يمّه قولي ..طفلة تسأل امها

[الطائر المهاجر]

يمّه قولي ويش صاير ابتلينا بالرزايا = أمة الإسلام ضاعت وافتقدنا للهويّه
وش حدا بالغرب يحقد ,,وش يخبي من خبايا= مايكفّيهم بأنّا ما بقى منّا بقيّه
الأعادي ما تغيّر لو يخبوا للنوايا = العقيده يكرهوها واهلها معها سويّه
كل يومٍ قتل فينا من شبابٍ أو صبايا= والسجن للي يطالب بالحقوق الأوليّه
استحلوا كل ارض وزرعوا فيها الخزايا= ونهبوها عيني عينك ما لقت يدٍّ حفيّه
يمّه من يحمي العقيده كود يبقى لو بقايا= ومين يحمي مقبل الاحفاد اذا مابي حميّه
اسلحتنا وفي يديهم بدونهم حنّا عمايا= ماسكينٍ بالعلابي وكاشفينٍ للطويّه
ماعدا شيٍّ وحيدٍ كامنٍ وسط الخلايا = صعب يكشف من يشيله حتى باقمارغبيّه
يذكرونه وقت روما وكيف سوّا للسوايا = وبعدها دكّ القواعد للغزاة الصليبيه
خايفينٍ منه دايم ينتفض جوّا الحنايا = مثل بركانٍ مدمّر ينفجر وهْم الضحيّه
وبتدوا في غزو فكري قصده عقول البرايا= لمسح آثار العقيده والمبادي اليعربيه
وجّهوا اقمار ترسل سمّها لاصغر ضحايا = من رآها ما يفكّر وش وراها من بليّه
والطفل منها يتعلم كل اصناف الخنايا = لارقيب ولا حسيبٍ يحمي النفس البريّه
ما يفكر غير ياكل ويتبطح بالزوايا = لا صلاة ولا عباده مدمن افلامٍ رديّه
ينسى دينه..ينسى ربّه .. يكتسب خسّ السجايا= ما يعدّل بعد كبره صار غربي ميّه ميّه
كل عقله في الشهاوي ولا يفكّر في الخطايا= لا عقيده ولا ضمير يمنعه عن سوء نيّه
ولا حميّه للمحارم لو مشن حتى عرايا = ولا شهامه لو يشوف الذيب يفري في الضحيّه
يمّه هذا اليوم يومك لا تخلّين الضنايا = الطفل عندك أمانه لا تخونيها .. وصيّه
وش تقولي يوم يسأل رب يدري بالخفايا = وش تظني يوم تجني ..غير حقران وأذيّه
ازرعي يمّه جميلٍ تحصدي أجمل هدايا = تكسبي دينٍ ودنيا قبل لحظات المنيّه

هذه القصيدة ومعها 3 قصائد اجتماعية اخرى
تم تسجيلها على كاست من قبل مؤسسة محطات الكويتيه
ووزعت كعمل خيري في دول الخليج

[الأموره]

و الله و حيرتنا يالعم ،،

كل بيت اصدق من الاخر ،،

و كل واحد مؤلم اكثر من اللي قبله ،،



اسلحتنا وفـي يديهـم بدونهـم حنّـا عمايـا

ايه و الله صدقـــت ،،

و هذي هي المصيبه الاكبر،،

ااه ،،

ربي يعين و يصلح الوضع ،،

صح لسانك مليون ،،

سلمت يالشاعر ،،

الف شكر لك ،،

دمت برعاية الخالق ،،

[الطائر المهاجر]

شكرا لك اختي الفاضلة

اوهذه لقصيدة اخذتها مني احد المؤسسات الإعلامية في الكويت (اعتقد اسمها محطات) قبل حوالي 3 سنوات
مع قصائد اخرى اجتماعيه ونزلتها في شريط خيري بإنشاد مجموعه ووزعته على دول الخليج
تحياتي

[الأموره]

العفــــــــو ،،

مممممممم

ما تعرف وش اسمه ؟؟

[الطائر المهاجر]

والله اللي عرفته انهم باعوا الشريط في دول الخليج
وحسب كلامهم فريع الشريط لأعمال خيريه وتغطية التكلفة
شكرا لك
تحياتي

الطاائر

شاعر العثمانيات
والقضايا الاجتمااعيه

صح صح صح لساانك

دوما نقف عاجزين امام ابداعك
والاحرف لا تجد من عبارات الثناء
ما يليق بروعه طرحك

لله دررررررررررك

ولا هنت


موج القصيد

[عيد مشعل]

صح لسانك

جزله

تحياتي لك

[منيع]

رائعة ومعبرة
شكرا لك
تحياتي

[ناصر عبيد الهواوي]

اجدت يابو عبدالله جدا عندما جعلتها تأتي بشكلها الشامل الضافي ووضعت النقط على الحروف
لقد لمست الأنامل المواجع جزاك الله خيرا على ابداعك واختيارك
للمواضيع الساخنه بل الحارة لا فض فوك

[محمد عبدالله البدراني]

صح السان وعلا شانك يابو عبدالله


مبدع دائما ماتتحسس مواضع الالم او المواضع الهامه لتكسيها بروعة مشاعرك شعرا جزلا ومشاعر فياضه


لله دررررك لله دررررك

ومليون صح السانك



تحيتي