خطك وصل

[ابو أنس]

قصيدة البدء ....
من صاحب فاضل يعاتب من وجهة نظره بعض الأمور المتعلقة بالعمل صاغها حسب رؤاه وما يرغبه من جانب ما يعرفه ويريده. ولم يجانب الصواب كثيرا فوجهة نظره مقدره ولكن ما يخفى أكبر مما يعلم وما يراد لايدرك كله وعوائق العمل كثيره كثيرا ما تتصادم مع رؤانا ومتطلباتنا التي كثيرا ما يكون دافعها المصلحه الشخصيه الآنيه دون رصدٍ للأبعاد والنظم والقوانين.
القصيده بعنوان ( آلام وآمال)يقول.........

كتبت لك ياصاحبي وانت عرّيف=لك في الشعر حاضر ولك فيه ماضي
يابن حسن دقق على الكم والكيف=وتدقيق مثلك ما عليه اعتراضي
واللي يدقق يكتشف شي ما شيف=عطشى واشوف القوم دون الحياضي
شيبت من شي(ن)تعدا التواصيف=يوم استثرت الشعر جاوب وهاضي
بناتنا تحتاج نظره وتخفيف=شوف النتايج كلها بانخفاضي
في دربهن للمجد شافوا صواديف=الكيل من كثر الصواديف فاضي
كم فرقة تدرس وشافت من الحيف=ويسلّكون امورهم بالتغاضي
وان عرقلوا مسيرهن بالتكاليف=وضيِّق عليهن ياسعد من نقاضي
راعي الوطن في ديرته كنه الضيف=عجزت اميز بين سود وبياضي
ياكثر ما نسمع عن الغش والزيف=ولاطاف وقته قلت اسامح واراضي
بعض القلوب السود تحتاج تنظيف=عسى الحيا يسقي السهل والفياضي
وبلغ ..... شكري وحبي بتلطيف=جهد الحكومه لاجلهن راح فاضي
نبي نجاح(ن)فيه ميزه وتشريف=وش فرق شقرا عن بنات الرياضي

الرد..........

خطك وصل وانا قريته على الكيف=فنجان بن(ن)يقعد الراس ماضي
يطرد عماس اللي بدا به خذاريف=صارت عيونه من جهدها جحاضي
حيثك فتحت الجرح من غير تنظيف=زاد الألم والطب فيه افتراضي
أحد(ن)يقول نضمده بالتلافيف=الأمر هيّن ما يبي له مخاضي
خلك بوسط الملعبه شخص حرّيف=العب لعب شطرنج حاكم وقاضي
واحد(ن)يحوق بطبخته كنه الشيف=ناره تلظّّى بس مابه مقاضي
واحد(ن)على بوابة النت حرّيف=شبعان نوم وزاد والبال فاضي
يملك مفاتيح وحلول وتصاريف=ياويل من يبدي عليه اعتراضي
وانتا حكيم وفاهم ورايك منيف=راعي اختصاص ووارد(ن)للحياضي
تعْرف بأن الأمنيه كنها الطيف=ومحد(ن)عن احلامه ترى اليوم راضي
وتوجيه الاريا بين هاقي وعرّيف=معادله محكومة الإنقراضي
وان قلت شيف اقول به شي ماشيف=مابين زين وشين جاك احتفاضي
وانتا وانا واهلك نراقب بلاحيف=نعمل عسى الرايه كساها البياضي
رسالتك وصلت.ووصلت بلازيف=وماني عن الزله شرود متغاضي
واوصلتها للي تبي دون تطفيف=وشرحت ما بين الخطوط العراضي
سمينا وجه السعد مكرم الضيف=اغلا تحياتي بها الشعر هاضي
سلام من شقرا الى مسجد الخيف=وعد المطر واعدا ما البرق ناضي

أبوأنس

[نجم الإبداع]

صح لسانك يابو انس

وصح لسان صديقك

صوت وصدى وافيين

شكرا لاتحافنا

لاهنت

تقبل مروري

وتقديري

[حوريه]

كثير من الناس يقولون مالا يعلموووون

شاعرنا الرااقي..

محاوره رائعه وأن كان بها ما بها

انت نهر متدفق من الابداع والجزالة

كل يوم تطل علينا باتجاه شعري جزل

صح قلبك ... وإحساااسك

لاهنت ولا هاااان مغليك

.

[مبروك بن ماضي]

أخي المبدع / أبو انس

صح لسانك وجاد بيانك
وصح لسان صديقك
صوت وصدى رائعين
لشاعرين قديرين
سجل اعجابي بما قرأت
تقبل تحياتي واحترامي ،

[زهرة اللوتس]

الشاعر // ابو انس
سلمت وسلم فكرك
صوت وصدى
لشاعرين مبدعين
جزلة من شاعر جزل
لك مني اطيب تحية

زهره

[ناصر عبيد الهواوي]

صح السانك ولسان صاحبك تكافؤ منقطع النظير محاورة رائعة وتفاهم واضح
لكما احترامي وتقديري

[محمد عبدالله البدراني]

العزيز الغالي اخي سعد الحسن سلمه الله


عندما تكتب فأن الشعر يكتبك ايضاً


كانت البدايه قويه جدا من صديقك وعندما قرأتها قلت :

الله كيف سيتخارج من وجهة له , فقد اختار الهدف والقافيه ؟؟


ولكني عندما وصلت الى ردك ووجدتك كأنك البادئ وانت تفتح مجالا رحبا للقافيه

وبكل تمكن تشرح موقفك وبكل لطف تبين وجهات النظر وتساير صاحبك في مواضع اخرى


لله درررررررررررررك ياأبا أنس



لوكنت مكان مرسلها لوجدت ضالتي هنا :


وتوجيه الاريا بيـن هاقـي وعرّيـف
معـادلـه محكـومـة الإنقـراضـي
وان قلت شيف اقول به شي ماشيـف
مابين زين وشيـن جـاك احتفاضـي


ولوجدت الرضى كل الرضى والامتنان


فكيف بي وانا اقرا قصيدة كامله بها من التمكن وطيب المعرفه الشيء الكثير



مليون مليون مليون صح السانك يابو أنس ولاعدمناك ايه الانسان الشاعر النقي




بيض الله وجهك


تحيتي
مع اسمى ايات الشكر فائق التقدير واطيب المنى رعاك الاله

ابو انس

صح الله الساانك ملاااااااااايين
صوت وصدى راائعين

وان كنت اجدك تفوقت نضما ومعنا ومبنا

لله درك ما اغزر تدفق ابدااعك

لا هنت

موج القصيد

[رفيعة الشان]

واوصلتها للـي تبـي دون تطفيـف
وشرحت ما بين الخطـوط العراضـي

اناشهد

الأخ ايو انس

صح الله لسان صديقك الفاضل

وصح الله لسانك مليوون

ابدعتووا

لاااهنتوا

[حي الضمير]

شاعرنا الكبير ابوانس
مدد صح لسااااااانك وفكرك
وصاحبك اسند القصيده على كفو
وانت راعيها ياخبير
والحقيقة ابدعتم حيل حيل
ادام الله تواصلكم