ما كل من يزرع يسرّه حصاده بالربابه

[الطائر المهاجر]

بالربابه يصوت بلبل الفطاحله

ما كل من يزرع يسرّه حصاده= فبعض الزروع اتصير شوكٍ وصبار
حتى ولو ارهى عليها اجتهاده = ولو هو سقاها العذب من ماء الانهار
تجرح يدينه ما يفيده ضماده= ويحس في قلبه مثل لاهب النار
تحوس فكره بين هم ونكاده= ويمكن تجرّه مع همومه للاخطار
في غار مستسلم فلا له اراده= النار تحته وان وقف طقه الغار
فالأمر بيدينه خبير بعباده = ربٍ عظيم الشان علاّم الاسرار
لا صارت التربه صباخ بزياده = فاحذر تقربها ولو كنت بيطار
لا تقول انا فلانان عقل وركاده= فمن لا اعتبر بالغير ماعنده افكار
قبلك كثيرٍ بالفكر والسداده = وردوا بنفس العد مافاد انذار
مكتوب والمكتوب مابه لجاده = مهما اجتهدنا ما منعنا للاقدار
فخل الأمور اتسير كل ومراده= وخلك مع اللي عالمٍ كل ماصار
ودامك بدرب الحق كبر وساده = واتهن في نومك ولو شفت الاعصار
ان هو يشاء عدل ميالٍ شداده= وان هو يشاء طاح الجمل طيحة جدار

[صعبة المنال]

ابو عبدالله
دوم متميز حرفا وحضور

صح لسانك وفكرك

صعووووووووووووب

[عذب القوافي]

صح لسانك أبوعبدالله

نص وافي وعوايدك الجزال

تقبل مروري

أبوابراهيم,,,,,,

[زهرة اللوتس]

صدقت
با ابوعبد الله
لله درك ولا فض فوك
جزلة من شاعر جزل
لاهنت وبيض الله وجهك

تحياتي

زهرة

[بنت العز]

ودامك بدرب الحـق كبـر وسـاده
واتهن في نومك ولو شفت الاعصار
صدقت وصح لسانك لاعدمناك
سلمت ولاهنت
يعطيك العافيه
تحياتي

[فارس القوافي]

هلا يابو عبدالله

صح لسانك ياكنج

لاهنت

يعطيك العافية


دمت لنا بخير

[نفحات حساسة]

ودامك بـدرب الحـق كبـر وسـاده

واتهن في نومك ولو شفت الاعصـار

صح لسانك..ولاهنت يالقرم

ويعطيك العافيه,,تحياتى لك

[منيع]

سبحانه بيده التصريف والتدبير
اجدت وابدعت
والباقي على الله
بارك الله فيكم
تحياتي وتقديري

[نجم الإبداع]

الله الله

صح لسانك يابو عبدالله

حكمه وجزاله

لاهنت

تقبل مروري

وتقديري

[سناعيس]

فخل الأمـور اتسيـر كـل ومـراده
وخلك مع اللي عالـمٍ كـل ماصـار
ودامك بـدرب الحـق كبـر وسـاده
واتهن في نومك ولو شفت الاعصـار
ان هو يشـاء عـدل ميـالٍ شـداده
وان هو يشاء طاح الجمل طيحة جدار

ياسلام عليك يابو عبدالله
قلت فأجزلت يالغالي
صح لسانك ولله درك


تحياتي