مقلات جبنتك في حشاي

[محمد اسماعيل الرفاعي]

تـتـذكّري؟
يوم قلتي لي :-
(ممكن تسيب روحك معاي لحظات وبس؟ )
ومن غير تردد سبتها وخليتا ليك
جواي كان عايش أمل
داير يروق ليها المقام
لامِن دوام تتملّى فيك
داب في البعاد كانت
تملّي بتشتهيك
وبين بينا كان بتحنّ ليك
ولازماً كمان تركن إليك
يوم تبقى ملكك وبين إيديك
وقمتي يا ست الحِسان
قعدّتي في بمبر أساي
أجّجتي نيران الغرام
هزيتي كانون لوعتي
وقليتي بُنِّك في حشاي
قلّبتي زيين .. لامِن أخد
لون سُمرتي
دقيتي في فُندُك رِضـأي
خليتي يتشظّى ويبوح
يشجيكي بي سر لهفتي
غليتي في موية دموعي
الصابة من أحرف غُناي
كبيتي في فنجان هواي
طعّمتي بي سُكّر صفاي ونشوتي
والزنجبيل كان نكهتو الوازناهو
أوتار نمّتي
بكّرتي بي قهوة شذاي وفرحتي
وتنيتي من نوراً سطع
من مهجتي
والبركة كانت إنشراح
شايل ملامح حب عفيف
ياما اتحبس بين الضلوع
مدسوس وراء
حدقات عيوني في مقلتي
والليلة بينات الدخان
يا الحلوة إتسرّب مرق
وقال ليكي يا ست الحِسان
بهواكي مما كُت صبي
أنا كنت راسمك في الخيال
مستنّي وكت الحين يحين
واتنسّمك
شان تبقي ناري وجنّتي

4 / 6 /2010م

[داعي الشوق]

محمد اسماعيل الرفاعي

كلمات جميلة

و قلم جميل

و حضور أجمل

ولفت نظري البيت التالي :

هزيتي كانون لوعتي
وقليتي بُنِّك في حشاي

.............

فـ البن لا يقلى أخي محمد

انه يحمس ،


و هذا ليس إلا من محب و معجب بيك ،

مع التقدير لك

،،،،،،،،،،،،،،،،

[عبير الورد]

سلم بوحك ويعطيك العافيه

[محمد اسماعيل الرفاعي]

المشاركة الأصلية كتبت بواسطة داعي الشوق

محمد اسماعيل الرفاعي

كلمات جميلة

و قلم جميل

و حضور أجمل

ولفت نظري البيت التالي :

هزيتي كانون لوعتي
وقليتي بُنِّك في حشاي

.............

فـ البن لا يقلى أخي محمد

انه يحمس ،


و هذا ليس إلا من محب و معجب بيك ،

مع التقدير لك

،،،،،،،،،،،،،،،،

عزيزي داعي الشوق
دوماً تسعدني طلتك وتوشوش دواخلي كلماتك
فقط المصطلحات والعادات تختلف سيدي فعندنا في السودان نقول :- ( قليت البن ) وقد قال شاعرنا المنتمي لقبيلة الشايقية في شمال السودان :-
( زي البن قلي وغليان )
لك خالص مودتي

[نفحات حساسة]

بوح رائه.. واحساس أروع

سلمت..

[حي الضمير]

رائعه وابدعت بارك الله فيك
أجزل التحايا والاحترام

[الخنساء]

سلمت ولاهنت

لبوحك الرااااائع

دام حرفك

[همس الورد]

بوووح رائع

سلمت اخي الفاضل

[زهرة اللوتس]

سلم بوحك
الراقي
يعطيك العافيه

[محمد اسماعيل الرفاعي]

المشاركة الأصلية كتبت بواسطة زهرة اللوتس

سلم بوحك
الراقي
يعطيك العافيه

وسلمت أيتها الزهرة النديّة