في مجتمعنا اليعربي

[الطائر المهاجر]

في مجتمعنـا اليعربـي ..ان كـان لا "واو" وظهر..حقـك علـى عينـك يضيـعولو في الشـرع كـل ماتبـي .. قانـون فعلـه اندثـر.. عجينـه فـي يـد اللئـام

وفي الغرب لو طفلٍ صبي .. ياخذ لحقّه في ظفر .. فالعـدل ملـك للجميـعمحـدً يقـول لْـه اتْهبـي .. قانـون واضـح معتبـر.. نـافـذ عـلـى كــل الآنــام

يا امتي لاتعجبي .. وشلون صرتـي فـي الحفـر .. والغـرب كالنجـم الرفيـعمن عقب جلبك للسبي .. تسبين في عز الظهـر .. وتحييـن لاعـدل وسـلام

ياراقصـه فـي الملعبـي .. هـزي وسـط ليـل العهـر .. شــاةٍ تـحـالا للربـيـعوالذيب حولك يقنبي .. ماهاب من قـرن انكسـر .. ماحـس مـن كثـر الألام

وحنـا نعانـي ونحبـي .. والكـل يشعـر بالقهـر.. مــن واقــعٍ اصـبـح فضـيـعتخالـف فـي المذهبـي.. تناطـح مـثـل البـقـر .. والـكـل فــي عــز المـنـام

اما مدحت وتكذبي .. وتقرب مـن اصحـاب الأمـر .. وتصبـح مثـل ايـة تبيـعوإلا تـرى فانتـه غبـي .. رجعـي وعقلـك مـن حجـر.. تصيـر مطمـع للفئـام

خلك مرن لو تذنبي .. واسهر مع اصحاب السهر.. برضاعتـك مثـل الرضيـعوللشغل رجلك تسحبي .. تدربي لراسك كالكفـر .. تضبـط امـورك بالتمـام

وجمله ولا لا تقربي .. لاتقـول لـي وجهـة نظـر .. خلـك مـع الريـس مطيـعتسلك امورك كالظبي .. لا مـد رجلـه مـا عثـر .. مـا يسبقـه طيـر الحمـام

ولا جاك شخصٍ يجذبي .. قم فز له مهمـا صغـر .. واخدمـه بالضامـر تبيـعهذا بنفعه يحسبي .. يخدمـك لا المجـد انحسـر .. ينقـذك فـي وقـت المـلام

ولاجاك كدش مكهربي .. يشكي من انواع القهر.. فاضحك من الفم الوسيعوافرش له الأرض ذهبي .. بالهرج مامنّه ضرر .. لـو مـا حصـل لـه مايـرام

ولاجيت درب مضببي .. درب الديانه فانحشر .. في كل مجلـس بـه سميـعوتفتف بصـوت مدربـي .. وحوقـل وهلـل بالذكـر.. لـو انـت سكـرانٍ تمـام

بوجهين واكثر يكسبي .. في وقت يمشي بالمكـر .. مـن كـل معتـوهٍ خديـعبايع ضميره اجربـي .. يشـوف فـي مكـره فخـر .. فـي وقـت يخـدم للئـآم

ياراقصه هيا اعربي .. وش عاد باقي ما انحدر .. في وقت شاب به الرضيعفاللي مشى درب النبـي .. قـولٍ وفعـلٍ انكسـر .. واصبـح يحـس الإنهـزام

[داعي الشوق]

صح لساااااااااااااانك مليووووووووووووون يا بو عبدالله

سبك و حبك و معنى و مبنى

ولاهنت

*********

[حوريه]

ولو في الشرع كل ماتبي .. قانون فعله اندثر.. عجينـه فـي يـد اللئـام
قصيده غير
جزله من شاعر جزل
صح لسانك مدد
دمت بكل خير

[عبدالله مذكر العقيلي]

الله اكبر

ماخليت شي ههههه

صح لسانك

وبيض الله وجهك


تحيتي

[شجون القصيد]

الشاعر الرائع والحكيم طائرنا المهاجر

جميله جدا هذه المعاني , والأجمل هو الاسلوب الراقي في الطرح

حينما يخدم الشعر هذه المعاني نجده دوما في القمم

درر ماقرأنا هنا لافض فوك

أراك الله الحق حقا

وجنّبك الزلل ودروب الخطأ

اعجابي وتقديري

[عبدالعزيز ابراهيم المنصور]

الطائر المهاجر
لافض فوك
سلمت ولاهنت
دمت بخير

[يزيد النمي]

ولو في الشرع كل ماتبي .. قانون فعله اندثر.. عجينـه فـي يـد اللئـام
وفي الغرب لو طفلٍ صبي .. ياخذ لحقّه في ظفر .. فالعـدل ملـك للجميـع


بيجيك واحد مطفي النور ويقول لك : لا حنا نحكم بالشرع .

وش تقول وش تخلي يابو عبد الله
صح لسانك ويسلم بنانك

[عبير الورد]

صح لسااااااااااااانك ملايين سلمت وسلم منطوقك الجزل
ربي يعطيك العافيه

[نفحات حساسة]

صح السانك طائرنااا

ولاهنت يالجزل..نص رائع..

سلمت وسلمت يمينك..

ودمت لناا,,تحيتي..

[ابو أنس]

الفاضل ابو عبدالله.....................
هذه المره طرق جديد
ليس في المربوع ...ولكن في البناء على قافيتين بالتبادل في الشطر الأخير
وقد عرفنا المربوع التزام القافيه الأخيره مع بناء الثلاث الأولى على حرف موحد
القصد القول بأنك مبدع متجدد
تحيتي وودي