يا ليتني بايع العنَّاب

[عبدالله الشويمان]

اليكم احبتي هذا البوح اتمنى ان يكون لها لدى القارئ نوع من الاعجاب..هو ليس بجديد وانما من الاوراق اقديمه.

يا ليتني بايع العنَّاب

تبين النور وليلي تو وقته بدا=كنه طلع لي صباح إبشمسه الشارقه
ضبيٍ صدفته جماله ما لِحق له مدا=بين الضبا يا كثر إخصاله الفارقه
من يوم شفته وانا بالدرب فوق الهدا=القلب ميَّل معه والعين له زارقه
ياليتني بايع العنَّاب يا محمدا=حتى يباح الكلام احكي مع الطارقه
واقول قلبي هواك احساس مابه ردا=وجه لوجهٍ واقول النار بي حارقه
هيا الى المحكمه تكتب لنا عقد أدا=عشرة محبه على السنه ولا السارقه
واختم كلامي واذا ما فاد فيه الندا=النفس والروح من دونه ترى غارقه

عبدالله الشويمان-الرعد

الشاعر الغالي عبدالله الشويمان ...الرعد


صح لسانك والله لايهينك


قصيدة حلوة .. وقديمك نديمك لو الجديد أغواك

قاف عذب ومعنى أكثر عذوبه

تقبل تحياتي

[زهرة اللوتس]

الشاعر// الشويمان

صح لسانك وبيض الله وجهك
ولاهان راسك
جزلة من شاعر جزل
سلمت وسلم فكرك

ولك اطيب المنى


زهره

[همس الورد]

شاعرنا المحترم

سلمت و غنمت

صح لسانك

و بيض الله وجهك

اخي الكريم

روووووووووعة


لاهنت

[مبروك بن ماضي]

الشاعر القدير / عبدالله الشويمان
صح لسانك وجاد بيانك
سجل اعجابي بقديمك وجديدك
مبدع من مبطي ورائع
تفضل بقبول تحياتي

[محمد عبدالله البدراني]

العزيز الغالي اخي عبدالله الشويمان سلمه الله


الله الله الله

على صعوبة القافيه الا انك روضتها تماما يابو بدر


لاهنت وبيض الله وجهك


ومليون مليون صح السانك

ولله دررررررررررررررك

لله درررررررررررك


ولافض فاك ياشيخ



سلمت ودمت

ولاعدمناك ياغالي


تحيتي

الشويماان

صح لسااانك

كلماات عذبه واحسااس رااائع

لا هنت



موج القصيد

[منيع]

ابيات جميلة
بارك الله فيك
تحياتي

[الطامي]

الشويمان
الله عليك ياعود
توك بدرب الهوا والعمر سبعين
صح السانك وبنانك ولافض فوك
شكرا لك عمو

[رفيعة الشان]

النفس والرووح من دونه ترا غاارقه

اللــه
رائعه وجميله كما عودتنا
الأخ الشاعر الشويمان
صح الله لسانك مليوون
ابدعت واجدت
لااهنت