أبوكـــــــــــــــــــــــاس

[سعيد مقبل الأكلبي]

قلتها مع بداية ارتفاع اسعار الأرز

ماودك تروف بحالة الناس يابوكاس= تر الناس يابوكاس عقبك مساكيني
ماغيرك يارز البسمتي في قلوب الناس= ولكن تعدى سعرك اميه وثمانيني
بطون العرب في غيبتك ضُمّرٍ يبّاس= ولاغيرك يليّن جفاف المصاريني
لو ان شركتك جاها الدهر واعلنت الافلاس= وصلها من الشعب السعودي ملاييني
لكن ارفعت الاسعار ماهمها الاحساس= ولاقدّرت حال الضعوف الجويعيني
بغينا نقاطعها ونتبع صليب الراس= ابو هرجةٍ تنفخ كبود البعاريني
وطحنا مثل ماطاح عباس بن فرناس= يوم انه ربط جنحانها بالذَراعيني
بغا بين جيله ياخذ الطيب والنوماس= وحوّل على راسه بليا كراعيني
وذلحين يالدبوس لاترجي الدباس= هذا شكله مقلّد ومصنوع فالصيني
دخلت البقالة وامتلت كلبو الاكياس= وجيت المحاسب خابر انه يراعيني
ظرب لوحة الصرّاف واظهر علي قرطاس= والا مبلغٍ يخْلف جميع الموازيني
وقمت اتلفت والعرب كنهم حرّاس= احد ينهره واحدٍ يدز المواعيني
تقرّبت منه وقلت ياصاحبي لاباس= انا مامعي شيٍ يكفيك ذالحيني
ياليتك تسامحني وتكتب على الكراس= وتمّْهل علي وانا بسددك بعديني
قال العفو انا مانيب عنتر ولاجسّاس= ولاني كليب التغلبي كان توحيني
انا موظفٍ توّي قراري على الترباس= واقرب غلطةٍ صوب الشوارع توديني
تفضّل ترا الناس اطفشوا وانت مانت بحاس= وشوف السرا خلفك ولاعاد ترجيني
قلت الرجا في رحمة الله قوي الباس= والا رحمة العربان ماهيب تغنيني
رجّع كلبو الاغراض واترك لي ابو كاس= واخُذ قيمته لاكان بميه وتسعيني

[حي الضمير]

نص اجتماعي جميل صيغ بأسلوب رائع ومبدع
ومليااااااااار صح لساااااااانك شاعرنا الرائع سعيد

[صعبة المنال]

تميززززززززززززززز


صح لساانك


صعووووب

[ناصر عبيد الهواوي]

الاخ سعيد اهلا بك وبافكارك النيرة
ولكن دلنا على السوق اللي فيه الرز بميه وثمانين
الان حول الثلاثمايه
على كل القصيدة شامخة ولاهنت وصح لسانك ياشاعرنا
وتقبل تحياتي والسلام

[رفيعة الشان]

نص جميل يحاكي مشكلة واقعية
ونحن في رجا حلهااا
رساالة رائعه عسى ان تؤخذ بعين الاعتبار
سلمت وقصيد هااادف
صح الله لسانك مليون مليون
ابدعت

ولاااهنت

[الـزلـزال]

قلت الرجا فـي رحمـة الله قـوي البـاس=والا رحمـة العربـان ماهيـب تغنيـنـي
رجّع كلبو الاغراض واترك لي ابـو كـاس=واخُـذ قيمتـه لاكـان بميـه وتسعيـنـي

سعيد الأكلبي


بوح رائع ومميز كالعاده


من شاعر له أسلوب ممتع ومميز وخاص

أبدعت غالينا في طرحك المتقن

الله ينزل أبو كاس وعيال عمه

ويحنن قلوب تجارنا علينا


صح لسانك ملايين ملايين


ولك فائق تحياتي

[زهرة اللوتس]

سعيد مقبل الاكلبي
سلمت وسلم فكرك
جزلة من شاعر جزل
لاهنت وبيض الله وجهك
تحية طيبة

زهرة

[عذب القوافي]

سعيد الأكلبي

صح لسانك

نص جميل

لله درك يالغالي

تقديري ,,,,,,,

[سعيد مقبل الأكلبي]

المشاركة الأصلية كتبت بواسطة حي الضمير

نص اجتماعي جميل صيغ بأسلوب رائع ومبدع
ومليااااااااار صح لساااااااانك شاعرنا الرائع سعيد

يامرحبابك ياحي الضمير
وصح بدنك يالكفو

[الخنساء]

صح لسانك ولاهنت
بوح رائع يترجم الواقع
سلمت ودمت بخير