خاب ظني وحدسي ؟؟؟؟؟؟؟ الجديد مع المري

[الطامي]

لا والله الا خاب ظني وحدسي = مع الهقاوي بالرفيق الموالي
جيته واناوضعي بخيرٍٍماهوسي= احسبه مثل اطويق يومه زمالي
عزاه كانه يحسب الواجد اشوي= والرزق عنداللي ينشَي الخيالي
المال قد قالوه يقفي مع الفي = وتبقى المراجل مع زحول الرجالي
وقد قالو العربان قبلي ومبـطـي = لغير اهلها ماتجي راس مالي
وقال المثل ماغطت النثلة المي = يظهر ويسقون العرب والحلالي
اثره مبجل يوم عاد الفحل حي = ومن حشمته يحشم من اول وتالي
منين ياتيه الردى والعرِِق ري = مابين خال وعم شمخ الجبالي
والوالد اللي يشبه لحاتم الطي = وجدوده اللي ذكرهم بالعوالي
قلته وانا ماني مشره على خي = دامه نشا في بردها والظلالي
ماجاه لامسرى ولا الوجه مشوي= من حر لاهوبٍ يجيه وملالي
يطرد ورى رزقٍ يجيله ويقفي = حالة شقى تصقله صقل السلالي
ومقارعة بيضان الوجيه والسي = ياخذ ويعطي بالليالي الخوالي
نوبٍ مع البدوان مامور منهي = يتبع نهجهم في رُقي المعالي
ونوبٍ مع الحضران ماهوب معفي= يبيع يشري بالذهب والريالي
يدرى اهروج مشوَهٍ عارفٍ عَي = شذَاب عرقوبٍ بسود الليالي
قلته وانا مارضى على مثله بلي = وارُد عنده لابحث له مجالي
مالي غناةٍ منه مهما حصل لي = ولاله غنى مني بكل الحوالي
وختمٍ الوم النفس مما حصل بي= وادرى اهروجٍ بالقفا بي تقالي

[داعي الشوق]

صح لسانك يالطامي

شاعر جزل و رائع يا بو محمد

في كل الحالات

صح لسانك مدد بلا عدد

تقديري لك

،،،،،،،،،،،،،،،

[نجم الإبداع]

الله الله

صح لسانك يابو محمد

وافي وقصيدك وافي

لاهنت

تقبل مروري

وتقديري

[منيع]

ابيات رائعه
تحمل عتاب جميل
بارك الله فيكم
تحياتي

[الطامي]

داعي
صح بدنك اخي
وشكرا لمرورك وتعليقك الأجمل
لاهنت

[الطامي]

فلاح
صح بدنك اخي
وشكرا لمرورك وتعليقك الأجمل
لاهنت

[الطامي]

منيع ابو حمد
صح بدنك اخي
وشكرا لمرورك وتعليقك الأجمل
لاهنت

[الـزلـزال]

مالـي غنـاةٍ منـه مهمـا حصـل لـي=ولالـه غنـى مـنـي بـكـل الحـوالـي

الطامي
قصيده رائعه ومميزه في معانيها وتوجيهها
من شاعر رائع ومتقن ومميز
في كل مايقدمه
أبدعت شاعرنا وأمتعت وليس بغريب عليك الأبداع والتميز
صح لسانك ملايين ملايين
ولك فائق تحياتي وتقديري

[الطامي]

الحارثي
صح بدنك اخي
وشكرا لمرورك وتعليقك الأجمل
لاهنت

[سناعيس]

صح لسانك يالطامي
قصيدة رائعه
كالعاده الجزالة هي العنوان
لاهنت وعسى ان يبلغ المقصود
ويعي ما جاء فيها

تحياتي