حديث الشياطين

[منصور بن ملك]

داري  اعيونك  بالرموش  المزايين""خلي  البشر  في   حالها   تعبدالله

والله  مدري  حسنها   فيه   تلويين""والافوادي    بالسحر     قد     توله

حرام   والله   تفتنين    المسلمين""داري  اعيونك  بالرموش   المظله

خافي  من  الله  ارحمينا  مساكين""الكل   ينظر   لك   موقف    محله

جينا  بلقمة  عيشنا  نقضي   الدين""ورحنا بهم(ن)  فوق  هم(ن)  نشله

تدرين لو اعمى نظرلك من  اسنين""كان  ابصرت  عينه   ملاك   مطله

ثم راح يبحث عن دوى يعمي العين""اهون  عليه  من   السهر   والمذله

الموت    سنه    والحياه    اتغطين""مدام   عينك   منبع   السحر   كله

داري اعيونك عن عيون الشياطين""لاتنظرك    عينِ(ن)تصيبك     بعله

[الطامي]

بن ملك
صح بدنك ملايين
جزلة لاهنت

[منيع]

ابياتك تذكرني بقول الشاعر بالعربي الفصيح الابيات االمشهورة

إن العيون التي في طرفها حورٌ
قَتَلْننا ثم لم يُحْيينَ قتلانا
يَصْرَعْنَ ذا اللب حتى لا حراك به
وهن أضعف خلق الله انسانا

-----------------

كل الجمال والابداع
شكرا لكم
تحياتي وتقديري

[صعبة المنال]

جميل

صح لسانك وفكرك

صعووووووووووب

[مبروك بن ماضي]

اخوي المبدع :
الشاعر / منصور بن ملك
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري
أخوك / بن ماضي

[حي الضمير]

صح لسانك يامنصور
قصيده رائعه وابدعت يامميز
أجزل التحايا والاحترام

[حوريه]

منصور بن ملك

بوح رائع من شاعر رائع

صح احساسك

دمت بكل خير

[عدنان كريزم]

صح لسانك ولا هنت

[عمر ال شيبي]

صح لسانك لا هنت

الين انك سريت قلبي

[الـزلـزال]

منصور بن ملك
بوح متقن ومميز وجزل
من شاعر متمكن ورائع في كل مايقدمه
أبدعت شاعرنا وأرويتنا شعرآ
صح لسانك ملايين ملايين
ولك فائق تحياتي وتقديري