أ ح ب 6 6 6

[سعيد مقبل الأكلبي]

هــواة التمـيّـز طـيّـروا قيـمـة اللـوحـاتوكـــلٍ خـــذا لـوحـاتـه وجــــا يـبَـدّلـهـا

وانــا لوحـتـي متـمـيّـزه كـلّـهـا سـتــاتو(احب) الحروف مسجّـلاتٍ علـى اولهـا

على خردةٍ مـن شافهـا يكّـره المكشـاتولا يسـتـوي حـظــه مـادامــه مقابـلـهـا

لا رفـرف ولا كبّـوت فيهـا ولا اسطـبـاتانهكهـا الزمـان الشيـن وانهكـت كاهلـهـا

وانا امشي عليها مامعي رخصـةٍ واثبـاتوفـقـدت استمـارتـهـا ولانـيــب ناقـلـهـا

لا شفـت الـمـرور يفـتّـش ادوّر اللـفـاتوعلى اقـرب ملَـفْ آجـض واجيـك ناتلهـا

واذا مـا معـي مخـرج وحدتنـي الصـبـاتدريــت انّـهـا كـتـبَـت عـلــي وآتحمـلـهـا

لا قـرّبـت للتفتـيـش لجّـيـت بالـدعـواتوتهـتـز رجـلـي لـيـن تطـفـي واشغّـلـهـا

واذا جيت عند العسكري تطلع الضحكاتاجامـلْـه بالضحـكـه وهــو مــا يجامـلـهـا

اسـلّـم علـيـه وكانـنـي عـارفـه بـالـذاتوانا صيدتي لو يصْمُـل شـوي مـا اسهلهـا

احيـانٍ تفـوت بخيـر وآقـول شــرٍ فــاتواحيـانـاً تجـيـك مطَبْـلَـه يـــوم اطبّـلـهـا

وصلت المعارض وابتدا السـوم بالميّـاتميـات الالــوف الـلـي تنـومـس فعايلـهـا

انا كنـت اظـن ان قيمـة الموتـر ريـالاتوعـيّـنــت فـيـهــا قـيــمــةٍ مآتـخـيـلـهـا

قامـت علـى مخبـاي تسابـق الشيـكـاتوكــــلٍ يــقــول الله يـخـلّـيـك تقـبـلـهـا

واذا قلت ماني بايع استفحلـت الاصـواتولـجّـت عـلـي صاحينـهـا مـــع مهبّـلـهـا

قلت المشكلـه اوراقهـا ناقصـه حاجـاتقالـوا انـت بعنـا خرّدتـك بــس وازهلـهـا

تخيّرت من بين العروض اكبر السومـاتوطـلّـقـتـهــا تـطـلـيــقــةٍ مـــآتــــحللها

وانـا واحمـد الله بيعتـي احسـن البيعـاتوعسـى الله يديـم النعمـه اللـي نحصّلهـا

نـاسٍ ماتعيّـن شـي تشـري بـه اللنـبـاتعلـى شـان يـولـع نـورهـا فــي منازلـهـا

ونـاسٍ تفـرط المليـون علـى الكماليـاتومــن زود نعـمـة ربـهـا تـلـعـب وتـلّـهـا

وناسٍ فالسجون وتحتري صرفة الزكاتعلـى شـان يِقضـى الديـن وتـروح لهلهـا

ونـاسٍ مـع بنـات الليـل وتْـرُش دولاراتعلـى شـان يابلفـيـت تنـسـى مشاكلـهـا

وناسٍ تحّتزم بالعُسر واتّـذل مالشرهـاتلاجـا ضيفهـا يلقـى الشحـم فـي مناقلهـا

ونـاسٍ عنـدهـا الامــوال لكنـهـا هيـهـاتعلـى هبلهـا والضيـف مــا يـقُـرب حللها

طرّاه الرقم والحـرف وحكايـة اللوحـاتونـاسٍ عنـدهـا الامــوال وعقولـهـا بلـهـا

27/7/1430هـ

[منيع]

رائعه ومميزة ومعبره
كل الشكر والتقدير لكم
تحياتي

[مبروك بن ماضي]

اخوي المبدع :
الشاعر / سعيد مقبل الأكلبي
الف صح لسانك على هذه الرااائعه والممتعه
سعدت بقراءتها وتشرفت بحضوري هنا
بس طال عمرك أبسألك
ماقد حد أشر لك بالوقوف وسامها منك
من اجل اللوحه تراها تبي يجيب لك قيمة جيب صالون
سجل اعجابي وتقبل تحياتي وتقديري
أخوك / بن ماضي

[الطامي]

سغيد الأكلبي
صح السانك ملايين
جزلة وهادفه
لاهنت اخي

[عدنان كريزم]

صح لسانك يالغالي


ولا هنت


تحيتي لك

[مشعل الشايقي]

الله عليك اخي سعيد


لله درك ياجزل على هذه الرائعه


صح لسانك وعلا شانك



تحيتي وتقديري

[زهرة اللوتس]

سلمت وصح لسانك وفكرك
نص رائع من شاعر رائع
لاهنت
دمت بخير

[حي الضمير]

ياسلام يابومقبل
ابدعت حيل يامميز
وملياااااااار صح لساااانك يانجم

[داعي الشوق]

صدقت والله يالشاعر سعيد الاكلبي

و صح لسانك مدد بلا عدد

قصيدة جميلة

صوّرت واقع نشاهده في هذا الوقت

شاعر رائع و ليس هذا الابداع بغريب

صح لسانك مع التحية لك

[حوريه]

نص رائع من شاعر رائع

صح لسانك واحساسك

دمت ودام حرفك