على شاطي الراحه تلاقيت انا وياه

[صعبة المنال]

تطالع واطالعهـا وكـلٍ علـى مغـزاه
اقـرّب وتبعـد والمسافـات ورديــه


دوم عنوان للتميز

صح لسانك

صعووووووووب

[عبير الورد]

المشاركة الأصلية كتبت بواسطة الطائر المهاجر

على شاطي الراحه(*) تلاقيت انا وياه= بغنج ودلع تمشي غزالٍ حجازيه
تطالع واطالعها وكلٍ على مغزاه = اقرّب وتبعد والمسافات ورديه
وترجع تناظر في البحر مثل من يهواه= لتبعد عيون اللي عيونه شقاويه
اذا مد تتراجع واذا من رجع تقفاه= واذا دنقت فالموت من صدر حوريه
الا يا عيونه ارحمي من كشف مرماه= ومن رمية الهديف في حال مرثيه
رميتيه في اقصى ضميرٍ يجرّ الآه= تسمر مكانه من سهام النداويه
ترى الحب يتلاقى مع الموج في الأشباه= اذا ثار دمر دون رحمه وحنيه
تعالي وجسي نبض من في يديك دواه= يحس السحر يغشاه والروح مسبيه
تعالي وحني واكسبي الأجر لاجل الله= تراني اسيرك ادمت قيودك ايديه

(*) دورت مسمى لشاطئ في جده يناسب ما لقيت ووجدت كلمة الراحه هي الأنسب
للوزن ، فحطيتها ولم اكن اعلم بأن هنالك شاطئ بهذا المسمى إلا فيما بعد

صح لسااااانك مليااااراااات
سلمت وسلم بوحك الجزل
لاهنت ولاهان منطوقك
يعطيك الف عافيه

[عبدالرحمن بن زهير]

على اي شاطئ على اي بحر اكتبها يابوعبدالله يستقيم الوزن دامك كاتبها...صح الله لسانك

يعطيك العافيه يا ابا عبدالله

[عيدالماجد]

صح لسانك ابو عبدالله تحياااتي

[النهج المختلف]

الشاعر الرائع الطائر المهاجر صح السانك ، ،

قصيدة رائعة من شاعر جزل ومبدع ، ترجم احساس عذبة على شاطي جده ، ،

لاهنت يا دكتور الشعر ولا هان راسك وفكرك ، ،

الله يعطيك العافية يابوعبدالله ، ،

تحياتي وتقديري ، ،