قال الذي في بدع الامثال يحتاط

[فواز الغسلان]

قال الـذي فـي بـدع الامثـال يحتـاطوان هــاض فــي قيفانـهـا ماخلطـهـا

يخـاف مـن يفـرح بتجمـيـع الاغــلاطولا صـــاد غـلـطـات الاوادم لقـطـهـا

لا هـاج حسـده بالمعالـيـق واشـتـاطكل القفـوش اللـي بمشطـه فرطهـا

فـي شاعـر يبـدع علـى كـل الانمـاطولا رام خـزنـات القـوافـي شعـطـهـا

باللي رمى روحي علـى نـار الاحبـاطوخـلاه تقضـي ليلـهـا فــي سخطـهـا

عينه عيون الفرس واجسام الاقبـاطقسميـن والبطـن الصليبـي وسطـهـا

عطره يعيد الوجـد والشـوق لا عـاطعطـرن اليـا نـاش الضمايـر بسطهـا

ياشين يوم اقفى معه عفش وشنـاطمـن يومهـا والـروح تشكـي قحطـهـا

هجره لسع روحي مثل لسع الاسواطتحت البغيـض اللـي بسوطـه لعطهـا

والا قدحـت بداخـل الجـوف شـخـاطنـارن وقـوده مــن هشـايـم سبطـهـا

مالـي علـى سلـم الاجـاويـد مـقـلاطوفعولـنـا خــوف الفـضـايـح ربـطـهـا

ونـفـوس اهلـهـا ماتـقـارب وتنـهـاطلـو سـاعـة لـلـروح تنـهـي شططـهـا

هـذا مـعـه عـجـراء وهــذا بمـسـواطوهــذا سكاكـيـنـه بجـيـبـه سفـطـهـا

حول المها صـارو مداحيـش ونشـاطومن جاه في سوط الظليمه مسطها

ماصار لـه مطلـع ولا شفـت مهبـاطلـو قرطـة بكـفـوف طـفـل قرطـهـا

ولو صرت بدروب الهوى تقل مزقاطالكبـد مـطـراش الـدجـى ماخبطـهـا

يامـا سريـت بـلافـح الـبـرد بشـبـاطلانــام جـفـن الـلـي بلـيـلـه عبـطـهـا

فوق اشهب لا دست له تقل مخبـاطمع سهلـة لـو طـال شوطـه معطهـا

صعـب تصوغـه ريشـة عنـد خـطـاطاو شـاعـرن يـبـدع قـوافــي نبـطـهـا

صـحـراء ولا يـاتـي تفاتـيـش ونـقـاطاو واحــد حـتــى الـتـوايـر سعـطـهـا

ياطـى علـى رمـل ودعاثيـر وقطـاطولا شـاف شينـات المطالـع شبطـهـا

مـاسـدد القيـمـه فواتـيـر واقـســاطمـن تاجـرن لقمـة قصـيـره زرطـهـا

ولا بات دفيان(ن)تحت شرع وبساطوالبنـت لـو تلمـس جنوطـه قفطـهـا

ولاطاح حيله والسبـب طلعـة الغـاطوطاع الشروط اللي وكيلـه شرطهـا

ولا ضاق لا زاد السفر خمسة اشواطوشـال المكيـنـه والبسـاتـم خرطـهـا

فوقـه شجـاع يقضـي اللـيـل مــواطكــم سـهـلـة لا راح لـيـلـه مغـطـهـا

اسري لعيـن اللـي لمحتـه بفسطـاطرش الجـدايـل بالعـطـور ومشـطـهـا

طردت زول اللي خذت كـل الانـواطومـن شافهـا بـيـن الخـلايـق غبطـهـا

واثـر المداخـل بـه عساكـر وضـبـاطفــي خـطـة راع الـهـوى ماضبطـهـا

وخسرت في سوق الهوى كل الابناطمع صاحـب قـش السهـوم وقشطهـا

[سناعيس]

الله الله
الشاعر فواز الغسلان
صح لسانك ولله درك
جزل بكل ماتعنيه هذه الكلمه
قافية وحبك وسبك على اعلى مستوى
لاهنت وبيض الله وجهك

تحياتي

[الطائر المهاجر]

رائعة من شاعر رائع
ومتجدد الإبداع
صح لسانك وفكرك يافواز
ودام ابداعك
تحيتي ومودتي

[زهرة اللوتس]

جزلة من شاعر جزل
الشاعر فواز
لاهنت وبيض الله وجهك
وصح لسانك حتى ترضى
تحية طيبة

[ام العمده]

الشاعر/فواز

صح لساانك واعتلااا شانك

لاهان راسك

رائعه من روائعك

ابدعت

تحياتي وتقديري

الغسلان

صح صح صح السانك

قصيده ممتازه من شاعر متمكن

لا هنت

موج القصيد

[مبروك بن ماضي]

الاخ الفاضل الشاعر / فواز الغسلان

صح الله لسانك وقلبك أخي العزيز

مبدع وممتع كما عهدتك دائماً

دمت بهذا الألق

إحترامي وتقديري

[سعد الشقحاء]

صح لسانك
واعتلا شانك
ولا هنت على الابداع

[الأموره]

الغسلآن ..~

هطول مميز ..~

صح لسانك ملايين ..~

سلمت و سلم فكرك ..~

ألف شكر لك ..~

دمت برعاية الخالق ..~

[عالي مستواها]

الشاعر/الغسلآن

صح لسانك

وزان حالك

لاهنت مليون ولا يكفون

لله درك

الله لا يحرمنا هذا النزف

الله يعطيك 1000 عافيه