لله درّك مـــن ترنّــم ( بــعـد حــــيْ )

[سهيل الشمري]

دمي شمالي واخذ الطيب من طـــي =انا الغنج وافـــخر بدمي شمــــالي
ارقى بقافي مع شموخي بعد حي =واجلس على سفح الغــمام بخيالي

بيتين شعر لاحد الشاعرات

حاولت المجارات بمتواضعتي

علها تشفع لي قصوري معكم

.

شدّي بيوت الشعر صدرك على أيْ =والعجْز من رتْمك على قـــــاف آلي
لله درّك مـــن ترنّــم (بــعـد حــــيْ) =طرّا فـ بالي عزوتـي والمفــــالي
بيتين عزٍ شــــدّن الفكـــر وايْـــديْ =خلّنّي اهْذي دون مافْــــطن لحــالي
ليا الشموخ اللي تعزويت في طــيْ =وليا الرّقـــيّ اللي ذكـــرْ للشّــمالي
حياك من دارٍ بها الشّــــوق يـــدويْ =من قلب ديــرة جاعفـــين العــقالي
وتْلاع اجا. عقده ومنشار واصْحـــيْ =والعاجــزه وافْيـــاضها والســهالي
والموقده وارْكان والمشــط يدْعـــيْ =مع جـبّه وشـــعْفٍ له ابْــدت ســؤالي
ياغنْج نجد بدار جدّك شـــعق ضـــيْ =بــرّاق صـــرْحٍ نـــايــــفٍ بالـــعوالي
ويقول وصْل الرّحْـــم للـــعمّ والخــيْ =واجـــب ولــزْمٍ للـــبنيّ والــــعــيالي
ياغنْج هذي بضْعة ابــيات تــــشْديْ =وتْســائلكْ حثّـــي خطــــا لاتــــبالي
للبــــارق الـــنايف بذيّاااك وبْـــــذيْ =اللـــي مراهـــــيشه ثقــــالٍ جــزالي
قبلك دعاني وارْتويت اعْـذب المـــيْ =وقطــفْت ماجـــمّع شـــتات وشِـلالي
واخْتم بيوتٍ عند قافك ولا شـــــــيْ =وابْــي الســـموحه ياخلف من غدالـي

[نجم الإبداع]

سهيل


صح لسانك على المجااه الرائعه


تحياتي واحترامي

[نسناس الهوى]

الله عليك ..
قافيه عذبه اطربت فيها قلوبنا ..
صح لسانك ولاهنت يالشمالي ..

حياك من دارٍ بها الشّوق يدويْ
من قلب ديرة جاعفين العقالي


وتْلاع اجا. عقده ومنشار واصْحيْ
والعاجزه وافْياضها والسهالي


والموقده وارْكان والمشط يدْعيْ
مع جبّه وشعْفٍ له ابْدت سؤالي


صح السانك يالغالي ولك كل التقدير والاحترام اكيد معذبهن بالطلعات هد شوي

اخوك / هاوي النفود

[الغريب]

ياحى الله الشمال واهله

بس انا احتج ياسهيل وراك ماذكرة موقق

تسلم وصح لسانك على ها الابيات الجميلة

/

الـ .. فـاضـل ..


سـهـيـــل ..


كـتـبـتَ ..


فـ .. أبـدعــت ...


صـ لسـانـكـ ـح ..


مــدد .. بـ .. لا .. عــدد ..


دمــتَ .. كمـا .. أنــت ..


بـ انتظـار .. الـ مـزيـد ..


أخي .. الـ كـريــم ..

/

[الريم]

الشاعر القدير / سهيل

صح لسااانك وسلم فكرك على هالقصييد الراااااائع

بجد ابدعت

يا ربي دوم تكون بهالروعه والابداااع

[ابو زياد]

المتمكن سهيل
العذب سهيل
لك الله كم انت مبدع وراقي
لازلت من عشاق حرفك ومتذوقي شعرك
صح لسانك ودمت بخير

[الخنساء]

لله درّك من ترنّم (بعد حيْ)
طرّا فـبالي عزوتي والمفالي


بيتين عزٍ شدّن الفكر وايْديْ
خلّنّي اهْذي دون مافْطن لحالي


ليا الشموخ اللي تعزويت في طيْ
وليا الرّقيّ اللي ذكرْ للشّمالي


حياك من دارٍ بها الشّوق يدويْ
من قلب ديرة جاعفين العقالي
صح لسانك اخي الشاعر القديرسهل
حي الله اهل حلئل الطيبين
جزله المعاني وقويه
سلمت وسلم شعرك
تحياتي

الشاعر القدير / سهيل
مجاراة رائعة وحاشاك وأنا أخوك من التقصير
صح لسانك قافية صعبة وراقية
حقيقة قصيدة فاتنة