الداب وشجرته ؟!! مصافحة العوده ..

بعد أن تلقيت مكالمه هاتفية من أخي العزيز
وشاعرنا الكبير محمد الفارس , آثرت ان اشارك اسرة ال فارس الكرام افراحهم بهذه
القصيدة الخاصة , وبسبب برنامج الحفل المعد مسبقا لم أنل شرف القائها منبريا
ولكن سنحت لي الفرصة بتقديمها اثناء الامسية التي أعقبت العشاء , انشرها
هنا لمن فاته حضور الامسية ..

هـلا بالسحـاب اللـي تـزبـر وحــن عصـيـرمـع اول نجـوم الصيـف والريـح حاشـرتـه

تقـادح سنـا برقـه تـقـل بالسـمـاء تفجـيـرالـى طــاح وبـلـه بالـوطـا ثــارت غبـرتـه

تحـدر مـن القبلـه عـلـى نـجـد دار الخـيـرلــوانــه تـعــداهــا فـلاهــيــب عــاذرتـــه

تساوى على اوسطها مـن المردمـه للنيـرتهـادى لـشـرق المجمـعـه قــص تذكـرتـه

دخل في صميم المرحله فوق روض سديروغـنـى لـهـا مـــوال والـبـنـت مسـهـرتـه

يجـر اللحـن جــر الربـابـه وهــدى السـيـرعشقهـا وهـي بالعـشـق تــدري وخابـرتـه

نثـر فوقهـا شـوق السـوانـي لـذيـك البـيـرولا فـيــه وادي مـابـكـى مـــن مـبـادرتـه

سقاهـا قـراح المـاء وفــي كـفـه التبـذيـركشـف راعـي التنجيـم ليـن احتـرق كرتـه

سكـن وداي الروضـه وسجـل لـنـا تقـريـررجــع لـلـوراء تـاريــخ والـمـجـد ذاكـرتــه

على وقت ابن غشام يـوم الفخـر تسطيـرمخاوي نصـاب السيـف والشعـر حنجرتـه

تميمـي عريـب السـاس ماناشـه التطويـرفعايـل يديـه اللـي مــع الـنـاس مظهـرتـه

ولا زال لـه سطـوه وخطـوه مـع التقـديـرمـدام انـهـا تمـشـي عـلـى الارض بـاذرتـه

لنـا فـي محـمـد راعــي الطايـلـه تصـويـرظهـر نجمـه الـلامـع وماشـفـت سطـرتـه

افاخـر بابـن عمـي ولــي بالفـخـر تبشـيـرلـوانــه بـعـيـد الـــدار جـيـتــه وزاورتــــه

لــو ان الليـالـي علمتـنـي بفـعـل الـطـيـرعلـي الحـرام ان كـان مـن قـبـل دورتــه

اسوق الركايب ليـن تاقـف علـى التشهيـروالـى حـل وقـت القـاف جيتـه وشـاورتـه

لانــه مـحـل الــروح والـشـرح والتفسـيـرهـو الحلـم يومـنـي مــع الـنـاس فسـرتـه

لعـل الحيـا فـي روضـة سديـر لـه تعبـيـرقـصـايـد تميـمـيـه ولا هــيــب عـاسـرتــه

بعـد سبـعـة ايــام الــذواري لـهـا تعطـيـرالـى شمـهـا راع الـهـوى جــاب سامـرتـه

كتـب ماكتـب فـوق الـورق للغـلا تسطيـرجذبهـا مـن اقصـاهـا عـلـى قــد مقـدرتـه

تسامـر مـع النجمـه يـبـي للسـهـر تبـريـريكـابـد هـمـوم ٍ تطعـنـه وســط خاصـرتـه

شكى ماشكا مـن لوعـة الحـب والتقصيـرعلـيـه الجـفـاء مــن صاحـبـه دار دايـرتـه

علـيـه الله اكـبـر كلـمـا حــل لــه تذكـيـرعلـى شاشـة القـلـب الخـضـر لاتصـورتـه

اهــل العبـايـر لــو لـنــا بـالـهـوى تغـيـيـرتراجـعـت عـشـر سنـيـن عنـهـا وغـيـرتـه

تفـكـرت فــي دنـيـاي واعيـانـي التفكـيـروشـاورت عقلـي حـول وضعـي وداورتــه

لقيت الحلول اصعب من الشعر والتحريـرلانــي عشـقـت الكـوكـب الـلـي تخـيـرتـه

ولا ينـحـنـي راســـي ولايـقـبـل الـتـغـريـروالــى دق نـاقـوس الـخـطـر ماتكـابـرتـه

ولانـي مـن اللـي يلتهـي فـي لحـوم الغيـرمثـل واحــد ٍ باللـيـل يـرضـي بـهـا مـرتـه

والى جيت مجلـس فيـه نمـام مثـل عويـركبيـر الـكـلام وطـيـب الافـعـال هاجـرتـه

الـى اخـذت لـي فنـجـال حطيتـهـا توفـيـرعسى الله يخارجني مـن الـداب وشجرتـه

للتحميل هنا



التحميـــــــــل

تقبلوا خالص تحياتي ,,,


ناصر القزلان 19/ 5/ 1430هـ

[/align]

[داعي الشوق]

	هلا بك و ألف هلا يا ناصر و الحمد لله على السلامة و افي يا ناصر دائما وافي و النعم بك و بمن ذكرته بالقصيدة و يستاهل المدح و لا يقدر الطيبين إلا الطيبين سلمت و صح لسانك مدد بلا عدد يا بن قزلان تحيتي لك ،،،،،،،،،،،،

[عدنان كريزم]

صح لسانك يالغلا ولا هنت

[حوريه]

ماشاء الله

قصيده شامخه بشموخ شاعرها

والنعم بالجميع

صح قلبك ياناصر

وياهلا بك بعد غيابك

دمت ودام حرفك

.

[ابو أنس]

الفاضل ناصر القزلان......................
لو لم يكن من فضائل الشاعر محمد الفارس سوى عودتك لنا لكان كافيا ووافيا
والشاعر محمد الفارس اسم لمع وحفر على صفحات الصخور واعتلا قمة مجد هو أهل له
قصيده وافيه وموفقة ومسدده في محلها ووقتها ولاغرابه اذا كان القائل ناصر
والمناسبة مجد تميم
شكرا على الحضور وعلى الكلمات الجميله
تحيتي وودي

[الطامي]

ارحب ياناصر القزلان
صح الله السانك وفكرك واحساسك
جزلة من جزل
ومن كريم لمستحقها
لاهنت اخي
والله يحيك مرة اخرى بالفطاحله

[ناصر عبيد الهواوي]

ولنعم يابو محمد بك وببني تميم
ووبمن مدحت والرجال الطيبين يستاهلون المدح
لله درك على هالمعلقة واهلا وسهلا بك
تحياتي والسلام

[الطائر المهاجر]

صح لسانك ولا هان راسك
مدد بلا عدد ياناصر
دمت كماانت مبدعا
تحيتي الطيبة

[منيع]

رائعة وشامخة
شكرا لكم
تحياتي

[رفيعة الشان]

شاعرنا الفاضل
صح الله لسانك مليوون
ومليون النعم بالمادح والممدوح
نص وافي وابدعت فيه

لاااهنت