مصافحة بوش

[ناصر عبيد الهواوي]

قوم الغدر تحالفوا مع عدانا=يالمالكي ما انتم لنا كفو بالهوش
وين انت يوم الفرس تسهج حمانا=صرتوا مثل قطعة بقر داخل الحوش
يوم ان ابن تكريت حسبة حدانا=عشرين عام بوسط باريس مكروش
ويوم الخبر في موت صدام جانا=جابوك عمانك كما الثور مهروش
وين انت يا شاري بلايز ديانا=ما تشتري لك جزمة صافحت بوش
ياجعل كف لافها ما يهانا=ورأس ٍ عطاه الامرما صابه اعبوش
تسلم وجعلك ياليزيدي تعانا=كل العرب تقول ما قمت به خوش
مثلت في فعلك نماذج طنانا=بطل وثابت قلب ما هوب مربوش
شجاع عن كسب الفخر ما توانا=بالورد درب المدح ماهوب مفروش
اخذ سنام المكرمات السمانا=وللمالكي خلى مصارين وكروش
ويقول صبر الين يصحي سمانا=ويزول كابوس ٍ على القاع مرشوش
لله على منهج محمد ولانا=والمالكي ولاه لمعزبه بوش

[داعي الشوق]

الله الله يالهواوي

رائعة بالحيييييييل

صح لسانك مدد بلا عدد يا ناصر

تحياتي لك مع تقديري

،،،،،،،،،،،

[الطامي]

ناصر
صح السانك وبنان ولافض فوك
وافية من وافي دائما
لاهنت اخي

[نجم الإبداع]

صح لسانك ياناصر

جزل

لاهنت

تقبل مروري

وتقديري

[سعيد الصاعدي]

الاخ الفاضل / ناصر عبيد الهواوي
صح لسانك لاهنت
نص شعري راقي جدااااا
من شاعر جزل
تسلم ويسلم فكرك يالغالي
تحياتي
أخـوك
س / ص

الله الله
الله الله

صح لسانك على الرائعه
وسلمت اناملك

[سناعيس]

صح لسانك يالهواوي
وبيض الله وجهك
على هذه الرائعه

لاهنت

[حوريه]

ناصر الهواوي
صح لسانك وقلبك
لاهنت على هالرااائعه
دااام نبضك وحرفك

[حي الضمير]

قصيده في الصميم
وابدعت حيل ياناصر
وبيض الله وجهك
ومدد صح لسااانك

[الأموره]

الهوآوي ..~

نص جميل بجمآل حضورك اخي الكريم .~

صح لسـآنك ملايين ..~

سلمت و سلم فكرك ..~

الف شكر لك ..~

نورت الصفحه ..~