جرح الروح

سلام الله ورحمته وبركاته عليكم
انه لمن دواعي سروري ان البي دعوة استاذي الغالي العزيز/الطائر المهاجر
وها أنا اتشرف بتلبية الدعوة وبانضمامي لكم..ومشاركتكم بهذه المتواضعه

أكبر ويكبر حبها كبر عذرا=يسرع نموّي لكن أسرع نموّه
وعدة سنينٍ في مواعيد غبرا=في كل عامٍ توّه البنت توّه
وأصبر وصبري يعلم الله جبرا=أجرع مراره في رجاوي حلوّه
حبه دمرني(كاليهودي بصبرا)=دم وقهر ضعفٍ تولاه قوّه
جرح الجسد لوهو بعد وقت يبرا=لاشك جرح الروح صعبٍ بروّه
يوم الخبر جاني دبورٍ ودبرا=قالوا تزوج وسط جوٍّ مشوّه
فجئه..خصوصي..عاجلٍ.(فيه نبرا)=أمرٍ قضى مافيه:ليته ولوّه
بعد الخبر كن الفضاء صار قبرا=والا كأن القاع حولي تطوّه
أخذت وقتٍ منثبر فيه ثبرا=ماطيق أشوف الزاد وآدم وحوّه
الضيم يبرا القلب بالجرح يبرا=بري الرحى للقمح يوم الرحوّه
هم برقعوا طيري يخطّون وأقرا=ومطمنينه بالدعا والشلوّه
وجابوا بدل صقري من البحر صقرا=وانا على مفلاي حسب التفوّه
وحطوا حباراهم بلاريش عفرا=قدام راع الطير بارضه وجوّه
الشمس غابت والغرابيل تفرا=كبدي وقلبي.شمسناغاب ضوه
لحظات خلن لذة العيش كدرا=ويامالزمن قبلي بغيري تفوّه
يامن له اشكي وأكثر الناس يزرا=وين الخوي اللي يعز الاخوّه؟
وين الحكيم اللي للاحساس يدرا=اللي يضمد جرح قلبي مروّه
ماأقدر اعدد خايفٍ لاأتخطرا=ولاكل رجلٍ جيداتٍ عروّه
وحنا بوقتٍ زاد الانذال كثرا=حتى الحمايل حاش منها حشوّه
فيهم نفاقٍ يخلف الراس كبرا=جداً بسيطة يجعل الحر بوّه
يشيلهم من شال قيصر وكسرا=اخير لارض الله منهم خلوّه
متى يجي بالنون والكاف بشرا=تبرض بهااشجارالحشاعقب سوّه
يالله ياواعد مع العسر يسرا=تفرج لحالٍ فجرتها عبوّه

[الــذاهبه]

هلا وغلا والله شاعرنا القدير مطلق البخيتان

مرحبأ فيك في قسم همس القوافي

وسعدت بمصافحة همسك

كتبت فاابدعت لاهان قافك

صح لسااانك ملييييون

[الطائر المهاجر]

صح لسانك وقلبك
مصافحة ولا اروع من شاعر فحل
هذي يابو سالم تبي لها قعده
لي عودة بإذن الله
لاهان راسك يالغالي
اعجابي وتقديري واحترامي
مع أطيب تحياتي

[يزيد النمي]

متى يجي بالنون والكـاف بشـرا
تبرض بهااشجارالحشاعقب سـوّه
يالله ياواعـد مـع العسـر يسـرا
تفـرج لحـالٍ فجرتـهـا عـبـوّه
آمين

الله الله عليك يامطلق البخيتان
صح لسانك مدد بلا عدد
تسجيل اعجاب ومتابعة


لك تحيتي وشكري

[سناعيس]

الأخ مطلق البخيتان..............
حياك الله وصح لسانك ولاهان راسك وأقول:

لله در اللي بناها على الرا +++ قصيدة فيها جزاله وقوه

كما يسعدني أن أهنئ نفسي والجماعه بقدومكم الميمون
تقبل تحيات أخوك سناعيس

يامن له اشكي وأكثر الناس يـزرا
وين الخوي اللـي يعـز الاخـوّه؟
وين الحكيم اللي للاحسـاس يـدرا
اللي يضمـد جـرح قلبـي مـروّه

مطلق
قاف وترنيمة قافية ومعاني لا يجيدها الا موهوب وصاحب خبرة
صح لسانك ودمت في خير يا السنافي

أخوك

[ثار التميميه]

وأصبر وصبري يعلـم الله جبـرا
أجرع مراره فـي رجـاوي حلـوّه
حبـه دمرني(كاليهـودي بصبـرا)
دم وقهـر ضعـفٍ تـولاه قــوّه
جرح الجسد لوهو بعد وقت يبـرا
لاشك جرح الروح صعـبٍ بـروّه



صح لسانك مليون ولايوفون

وربي ابداااع

جزله من راس جزل

[ابو أنس]

الشاعر مطلق .............
مرحبا بك في الفطاحله
ومرحبا بك هنا في همس القوافي
فوجودك مثري وقصائدك جميلة وافية محكمه
سبق لي ان قرأت لك وسعدت بمتابعتك
واسعد بك هنا أكثر.
القصيدة وافية محكمة مليئة مطربه
فلك مع الشكر أوفر التحايا

[ضاامية الود]

اخوي مطلق هلا بك

نورت المنتدى فى وجودك وفى حروفك

صح لسانك وقلبك

وحروف قلمك البراقه

علي الأبداع الراقي و

الحروف الجزله في معانيها

تقبل خالص تحياتي وتقديري

اختك

[الريم]

الشاعر مطلق البخيتان صح لسانك على القصيده الرائعه