الغاية

[حمود السكراني]

الـغـايـة الـلــي تجـاذبـنـي وجـاذبـهــا

هـي جوهـر القصـد ولا مالـنـا طـلابـه

ماشـاب رأسـي سـوى كثـرة تحطبهـا

تقول في وسط صـدري فـوج حطابـه

شـبـنـا وحـنــا بـهــا لـدنـيـا نطالـبـهـا

ومن طال ممشـاه لازم تتعـب ركابـه

ياصـاحـبـي درتـهــا ودارت دوالـبـهــا

حسبـي علـى وقتـي اللـي دار دولابـه

تـعـبـت مـنـهـا تحـاربـنـي وحـاربـهــا

وحـنـا بـهــا بـيــن شـرايــة وجـلابــة

حــزات تغـلـب لـنـا وحــزات نغلبـهـا

وحـزات تاقـف بـرأس الريـع مرتـابـة

تـدري ولـو طـالـت اليمـنـى غواربـهـا

خليتهـا مـرقـب(ن) للطـيـب يرقـابـه

يقطعـك فيـد(ن) اذا بالجمـع أحسبـهـا

وأحـط عـن ضيعـة الأرقــام حسـابـه

ان كــان ماخيـرهـا مـتـرف جوانبـهـا

وش عــاد لوأقبـلـت بـألـوان جـذابــة

ماعـدت مغـرم بهـا ولاعـدت طالبـهـا

ورزقـي بكـف الـذي ماخـاب طـلابـه

ولاعـاد بالنـفـس بـاقـي هــم متعبـهـا

الا عـلـوم(ن) تــوارد فـكــر وكـتـابـه

للـعـز ربــع(ن) لـنـا قـفـت مراكبـهـا

في وقتهم كل ذيب(ن) كاظم(ن) نابه

والـيــوم دون الـذيـابـة ذي ثعـالـبـهـا

تــزور زور الأســود بمـدخـل الـغـابـة

ياحيـلـة الله عـلـى الدنـيـا ومقالـبـهـا

والله وأكـبـر عـلـى وقـتـي وماجـابـه

أنخـى ربـوع(ن) علـى كفـي أحسبـهـا

بقـيـة الـلـي بـقـى مـــن ماتـعـزوابـه

وأخـص مـن هــو لياضـاقـت معزبـهـا

عــزام جــزام بـأمــره لاتـبــدى بـــه

اللـي عـلـى ذروة الـطـولات مركبـهـا

وان كـان ماجالهـا جـاتـه عـلـى بـابـه

لـه تنحنـي طايعـة مـن خـوف يغلبهـا

وليا عصـت ردهـا فـي رأس مشعابـه

بعـض السعـة ياعزيـز النفـس تذربهـا

وبعـض الحـيـاء دون حـقـك لاتـذرابـه

طـالـت بـهـا وذاب واجبـهـا بحاجـبـهـا

والـنــاس مـابـيـن كـذابــه ونـصـابــه

ان كـان مـا للقضـيـة غـيـض يوجبـهـا

راحـت بيديـن المعـادي سـرق ونهابـه

[ام العمده]

حمود

صح لساانك واعتلااا شانك

لاهان راسك

كتبت فأبدعت

دمت بخير

[محمد عبدالله البدراني]

حمود السكراني


سلمه الله


ابيات جميله ومعبره


لاهنت

وصح السانك


تحيتي وتقديري

[منيع]

ياسلام عليك
ابيات رائعة
وجزلة
بارك الله فيك
تحياتي

[عذب القوافي]

الأخ الشاعر : حمود السكراني

صح لسانك

نص وافي من وافي

تقديري,,,,,,,,

[عبدالرحمن حميد الغانمي]

جميل جدا يا حمود

قصيده جدا جمالها و زاد جمالها القافية الرائعه في الصدر و العجز

لا هنت يالذيب على الابداااع



صح الله لسانك

[نجم الإبداع]

ارحب ياحمود

وصح لسانك على المصافحه الجزله

لاهنت

تقبل مروري

وتقديري

[رفيعة الشان]

الله
الله الله
الله
ختمة راااائعه
وقصيــدة أروع شااعرنا
فصح الله لساانك مليوون
يالأخ السكراني
فانتظار جديدك

ولاااااهنت

[صعبة المنال]

صح لسانك




صعوب

[الخنساء]

صح لسانك مليون

ابيات رائعة

سلمت ودمت بخير