فيها بطوله الجبان خويك وجلس ان وش يفكك من المدرسين

وخصوصا ان المدرس اللي كان يغاب دايم حاظر ذاك اليوم وكان جلاد

فيوم ضربت المدرس كان يقول له اكسر ظهرة ياساتر الله لايحطني بين يديه

هذا ماعنده ظرب هذا عنده تمويت 0 المهم المدرس بس اكتفى ان قال لي اجلس قلت اكيد ناوي نيه والله وانا اصيح

والظاهر شكله يوم شافني اصيح رحمني 0 سكت ودرسنا درس جديد

وانا خايف انهم يقولون انتهت الحصة لاني ما اضمن المعلم الشرير ذاك وش يبي يسوي فيني

خلصت الحصة وشوي يوم جاني الشرير قال لي وراك تضرب معلمك قلت مدري

قال الان تروح وتعتذر له قلت بالحال والله ماتشوف الا غباري للادارة يا استاذ ان غلطان

قال اقول رح غسل سيارتي قلت لو تبيني كل يوم اغسلها بس الفكه من هالتوهيقة

والله واجيب سطل الموية وكانت باردة جمدت يديني من بردها نصف ساعة والسيارة تلمع 0

وبعدها حرمت اتفق مع جبنا ورعاع 0 وحرمت اسوي فيها بطولات ما لامها داعي

رضى عني الاستاذ الله يجزاه بالخير وانا شديت حيلي وصرت دافور احسن من اخوي 0



( يتبع )

[السفيرة]

تسلم ابو مياس على القصه بس رحمتهم على العلقه الي اخذوها

من المدرس عااااد الرجال مايرحمون على الحامي

يعطيك العاافيه ...............متابعه لك

تحياتي

[عذبة الطباع]

متابعيييييييييييييييييييييييين

[ابومياس]

المشاركة الأصلية كتبت بواسطة السفيرة

تسلم ابو مياس على القصه بس رحمتهم على العلقه الي اخذوها

من المدرس عااااد الرجال مايرحمون على الحامي

يعطيك العاافيه ...............متابعه لك

تحياتي

اهلين اختي السفيرة

اولا شاكر تواصلك الدائم

وثانيا بالنسبه للرجال انهم مايرحمون انا ماني معاك

مو كل الرجال بس فيهم ووالاصابع ماهي سواء

تشكراتي

دمتي بخير