معانااااااة

[شجاع عمر الأكلبي]

قلبي يحب الشذى ويذوب في ذكرهـ=وياليت ريح الشذى ماعوّد صناعي
أسكر مع إسمه هوى وأموت في عطرهـ=والفوز به لي حلال ٍ غاية أطماعي
الصاحب اللي عشقته قاصر ٍ شبرهـ=عاكس طريق الوفا لي وأرث أوجاعي
والقلب مما حصلي متّسع شطرهـ=وأن جيت أبنساه عيّا القلب ماطاعي
وهو ماحسب كسرة الخفّاق مع جبره=غالي وحبّه بقلبي يزحم أضلاعي
والحزن له في كلامي عبرة ونبرة=وأهرب من الناس لايشمت بي الساعي
والقلب ممايشوفه نافذ ٍ صبره=أخاف ماعاد يدمح له وينصاعي
أحيان يدخل عليّ مع فتحة الأبره=وأحيان ينشب مابين مباك وأضباعي
أثر الوفا عند خلي حافر ٍ قبرهـ=عزمه على الغدر والطعنات بتّاعي
أخذت مما حصلي من الغضي عبرهـ=والظاهر إني بأخلي ذيك الأطماعي
لي فطرة ٍ ماتوافق نهجه وفطره=عسى السعد في حياته دايم يشاعي
والناس في سعيها من الله في دبرهـ=ويالله إن تقدي طريقي درب الأسناعي
ومما يجي من التجارب نكسب الخبرهـ=ونميّز الكيل بين المد والصاعي

[الـزلـزال]

شجاع عمر الأكلبي

الصاحب اللي عشقته قاصـر ٍ شبـره=عاكس طريق الوفا لي وأرث أوجاعي
والقلب مما حصلـي متّسـع شطـره=وأن جيت أبنساه عيّا القلب ماطاعـي

في هذة القصيده حنين لمحبوب مبتعد عن محبوبه

وبسبب هذا البعد تعلم شاعرنا وأستفاد

قصيده عذبه في معانيها أختلطت بالجزاله والتصويرات الرائعه

ومثلك شاعرنا يجيد فنون العزف الشعري

صح لسانك ملايين ملايين

وتقبل فائق تحياتي

[الخنساء]

صح لسانك اخى الشاعر شجاع

لاهان راسك قصيدة رائعة

سلمت وسلم شعرك

دمت بخير

[عذب القوافي]

الجزل / شجاع الأكلبي

صح لسانك

نص وافي من لله درك يالغالي

تقديري,,,,,,

الشاعر الغالي / شجاع الأكلبي

قصيدة تمكنت من معانيها وصياغتها
فتمكنت من قلوبنا

أثر الوفا عنـد خلـي حافـر ٍ قبـره
عزمه على الغدر والطعنـات بتّاعـي
أخذت مما حصلي من الغضي عبـره
والظاهر إني بأخلي ذيـك الأطماعـي


جزالة الشعر من جزالة شاعرها

وصح لسانك يالغاليولك مني كل التقدير والاحترام

[عدنان كريزم]

ابو عمر الغالي ..


لا هنت يالذيب ..

قصيده عجزت أدور آي بيت آجزل من الثاني ..


لا هنت

[عبدالعزيز العمار]

الشاعر العذب شجاع الاكلبي..

صح لسانك وجاد بيانك..

قصيدة رائعه وعذبه لاهنت..

تقبل اجمل تحيه

[مبروك بن ماضي]

الاخ الفاضل الشاعر / شجاع الاكلبي..
ما أجمل الوقوف على عتبات كلماتك
صح لسانك .. فقد أستمتعت بكل حروفها
تقبل تحياتي وتقديري
أخوك / بن ماضي

[الطامي]

شجاع الأكلبي
اللع عليك مأروع ماتتفوه به من ابيات جميله جدا
لافض فوك
وصح السانك وبنانك
ولاهنت عيني

[ابومالك رسام]

وهو ماحسب كسرة الخفّاق مع جبـره
غالي وحبّه بقلبـي يزحـم أضلاعـي
أخذت مما حصلي من الغضي عبـره
والظاهر إني بأخلي ذيـك الأطماعـي



الشاعر شجاع عمر

صح لسانك بحق استمتعت بطربية القافية وجزالة نظمك

فكنت مسرور بمروري هنا سلامي لك ولاهنت